Última revisión
09/02/2023
Dictamen de Consello Consultivo de Galicia 422 de 22 de julio de 2017
Relacionados:
Órgano: Consello Consultivo de Galicia
Fecha: 22/07/2017
Num. Resolución: 422
Cuestión
Reclamación de responsabilidade patrimonialResumen
Reclamación de responsabilidade patrimonial interposta por don M., polos danos sufridos por non ser nomeado director xeral de Recursos Humanos e Servizos Xerais do Concello de OurenseOrganismo: Concello de Ourense
Letrado: López Paz
Propuesta: Desestimatoria
Conclusion: Favorable
Relator: Fernández Vázquez
Contestacion
ANTECEDENTES
1.- Con data do 07.3.2016, don M. presentou reclamación de responsabilidade patrimonial ante o Concello de Ourense polos danos
derivados da súa preterición, que entende ilegal, no nomeamento do posto de director xeral de Recursos Humanos e Servizos
Xerais do dito concello, que recaeu nunha terceira persoa e foi ulteriormente anulado en vía xudicial, de onde deriva o reclamante
que o posto lle tería correspondido a el de non ter mediado a dita ilegalidade polo que reclama unha indemnización por importe
de 91.785,40? mais a actualización e intereses que procedan.
2.- Instruído o procedemento e logo de auditado o interesado, formulouse polo órgano instrutor proposta de resolución en sentido
desestimatorio da reclamación presentada.
3.- O expediente de razón foi remitido, para preceptivo ditame deste Consello Consultivo de Galicia, polo señor alcalde de Ourense,
tendo entrada neste organismo o día 24.10.2017.
4.- Os demais antecedentes dedúcense do contido do ditame.
CONSIDERACIÓNS
Primeira.-
O Consello Consultivo de Galicia é competente para coñecer do expediente de razón, con base no previsto no artigo 12, j) da Lei 3/2014, do 24 de abril, por tratarse dunha reclamación de responsabilidade
patrimonial interposta contra a administración local por contía superior a 15.000 ?.
Segunda.-
O expediente sobre o que se solicita a emisión de ditame suscita un caso de responsabilidade patrimonial das administracións públicas que, como tal suposto, vén regulado basicamente polo artigo 106.2
da Constitución española, polos artigos 139 a 144 da Lei 30/1992, do 26 de novembro, de réxime xurídico das administracións
públicas e do procedemento administrativo común (no sucesivo, LRXPAC), e polo Regulamento dos procedementos das administracións
públicas en materia de responsabilidade patrimonial, aprobado polo Real decreto 429/1993, do 26 de marzo (disposicións aplicables
ao procedemento que nos ocupa, de acordo co previsto na letra a) da disposición transitoria terceira da Lei 39/2015, do 1
de outubro, do procedemento administrativo común das administracións públicas).
Así, no que ao presente expediente se refire, cómpre dicir que as esixencias de orde procedemental, en xeral, foron cumpridas, sobre todo o esencial trámite de audiencia que permite aos interesados exercitar
as súas posibilidades de defensa no procedemento administrativo.
Terceira.-
É reiterada a doutrina e a xurisprudencia que, partindo de que os artigos 139 e seguintes da LRXPAC se inspiran no principio de responsabilidade obxectiva, considera como elemento esencial, que non único,
para que a reclamación de responsabilidade patrimonial da Administración prospere, a existencia dun nexo causal directo e
inmediato entre a actuación da Administración e a lesión producida. O dito nexo debe ser exclusivo sen interferencias estrañas
de terceiros ou do lesionado. Por outra parte para que a lesión poida ser resarcible, ten que demostrarse a efectiva realización
dun dano, que haberá de ser avaliable economicamente e individualizado en relación cunha persoa ou grupo de persoas. En definitiva,
para que a responsabilidade se faga efectiva, esíxese a proba dunha causa concreta que determine o dano e a conexión entre
a actuación administrativa e o dano real ocasionado.
Como este Consello Consultivo ten considerado en anteriores pronunciamentos -cítase por todos o ditame CCG 426/16- os requisitos xerais que van expostos deben estar presentes, igualmente, cando se pretende
derivar a responsabilidade patrimonial da previa anulación xudicial dun acto administrativo, como sucede no caso que nos ocupa,
pois no sistema de resarcimento das Administracións públicas, a antixuridicidade predícase do dano sufrido pola vítima, e
non do comportamento da Administración. Velaí que o artigo 142.4 da Lei 30/1992 dispoña que a anulación en vía administrativa
ou pola orde xurisdicional contencioso-administrativa dos actos administrativos ?non presupón? dereito á indemnización (artigo 142.4 da LRXPAC).
Cuarta.-
Entrando no exame dos particulares do caso temos que o reclamante pretende ser resarcido dos danos que alega ter padecido como consecuencia de non ser nomeado no seu día para o posto de director xeral
de Recursos Humanos e Servizos Xerais do Concello de Ourense, para o que foi designada unha terceira persoa en resolución
logo anulada en vía xudicial. Considera o accionante que de non ter incorrido a Administración na ilegalidade declarada xudicialmente,
o nomeamento tería recaído necesariamente na súa persoa como único aspirante alternativo á aquel designado.
Con todo, examinadas as actuacións determinantes da reclamación non procede outorgar a razón ao reclamante na súa pretensión resarcitoria ante a non concorrencia dos presupostos determinantes da responsabilidade
patrimonial.
E isto é así por canto, pretendéndose unha indemnización como consecuencia derivada da anulación dun acto, a avaliación da existencia de dano antixurídico e a súa reparación deben realizarse dende
o parámetro da hipotética reposición do particular á situación que lle correspondería de non terse ditado o acto ilegal. Deste
xeito, só será apreciable a existencia de lesión patrimonial cando a situación na que se atopa o particular como consecuencia
do ditado da resolución que logo se anula, lle resulta máis gravosa que a que lle correspondería de non ter incorrido a Administración
na dita ilegalidade, orixinando ao interesado un sacrificio individualizado no seu patrimonio.
E resulta que no suposto que se analiza, como así se considera na proposta de resolución, a sentenza que anulou o nomeamento de referencia (ditada polo Xulgado do contencioso-administrativo núm. 1 de
Ourense o 24.9.2014 e confirmada en apelación polo TSX de Galicia en sentenza do 04.3.2015) estimou distintos motivos de nulidade
invocados polo recorrente, un sindicato. Entre os motivos que aprecia a sentenza para anular o acto atópanse os aducidos polo
agora reclamante (que non compareceu naquel proceso xudicial) en relación co incumprimento do requisito de que a persoa nomeada
ostentase a condición de funcionario de carreira (que non posuía a nomeada nin se xustificaba o cumprimento dos requisitos
legais para a excepción do requisito). Pero a sentenza recolle ademais outros motivos, que o reclamante silencia, cales son
os relativos a que, con carácter previo ao nomeamento, xa o propio proceso selectivo do posto resultaba contrario á legalidade.
A resolución xudicial establece esa conclusión a partir de varias premisas. En primeiro lugar apréciase a existencia de desviación de poder, considerando que ?el procedimiento selectivo en el que se dictó el acto recurrido se tramitó en realidad con un único propósito: mantener a
doña C. en el desempeño de las funcione -de dirección política- que venía desempeñando como concejala-no electa delegada de
personal en el Concello de Ourense hasta que el Tribunal Constitucional obligó a cesarla?.
E a ese vicio de legalidade do proceso selectivo do posto de referencia súmase o igualmente apreciado na propia sentenza en relación coa falta de xustificación da necesidade de cubrir o dito posto ?que llevaba ya más de cuatro años vacante y sin reflejo específico en el presupuesto municipal?. A sentenza lembra que o artigo 23.1 da Lei 17/2012, do 27 de decembro de orzamentos xerais do Estado para o ano 2013 estableceu
unha prohibición xeral de contratación de novo persoal polas Administracións públicas, e pese a iso, segundo se razoa na referida
resolución xudicial ?En el procedimiento de contratación del Director General en cuestión no existe justificación alguna sobre el cumplimiento
de las limitadas excepciones que conforme al referido precepto podrían permitir la contratación de nuevo personal en ese ejercicio
2013. Ni siquiera se explica por qué motivo si durante los cuatro años anteriores no se cubrió eI puesto de Director General
de Recursos Humanos y Servicios Generales del Concello de Ourense (ni se dotó presupuestariamente, lo que en la práctica equivalía
a su amortización) habría de resucitarse" y cubrirse tan repentinamente en verano de 2013?.
En definitiva, conforme cos pronunciamentos xudiciais recaídos no recurso contencioso administrativo presentado contra o nomeamento de referencia, o proceso selectivo do posto estaba viciado de legalidade,
e non podía ser provisto de conformidade a dereito, polo que o agora reclamante non pode invocar un dano antixurídico cando
nunca podería ter ocupado o dito posto en debida forma, decaendo así o presuposto da súa reclamación, que debe por iso ser
desestimada.
CONCLUSIÓN
Por todo o anteriormente exposto, a Sección de Ditames do Consello Consultivo de Galicia, por unanimidade dos seus membros, ditamina:
?Que informa favorablemente a proposta de resolución á que o presente expediente se refire?.
LIBROS Y CURSOS RELACIONADOS
![La provincia y el municipio en el Derecho Administrativo](https://d2eb79appvasri.cloudfront.net/imagenes_noticias/resizedk8s_620bb4a5dae4b.png.jpg)
![La Administración Local](https://d2eb79appvasri.cloudfront.net/erp-colex/imagenes/libros/resizedk8s_peque_594.jpg)
![La innovación y modernización administrativa en el ámbito local español](https://d2eb79appvasri.cloudfront.net/erp-colex/imagenes/libros/resizedk8s_peque_6646.png)
La innovación y modernización administrativa en el ámbito local español
Gonzalo Pardo Beneyto
21.25€
20.19€
+ Información
![Innovación docente en Derecho: herramientas digitales, nuevos desarrollos y perspectiva global](https://d2eb79appvasri.cloudfront.net/erp-colex/imagenes/libros/resizedk8s_peque_7371.jpg)
Innovación docente en Derecho: herramientas digitales, nuevos desarrollos y perspectiva global
V.V.A.A
27.20€
25.84€
+ Información
![Código de Bases de Régimen Local y de Haciendas Locales](https://d2eb79appvasri.cloudfront.net/erp-colex/imagenes/libros/resizedk8s_peque_7673.jpg)
Código de Bases de Régimen Local y de Haciendas Locales
Editorial Colex, S.L.
9.35€
8.88€
+ Información