Última revisión
09/02/2023
Dictamen de Consello Consultivo de Galicia 485 de 10 de enero de 2018
Relacionados:
Órgano: Consello Consultivo de Galicia
Fecha: 10/01/2018
Num. Resolución: 485
Cuestión
Reclamación de responsabilidade patrimonialResumen
Reclamación de responsabilidade patrimonial interposta por dona C., dona C. e dona P., polos danos e perdas sufridos como consecuencia do falecemento do seu cónxuxe e pai respectivamente, don F.Organismo: Consellería de Sanidade (Xunta de Galicia)
Letrado: Carballo Marcote
Propuesta: Desestimatoria
Conclusion: Favorable
Relator: Blanco Serrano
Contestacion
ANTECEDENTES
1.- Con data do 04.1.2017, dona C., dona C. e dona P., presentaron reclamación de responsabilidade patrimonial sanitaria ante
o Servizo Galego de Saúde solicitando unha indemnización polos danos derivados do falecemento de don F., esposo e pai, respectivamente
das interesadas.
A reclamación fundaméntase en que non se levou a cabo unha correcta atención e valoración do paciente por parte do Servizo de Urxencias do CHUS o que desencadeou o seu falecemento.
A indemnización ascende a 355.619 euros máis os xuros legais precedentes dende a data de interposición da reclamación.
2.- Na instrución do expediente incorporouse a el:
- Historia clínica do paciente.
- Informe do Servizo de Urxencias do CHUS, asinado pola coordinadora en data do 15.03.2017.
- Informe do Servizo de Neuroloxía do CHUS, asinado polo xefe do servizo en data do 15.03.2017.
- Informe do Servizo de Medicina Intensiva, asinada polo xefe do servizo en data do 03.07.2017.
-
3.- Con data do 05.07.2017 deuse trámite de audiencia á parte interesada. Con data do 28.07.2017 o representante legal da parte
solicitou un novo trámite de audiencia.
Con data do 18.08.2017 deuse novo trámite de audiencia á parte interesada que non fixo alegacións.
4.- Instruído o correspondente expediente de responsabilidade patrimonial e concedida audiencia á representación das interesadas,
formulouse proposta de resolución en sentido desestimatorio da reclamación.
5.- O expediente de razón foi remitido, para preceptivo ditame deste Consello Consultivo de Galicia, polo señor conselleiro de
Sanidade, e tivo entrada neste organismo con data do 5 de decembro de 2017.
6.- Na Sección de Ditames do día 20 de decembro de 2017 acordouse ampliar o prazo para a emisión do ditame por un mes, ao abeiro
do artigo 39.2 do Decreto 91/205, do 18 de xuño.
7.- Os demais antecedentes dedúcense do contido do presente ditame.
CONSIDERACIÓNS
Primeira.-
O Consello Consultivo de Galicia é competente para coñecer do expediente de razón, con base no previsto no artigo 12, j) da Lei 3/2014, do 24 de abril, por tratarse dunha reclamación de responsabilidade
patrimonial interposta contra a Administración autonómica por contía superior a 30.000,00 ?.
Segunda.-
O dereito dos particulares a seren indemnizados pola Administración de toda lesión que sufran en calquera dos seus bens e dereitos, agás nos casos de forza maior, sempre que aquela lesión sexa consecuencia
do funcionamento normal ou anormal dos servizos públicos, responde a un principio de responsabilidade obxectiva recollido
no artigo 106 da Constitución española. Ademais o réxime xurídico da reclamación de responsabilidade patrimonial, contense
na Lei 39/2015, do 1 de outubro, do procedemento administrativo común das administracións públicas (aspectos procedementais)
e nos artigos 31 e seguintes da Lei 40/2015 do 1 de outubro, de réxime xurídico do sector público.
Así, no que ao presente expediente se refire, cómpre dicir que as esixencias de orde procedemental, en xeral, foron cumpridas, sobre todo o esencial trámite de audiencia que permite aos interesados exercitar
as súas posibilidades de defensa no procedemento administrativo.
Terceira.-
Como se sabe é reiterada a doutrina e a xurisprudencia que, partindo do réxime xurídico citado, se inspiran no principio de responsabilidade obxectiva e consideran como elemento esencial, que non único,
para que a reclamación de responsabilidade patrimonial da Administración prospere, a existencia dun nexo causal directo e
inmediato entre a actuación da Administración e a lesión producida. Por outra parte para que a lesión poida ser resarcible,
ten que demostrarse a efectiva realización dun dano, que haberá de ser avaliable economicamente e individualizado en relación
cunha persoa ou grupo de persoas. En definitiva, para que a responsabilidade se faga efectiva, esíxese a proba dunha causa
concreta que determine o dano e a conexión entre a actuación administrativa e o dano real ocasionado.
Ao exposto cabe engadir a consolidada liña xurisprudencial segundo a cal nas reclamacións derivadas da actuación médica ou sanitaria non resulta suficiente a existencia dunha lesión (que conduciría a
responsabilidade obxectiva máis aló dos límites do razoable), senón que é preciso acudir ao criterio da lex artis, como modo de determinar cal é a actuación médica correcta, independentemente do resultado producido na saúde ou na vida
do enfermo xa que non é posible nin á ciencia nin á Administración garantir, en todo caso, a sanidade ou a saúde do paciente.
Así pois, só no caso de que se produza una infracción da dita lex artis responde a Administración dos danos causados; en caso contrario, os ditos prexuízos non son imputables á Administración e
non terían a consideración de antixurídicos polo que deberán ser soportados polo prexudicado.
A existencia deste criterio da lex artis baséase no principio xurisprudencial de que a obriga do profesional da medicina é de medios e non de resultados, é dicir,
a obriga concrétase en prestar a debida asistencia médica e non de garantir en todo caso a curación do enfermo. Estamos ante
un criterio de normalidade dos profesionais sanitarios que permite valorar a corrección dos actos médicos e que impón ao profesional
o deber de actuar conforme coa dilixencia debida; criterio que é fundamental pois permite delimitar os supostos nos que verdadeiramente
pode haber lugar a responsabilidade esixindo que non só exista o elemento da lesión senón tamén a infracción do repetido criterio;
prescindir del levaría consigo unha excesiva obxectivización da responsabilidade que podería declararse coa única esixencia
de existir unha lesión efectiva, sen necesidade de demostración da infracción do criterio de normalidade.
Cuarta.-
Tendo en conta os elementos técnicos que se acaban de describir, e pasando a examinar o fondo da reclamación presentada, hai que sinalar que de acordo coas previsións do artigo 32 da Lei 40/2015, resulta
preciso determinar neste ditame se, no caso que se nos presenta a exame, existe relación de causalidade entre o funcionamento
do servizo e a lesión aducida, por ser este presuposto esencial para a imputación, en réxime obxectivo, da responsabilidade
por normal ou anormal funcionamento do servizo público.
A parte actora censura aos servizos sanitarios a existencia dun vínculo causal que conecta o dano que motiva a reclamación coa asistencia sanitaria recibida, con todo, o reproche realízase en termos vagos
e xenéricos, apenas suficientes para entender cumprimentada a carga que grava ao reclamante coa necesaria determinación dos
datos e circunstancias nos que se asenta o nexo de causalidade no que se apoia a reclamación.
En efecto, a parte actora limítase a indicar que non se levou a cabo unha correcta atención e valoración do paciente por parte do Servizo de Urxencias do CHUS o que desencadeou o seu falecemento.
Entende a parte reclamante que de practicárense todas as probas diagnósticas adecuadas e valorado correctamente os síntomas
que presentaba o paciente podería iniciarse un tratamento que permitise controlar o infarto cerebral que estaba a sufrir.
Pero non achega proba que determine cales son esas probas e tampouco proba que de practicarse outras probas non falecese o
paciente.
A principal consecuencia da calidade de prestación de medios da asistencia sanitaria radica en que o exame de solvencia e suficiencia da dita prestación se realiza dende a óptica da lex artis ad hoc, de modo que a simple constatación dun resultado lesivo -no presente caso, o falecemento da paciente- non abonda para establecer
a existencia dunha obriga de resarcimento a cargo da Administración, sendo preciso acreditar que ese resultado adverso é consecuencia
dunha creba da lex artis que produce un dano antixurídico ao particular.
Hai que considerar, igualmente, que, como é principio xeral en todo tipo de reclamacións de responsabilidade patrimonial, a proba da vinculación do dano co funcionamento do servizo público corresponde ao reclamante. Tal criterio, extraído tradicionalmente
no noso dereito do agora derrogado artigo 1.214 do Código Civil, obtense na actualidade do disposto no artigo 217.2 da Lei
1/2000, de axuizamento civil, que grava ao actor coa carga de probar a certeza dos feitos dos que ordinariamente se desprenda,
segundo as normas xurídicas a eles aplicables, o efecto xurídico correspondente ás pretensións da acción exercitada.
E, no eido propio das reclamacións en materia sanitaria, hai que salientar que a valoración dos feitos cuestionados na reclamación (a asistencia sanitaria da que se pretende derivar unha determinada consecuencia
xurídica, cal é, dende a óptica do reclamante, a obriga de reparar a cargo da Administración) requirirá de ordinario estar
en posesión duns coñecementos científicos propios da titulación en medicina ou mesmo as súas especialidades, estando vedado
o establecemento de conclusións de carácter técnico a quen non resulte habilitado por tal titulación, circunstancia esta que,
interactuando coa carga probatoria que grava ao reclamante, orixina que frecuentemente sexa esixible do accionante a achega
dun informe pericial que avale as súas argumentacións sobre os feitos controvertidos, cando a lectura ofrecida na reclamación
é negada pola Administración e fóra dos casos nos que opera un desprazamento da carga probatoria, fundamentalmente, a través
dos principios de dispoñibilidade e facilidade probatoria do artigo 217.6 da Lei de axuizamento civil.
No presente caso, como vai dito, a reclamación susténtase nun relato marcadamente descritivo da secuencia asistencial e unha conclusión (que de practicárense todas as probas diagnosticadas adecuadas
e valorado correctamente os síntomas que presentaba o paciente podería iniciarse un tratamento que permitise controlar o infarto
cerebral que estaba a sufrir) que, en ausencia de todo respaldo probatorio é unha tese exclusivamente argumental que non pode
ser acollida por este Consello Consultivo.
E sobre a ausencia de toda proba que permita apreciar o vínculo causal que alega a parte recorrente, o xefe do Servizo de Neuroloxía conclúe o seguinte:
?A actuación médica levada a cabo, tanto polo servizo de Urxencias como á do servizo de Neuroloxía foi adecuada, coa realización
da probas diagnósticas indicadas e da monitorización do paciente?.
No mesmo sentido a coordinadora do Servizo de Urxencias entende que:
?O procedemento seguido en Urxencias como correcto e adecuado, acorde ás recomendacións de práctica clínica actuais nun hospital
de terceiro nivel asistencial. O paciente foi atendido de forma inmediata polo médico adxunto responsable e en todo momento
mantívose na Unidade de Monitores, con acceso ao soporte vital inmediato. Realizáronse con premura todas as probas necesarias
(TAC realizado ás 22:52 horas) e avisouse ao médico de neuroloxía, que atendeu ao paciente de forma simultánea co médico de
Urxencias dende o principio. Dado que o cadro e as probas complementarias non arroxaban un diagnóstico inicial claro, nun
paciente ao cal, antes da súa chegada ao hospital, habíaselle administrado unha benzodiacepina por vía intravenosa, optouse
por mantelo en estreita vixilancia monitorizado. Durante toda a súa estancia foi re-explorado repetidamente polo médico adxunto
de urxencias e o neurólogo de garda. Cando se detectou o empeoramento, avisouse de novo a neuroloxía, á vez que se puxeron
en marcha a batería de novas probas acordadas con eles. Por outra banda o intervencionismo non estaba indicado inicialmente
pola incerteza diagnóstica e dita actitude foi refrendada posteriormente polos achados anatómicos?.
E, o xefe do Servizo de Medicina Intensiva di que:
?A pesar da mala evolución do paciente que lamentamos todos os servizos implicados na súa atención, quixera manifestar en canto
á atención recibida, que foi adecuada en todo momento en canto a probas diagnosticas e tratamento pois o paciente non presentaba
unha clínica clara inicialmente, nin na exploración nin na TAC. Desde o principio mantívose monitorizado a fin de detectar
os cambios significativos da exploración neurolóxica. Cando se detectaron os mesmos realizáronse novas exploracións que descartaron
a posibilidade de reperfusión por estar permeables os vasos e realizáronse as intervencións adecuadas, drenaxe ventricular
e craniectomía descompresiva, dado que o tronco cerebral non estaba isquémico nese momento. Desgraciadamente a evolución foi
desfavorable?.
Con base nas consideracións xurídicas expostas debe concluírse que non se aprecia no expediente a concorrencia dos requisitos esixidos para dar acollida á reclamación presentada, que debe, así, ser
desestimada.
CONCLUSIÓN
Por todo o anteriormente exposto, a Sección de Ditames do Consello Consultivo de Galicia, por unanimidade dos seus membros, ditamina:
?Que informa favorablemente a proposta de resolución á que o presente expediente se refire?.
LIBROS Y CURSOS RELACIONADOS
![Administración inteligente y automática](https://d2eb79appvasri.cloudfront.net/erp-colex/imagenes/libros/resizedk8s_peque_3049.png)
![Métodos y prácticas de innovación docente universitaria en el Siglo XXI](https://d2eb79appvasri.cloudfront.net/erp-colex/imagenes/libros/resizedk8s_peque_1494.png)
Métodos y prácticas de innovación docente universitaria en el Siglo XXI
Fernando Gil González
7.60€
7.22€
+ Información
![Despido: Garantías de los representantes de los trabajadores](https://d2eb79appvasri.cloudfront.net/imagenes_noticias/resizedk8s_62db64abb0bd9.png.jpg)
![Comunicación del contenido de los contratos a RLT y SEPE](https://d2eb79appvasri.cloudfront.net/erp-colex/imagenes/libros/resizedk8s_peque_570.jpg)
Comunicación del contenido de los contratos a RLT y SEPE
Dpto. Documentación Iberley
6.83€
6.49€
+ Información
![La prestación de servicios socio-sanitarios en el ámbito rural de Castilla y León: apostando por un bienestar integral](https://d2eb79appvasri.cloudfront.net/erp-colex/imagenes/libros/resizedk8s_peque_6716.jpg)
La prestación de servicios socio-sanitarios en el ámbito rural de Castilla y León: apostando por un bienestar integral
V.V.A.A
25.50€
24.23€
+ Información