Última revisión
09/02/2023
Dictamen de Consello Consultivo de Galicia 488 de 18 de diciembre de 2019
Relacionados:
Órgano: Consello Consultivo de Galicia
Fecha: 18/12/2019
Num. Resolución: 488
Cuestión
Reclamación de responsabilidade patrimonialResumen
Reclamación de responsabilidade patrimonial interposta por P., en nome e representación de V., polos danos sufridos ao caer ao chan cando circulaba como condutor dun ciclomotor e bater contra outro condutor dunha bicicleta na avenida de Finisterre da cidade da Coruña.Organismo: Concello da Coruña
Letrado: López Corral
Propuesta: Desestimatoria
Conclusion: Favorable
Relator: Fernández Vázquez
Contestacion
ANTECEDENTES
1.- Con data 27.9.2019, P., actuando en representación de V., presentou ante o Concello da Coruña unha reclamación de responsabilidade
patrimonial polos danos sufridos o 21.8.2018 ao caer ao chan cando circulaba como condutor dun ciclomotor pola avenida de
Finisterre da cidade da Coruña e viu interceptada a súa traxectoria pola manobra antirregulamentaria dunha bicicleta propiedade
de BiciCoruña EMVSA, conducida por P.
2.- Solicita unha indemnización por importe de 19.125,14 ? polas lesións padecidas, e 910,21 ? polos danos causados ao vehículo
da súa propiedade.
3.- Instruído o procedemento, no que se prescindiu do trámite de audiencia, ao non se ter en conta outras alegacións ou documentos
distintos dos presentados pola parte reclamante, con data 12.11.2019 a instrutora elaborou unha proposta de resolución que
propugna a desestimación da reclamación.
4.- O expediente de razón foi remitido, para preceptivo ditame deste Consello Consultivo de Galicia, polo señor alcalde do Concello
da Coruña tendo entrada neste organismo con data 4.12.2019.
5.- Os demais antecedentes dedúcense do contido do ditame.
CONSIDERACIÓNS
Primeira.
O Consello Consultivo de Galicia é competente para coñecer do expediente de reclamación de responsabilidade patrimonial das Administracións públicas ao que se fixo referencia nos antecedentes a teor
do previsto nos artigos 12.j) da Lei 3/2014, do 24 de abril, do Consello Consultivo de Galicia, e 17.a) do seu Regulamento
de organización e funcionamento, aprobado polo Decreto 91/2015, do 18 de xuño, por tratarse dunha reclamación de responsabilidade
patrimonial presentada ante unha Administración local por contía superior a 15.000,00 ?.
Segunda.
O expediente sobre o que se solicita a emisión de ditame suscita un caso de responsabilidade patrimonial das administracións públicas que, como tal suposto, vén regulado basicamente polo artigo 106.2
da Constitución española, pola Lei 39/2015, do 1 de outubro, do procedemento administrativo común das administracións públicas
(en diante LPAC) (aspectos procedementais) e polos artigos 32 a 37 da Lei 40/2015, do 1 de outubro, de réxime xurídico do
sector público (en diante, LRXSP).
Tratándose neste caso da eventual responsabilidade patrimonial dunha entidade local, debe traerse a colación o artigo 54 da Lei 7/1985, do 2 de abril, reguladora das bases do réxime local, a teor do cal:
?as entidades locais responderán directamente dos danos e prexuízos causados aos particulares nos seus bens e dereitos como
consecuencia do funcionamento dos servizos públicos ou da actuación das súas autoridades, funcionarios ou axentes, nos termos
establecidos na lexislación xeral sobre responsabilidade administrativa?.
En sentido similar pronúnciase o artigo 223 do Real decreto 2568/1986, do 28 de novembro, polo que se aproba o Regulamento de organización, funcionamento e réxime xurídico das entidades locais.
O Concello da Coruña tramitou correctamente o procedemento, quedando constancia no expediente remitido da realización dos actos de instrución necesarios, da xustificada omisión do trámite de audiencia á
parte reclamante, segundo o autorizado polo artigo 82.4 da LPAC, e da formulación da correspondente proposta de resolución.
Terceira.
No tocante aos aspectos de fondo hai que indicar que os principios que rexen a responsabilidade patrimonial das administracións públicas son o resultado dunha elaboración da doutrina e da xurisprudencia,
e teñen sido reiteradamente expostos polo Consello Consultivo.
Sinteticamente expostos, os presupostos mínimos para que xurda a responsabilidade patrimonial da Administración, partindo do principio de responsabilidade obxectiva e directa, son:
a) O dano producido no patrimonio dos particulares ten que ser efectivo e individualizado nunha persoa ou nun grupo de persoas.
b) O precitado dano ou lesión debe producir no patrimonio do particular lesionado un prexuízo antixurídico que este non teña
o deber de soportar.
c) O dano ou lesión patrimonial ten que gardar un nexo causal co funcionamento normal ou anormal dos servizos públicos.
d) O dano non debe ser produto dunha situación de forza maior.
e) A reclamación ten que ser presentada polo particular interesado dentro do prazo legalmente establecido.
Xunto co anterior cabe indicar que a configuración da responsabilidade patrimonial da Administración como unha responsabilidade obxectiva sobre a base dunha vinculación máis ou menos ampla entre
o funcionamento do servizo e o dano padecido. Así, como máis significados lindes daquel principio xeral poden destacarse catro
acoutacións de formulación legal:
a) A forza maior (artigo 32.1 LRXSP).
b)A obriga xurídica de soportar o dano (artigo 32.1 LRXSP).
c) A non indemnizabilidade dos danos derivados de feitos e circunstancias que non se puideran evitar ou prever segundo o estado
da ciencia e a técnica existentes na produción daqueles (artigo 34.1 LRXSP), e
d) Aqueloutras de creación xurisprudencial, tales como a culpa da vítima e feito de terceiro (recollidas en incontables pronunciamentos
do Tribunal Supremo, entre outros, o contido na súa sentenza do 27.7.2002).
Cuarta.
Entrando xa na análise da proxección dos principios expostos na consideración anterior, sobre os particulares aspectos de fondo suscitados no presente expediente, compre considerar que, no presente caso,
a reclamación trae causa da produción dun accidente de circulación no que concorreron o ciclomotor que conducía a parte reclamante
e unha bicicleta, do servizo de préstamo de bicicletas da empresa municipal EMVSA, conducida por P. O accidente aconteceu,
cando, como resulta do atestado levantado polos axentes da Policía Local que se acompaña coa reclamación, este último realizou
unha manobra antirregulamentaria que interceptou a traxectoria do ciclomotor, provocando a caída do seu ocupante e as lesións
e danos materiais polos que se reclama.
En relación co feito de terceiro como elemento exonerante de responsabilidade, o Tribunal Supremo ten declarado, entre outras, na súa sentenza do 21.1.2003, que ?La Administración sólo responde de los daños verdaderamente causados por su propia actividad o por sus servicios, no de los
daños directamente imputables a conductas o hechos ajenos a su propia organización o actividad administrativa?.
Debendo entenderse, como sinala a proposta de resolución, con cita de reiterada xurisprudencia do mesmo Tribunal, que ?por servicio público ha de entenderse toda actuación, gestión, actividad o tareas propias de la función administrativa que
se ejerce, incluso por omisión o pasividad con resultado lesivo, ya se realicen por funcionario público o por particular al
que [?] se le haya atribuido la gestión de determinadas actuaciones necesarias para la prestación de un determinado servicio a prestar
por la Administración? (STS, Sala 3ª, do 20.6.2007).
Como atinadamente considera a referida proposta, o escrito de reclamación non xustifica a concorrencia da necesaria relación de causalidade entre o funcionamento deficiente ou anormal dun servizo público
municipal e os danos reclamados, ao establecer como exclusiva causa destes unha manobra antirregulamentaria do condutor da
bicicleta, que viña obrigado baixo a súa responsabilidade a circular coa dilixencia e precaución esixibles pola normativa
en materia de seguridade viaria, a fin de evitar situacións de perigo que puideran derivar en danos a outros usuarios da vía.
Tratándose, pois, dun terceiro alleo á administración municipal, con independencia de que o vehículo que conducía pertencese ao servizo de préstamo de bicicletas dunha empresa municipal, non
se acredita a concorrencia dos presupostos determinantes da responsabilidade patrimonial, nos termos que van expostos, ao
non concorrer a necesaria relación causal entre o funcionamento do servizo público e os danos cuxa indemnización se solicita.
Procede pois, como así se propugna na proposta de resolución, a desestimación da reclamación presentada.
CONCLUSIÓN
Por todo o anteriormente exposto, a Sección de Ditames do Consello Consultivo de Galicia, por unanimidade dos seus membros, ditamina:
?Que informa favorablemente a proposta de resolución desestimatoria á que o presente expediente se refire?.
LIBROS Y CURSOS RELACIONADOS
![Temario para las oposiciones de Tramitación procesal 2024 (VOLUMEN I + II)](https://d2eb79appvasri.cloudfront.net/erp-colex/imagenes/libros/resizedk8s_peque_7595.jpg)
Temario para las oposiciones de Tramitación procesal 2024 (VOLUMEN I + II)
V.V.A.A
76.50€
72.67€
+ Información
![Temario para las oposiciones de Auxilio judicial 2024 (VOLUMEN I + II)](https://d2eb79appvasri.cloudfront.net/erp-colex/imagenes/libros/resizedk8s_peque_7593.jpg)
Temario para las oposiciones de Auxilio judicial 2024 (VOLUMEN I + II)
V.V.A.A
76.50€
72.67€
+ Información
![La innovación y modernización administrativa en el ámbito local español](https://d2eb79appvasri.cloudfront.net/erp-colex/imagenes/libros/resizedk8s_peque_6646.png)
La innovación y modernización administrativa en el ámbito local español
Gonzalo Pardo Beneyto
21.25€
20.19€
+ Información
![1300 preguntas Test. Oposiciones Auxilio Judicial (DESCATALOGADO)](https://d2eb79appvasri.cloudfront.net/erp-colex/imagenes/libros/resizedk8s_peque_3597.png)
1300 preguntas Test. Oposiciones Auxilio Judicial (DESCATALOGADO)
M.ª Guadalupe Lorenzo Aguilera
25.95€
22.06€
+ Información
![Delitos al volante. Paso a paso](https://d2eb79appvasri.cloudfront.net/erp-colex/imagenes/libros/resizedk8s_peque_2847.jpg)