Última revisión
09/02/2023
Dictamen de Consello Consultivo de Galicia 419 de 22 de noviembre de 2017
Relacionados:
Órgano: Consello Consultivo de Galicia
Fecha: 22/11/2017
Num. Resolución: 419
Cuestión
Reclamación de responsabilidade patrimonialResumen
Reclamación de responsabilidade patrimonial interposta por dona A. e don R., polos danos dun embarazo non desexado tras a intervención para a colocación de Essure bilateralOrganismo: Consellería de Sanidade (Xunta de Galicia)
Letrado: López Corral
Propuesta: Desestimatoria
Conclusion: Favorable
Relator: Aranguren Pérez
Contestacion
ANTECEDENTES
1.- Con data 29.4.2016 dona A. e don R. promoveron reclamación de responsabilidade patrimonial da Administración Pública polos
danos sobrevidos ao quedar aquela embarazada logo da intervención para a colocación de Essure bilateral realizada o 10.12.2012
no servizo de Xinecoloxía do Complexo Hospitalario de Santiago de Compostela. Esta reclamación foi ampliada en posterior escrito,
datado o 01.02.2017.
Segundo sinalan, o método anticonceptivo foi implantado sen informar ao matrimonio dos riscos do seu uso, asegurándolles que no futuro non habería posibilidade de embarazo, malia o que este se produciu,
provocando múltiples problemas de saúde a dona A. (incluída a diabete xestacional insulino-dependente) que lle impediron desenvolver
unha vida normal ao longo das corenta e unha semanas que transcorreron ata o nacemento do neno.
Engaden que o parto produciuse o 21.09.2016, mediante cesárea, e que o neno presentou graves problemas de saúde dos cales estaba a ser tratado na data de presentación do segundo dos escritos citados,
se ben verbo destas doenzas fan expresa reserva de accións, non sendo, por tanto, obxecto da actual reclamación.
2.- Solicitan ser indemnizados nas sumas de 60.000 ? dona A., polos padecementos que sufriu durante o embrazo, e solidariamente
ambos cónxuxes na suma de 90.000 ? pola falta de consentimento informado e de información adecuada na implantación do método
anticonceptivo.
3.- Instruído o procedemento, no que se observou o trámite de audiencia, formulouse polo órgano instrutor proposta de resolución
en sentido desestimatorio da reclamación.
4.- O expediente de razón foi remitido, para preceptivo ditame deste Consello Consultivo de Galicia, polo señor conselleiro de
Sanidade tendo entrada neste organismo o día vinte e tres de outubro de dous mil dezasete.
5.- Os demais antecedentes dedúcense do contido do ditame.
CONSIDERACIÓNS
Primeira.-
O Consello Consultivo de Galicia é competente para coñecer do expediente de razón, con base no previsto no artigo 12, j) da Lei 3/2014, do 24 de abril, por tratarse dunha reclamación de responsabilidade
patrimonial interposta contra a Administración autonómica por contía superior a 30.000 ?.
Segunda.-
O dereito dos particulares a seren indemnizados pola Administración de toda lesión que sufran en calquera dos seus bens e dereitos, agás nos casos de forza maior, sempre que aquela lesión sexa consecuencia
do funcionamento normal ou anormal dos servizos públicos, responde a un principio de responsabilidade obxectiva recollido
no artigo 106 da Constitución Española. Ademais o réxime xurídico da reclamación de responsabilidade patrimonial, contense
nos artigos 139 e seguintes da Lei de réxime xurídico das Administracións públicas e do procedemento administrativo común
(en adiante LRXPAC), e no Real decreto 429/1993, que regula o procedemento das reclamacións de responsabilidade patrimonial
(normativa aplicable segundo o disposto na disposición transitoria terceira da Lei 39/2015).
Así, no que ao presente expediente se refire, cómpre dicir que as esixencias de orde procedemental, en xeral, foron cumpridas, sobre todo o esencial trámite de audiencia que permite aos interesados exercitar
as súas posibilidades de defensa no procedemento administrativo.
Terceira.-
Son requisitos xerais precisos, unanimemente aceptados, para que a acción de responsabilidade prospere e, en consecuencia, o prexudicado teña dereito a ser indemnizado: a) a efectiva realización dun
dano ou lesión antixurídica, avaliable economicamente e individualizado en relación cunha persoa ou grupo de persoas; b) que
a lesión patrimonial sexa consecuencia do funcionamento normal ou anormal dos servizos públicos; e, c) que non sexa produto
da forza maior.
Particularizando a teoría xeral exposta aos supostos de responsabilidade patrimonial das administracións públicas no ámbito sanitario, hai que sinalar que esta funde as súas raíces no propio texto
constitucional cuxo artigo 43.1 recoñece o dereito á protección da saúde. Así mesmo, encontra fundamento no artigo 43.2, cando
se encomenda aos poderes públicos a organización e tutela da saúde pública, remitindo á lei para o establecemento dos dereitos
e deberes concernentes, tanto aos entes públicos prestadores da asistencia sanitaria coma aos beneficiarios do sistema de
saúde. A Lei 14/1986, do 25 de abril, xeral de sanidade, foi a que posteriormente recolleu este mandato, desenvolvendo no
seu título primeiro, capítulo primeiro (artigos 3 ao 17), o que na Carta Magna se expresaba a nivel de grandes principios
ordenadores do sistema.
Polo demais, a responsabilidade patrimonial derivada da actuación no ámbito sanitario público formúlase nos mesmos termos xa sinalados anteriormente con carácter xeral, pois está sometida ás pautas
comúns que, sobre responsabilidade patrimonial da Administración, están vixentes no noso dereito; se ben, debido á especialidade
da actuación administrativa neste ámbito, pódense apreciar certos aspectos propiamente caracterizadores da modalidade que
tratamos.
Así, en primeiro lugar, hai que ter presente que, en xeral, a atención médica que o cidadán debe esperar dos poderes públicos, non é unha prestación de resultado senón de medios. Dito doutro xeito, non
existe un dereito á curación, pois aínda que os coñecementos e medios dos que dispón a medicina permiten enfrontarse a un
espectro cada vez máis amplo de situacións complexas, as posibilidades terapéuticas nin son ilimitadas nin responden por igual
en todos os pacientes. En definitiva, por tanto, o cidadán ten dereito a esixir que a actividade médica se desenvolva en forma
adecuada e conforme á denominada lex artis ad hoc, isto é, a unha actuación sanitaria acorde cos coñecementos e técnicas adecuados ao caso e segundo o estado actual destes.
Cuarta.-
Polo que se refire ás cuestións materiais ou de fondo que suscita o expediente examinado, de acordo coas previsións do artigo 12.2 do Real decreto 429/1993, do 26 de marzo, resulta preciso determinar neste
ditame se existe, no caso que se nos presenta a exame, relación de causalidade entre o funcionamento do servizo e a lesión
aducida e, eventualmente, haberá de recollerse un pronunciamento sobre a oportuna valoración do prexuízo, a contía da indemnización
e o modo de facela efectiva.
Así, procede analizar, en primeiro lugar, se media a necesaria relación de causalidade entre o dano reclamado e a actuación do servizo público sanitario. En relación con esta cuestión cómpre partir
das seguintes consideracións previas.
Tal e como se acaba de indicar, no ámbito, como o presente, da responsabilidade sanitaria, o parámetro que permite apreciar o grao de corrección da atención sanitaria é o da lex artis. A análise de acordo con este parámetro obriga á observación detida do concreto emprego da ciencia e da técnica médicas esixibles
atendendo ás circunstancias de cada caso: recursos dispoñibles, forma de emprego dos ditos recursos, e, polo tanto, estándar
razoable de funcionamento. Nesta análise da suficiencia dos medios empregados na asistencia controvertida hai que lembrar
que, como xa se indicou en anteriores ditames (o CCG 98/2001, 98/2014 ou 198/2015, entre outros), pesa sobre o servizo público
sanitario a obriga de posta a disposición daqueles medios diagnósticos e terapéuticos orientados ao fin último de lograr a
curación do paciente. Mais a dita obriga, razoablemente entendida, ten que vir dada, máis que por unha utilización ilimitada
da variedade de medios diagnósticos e terapéuticos ao alcance do profesional sanitario, por unha actuación proporcionada e,
ao mesmo tempo, xenerosamente entendida, que pasa pola posta en práctica daqueles medios que razoablemente resulten precisos
atendidas as circunstancias que se presentan.
Xunto ao anterior, á hora de determinar se a actuación sanitaria acomodouse á lex artis, neste tipo de reclamacións cobran importancia fundamental os informes técnicos relativos á actuación médica e á situación
do paciente. En efecto, a apreciación dos feitos médicos ou acontecidos con ocasión da asistencia médica é unha actividade
que, por formar parte dun sistema técnico-científico específico e complexo, escapa das atribucións do operador xurídico. O
estudo, a explicación e a xustificación dos feitos neste tipo de expedientes é tarefa que corresponde principalmente aos facultativos,
quedando para o aplicador do Dereito a súa cualificación ou subsunción nas respectivas categorías xurídicas. En relación con
esta cuestión cabe indicar que no presente caso a reclamante non achegou xunto coa súa reclamación ningún informe médico sobre
a asistencia sanitaria prestada que cualifica de neglixente, fóra dos que obran no expediente administrativo. En consecuencia,
a verificación dos extremos nos que se sustenta a reclamación interposta esixe a análise da historia clínica e dos informes
incorporados ao expediente.
Quinta.-
Expostas as precedentes consideracións, procede abordar a súa aplicación ao caso que nos ocupa.
Dous son, en esencia, os reproches que os reclamantes imputan á Administración sanitaria: O primeiro consiste é que eles decidiron acudir ao Centro de Orientación Familiar (COF) solicitando unha esterilización
definitiva da muller porque non querían ter mais fillos, debido a súa situación económica, e que foron os profesionais quen
decidiron implantarlle o método Essure, asegurando que evitaría futuros embarazos, e sen que en ningún caso se lles informase
da posibilidade de fallo do devandito método anticonceptivo.
O segundo é que, como consecuencia deste embarazo non desexado a paciente padeceu múltiples complicacións, entre elas unha diabete xestacional e un ingreso por perda de liquido, tras a realización
dunha amniocentese, sen previa prestación dun consentimento informado válido, a partir da cal, ademais tivo que estar en repouso,
sen poder atender aos outros fillos.
En canto ao primeiro dos reproches citados, a historia clínica e os informes médicos que figuran no expediente deixan constancia de que dona A. acudiu ao COF, despois dun terceiro embarazo e parto, portando
un DIU (dispositivo intrauterino anticonceptivo) e solicitando unha ligadura de trompas como método de esterilización definitiva.
No informe da responsable do COF déixase constancia de que con dona A. se seguiu o protocolo previsto para o efecto, que inclúe unha primeira cita para consulta coa psicóloga do centro, valorándose
nela se a paciente entende o procedemento e alcance da Intervención; se non prefire outro método menos radical, e se non hai
algún impedimento psíquico. De seguido explícaselle o procedemento, formas de intervención, tempos de espera, duración da
intervención, riscos e posibilidade de fallos, e se é necesario ingresar, é, aparte da información, acláranse dúbidas. Se
desexa continuar, tras esa consulta prográmase a consulta de xinecoloxía e de enfermería onde se lle volve a preguntar se
ten dúbidas, se desexa máis información e procédese á consulta habitual e facer o preoperatorio.
Na consulta de xinecoloxía confirmouse que quería continuar coa solicitude de esterilización e que a paciente estaba informada. Realízase a consulta habitual de xinecoloxía, e nos controis de enfermería
vese que ten sobrepeso (contraindicación relativa para a vía laparoscópica) polo que, se quere decidir libremente a intervención,
debe diminuír de peso. Infórmaselle e se programa para control de peso en 6 meses, pero a paciente acode a consulta de enfermería
ao mes, no control vese que aumentou de peso, e manifesta que está completamente decidida a facer Essure. A enfermeira comunícallo
á xinecóloga e psicóloga; como non existe inconveniente, volve informar e realízase preoperatorio. O día 04.10.2012 é citada
para a firma do documento de consentimento informado. Trala súa lectura, e tras confirmar que non ten dúbidas, derívase ao
clínico. Entrégase en man a documentación, preoperatorio e consentimento informado para que o entregue en cita previa.
Na historia clínica queda acreditada esta secuencia de feitos recollidos no protocolo, co reflectido nas consultas do 16.09.2011, 19.06.2012 (este día foi vista pola xinecóloga e pola enfermeira), 05.07.2012,
06.07.2012 e 04.10.2012.
Nesta última consulta está explicitamente recollido ?Lectura e firma do CI pola usuaria. Se contestan dubidas. Se entrega documentación (o consentimento informado, preoperatorio)
para que á paciente o entregue no Servizo de Admisión para inclusión en Lista de espera (Esterilización Essure) do CHUS.? O documento aparece asinado pola reclamante, figurando unha rúbrica na que se lee R.
Carece así de relevancia a ausencia de data no documento de consentimento informado, obxección que os reclamantes entenden invalidaría o documento, así como o feito de que nel non constasen as alternativas
a este procedemento.
Estas circunstancias aparecen reflectidas no Informe do Xefe de Servizo de Xinecoloxía do 13.03.2017, consonte ao que:
?La paciente fue remitida al Servicio de Ginecología del Complejo Hospitalario Universitario de Santiago desde el Centro de
Orientación Familiar (COF) de Santiago en el mes de octubre de 2012 con la indicación de practicarle una esterilización por
el método Essure de oclusión bilateral de las trompas de Falopio por vía histeroscópica. La paciente era portadora hasta entonces
de un Dispositivo Intrauterino (DIU).
Previamente en el COF la paciente firmó el Consentimiento Informado para el procedimiento del que adjunto copia. Como puede verse en el Consentimiento se le explica en que consiste el método, cuáles
son sus complicaciones, riegos y posibles problemas, y se le advierte que aunque la probabilidad de embarazo después es baja
no hay garantía del 100% de que pueda fallar como contraceptivo. En el Consentimiento Informado también se le advierte a la
paciente que se desconocen los efectos que puede tener el Essure sobre el feto en caso de embarazo. El original firmado del
Consentimiento Informado está custodiado en la propia historia del COF.
Es una práctica habitual del COF que la especialista en Ginecología allí destinada les explique a las pacientes los pros, contras y riesgo de fallo de los distintos métodos contraceptivos, y todas
las pacientes que optan por una esterilización definitiva son también valoradas y reciben el asesoramiento de una psicóloga.
Todo esto se lleva a cabo antes de remitir a la paciente al Servicio de Ginecología. Adjunto copia del informe que sobre este
caso ha emitido la Dra. D y que desde la fecha de la firma está colocado en la historia electrónica IANUS.
La paciente fue incluida en lista de espera para el procedimiento el día 4 de octubre de 2012 y la intervención se llevó a cabo en forma ambulatoria y sin complicaciones
el día 10 de diciembre de 2012. Como se indica en el Consentimiento que firmó la paciente el método Essure no se considera
eficaz hasta que pasen tres meses desde su inserción y se compruebe por métodos de imagen que los dispositivos Essure están
correctamente colocados en las trompas. Por ese motivo no se le extrajo el DIU que tenía colocado el día de la aplicación
del Essure. Tres meses más tarde, el 11/3/2013 se comprobó por ecografía que los dispositivos Essure estaban correctamente
colocados y se retiró el DIU (consta ese informe de ecografía en IANUS).
En la hoja operatoria de la cesárea que le practicaron a la paciente el día 22 de septiembre de 2016 consta que se le extirparon las dos trompas de Falopio y que se comprobó que los dispositivos Essure
estaban colocados dentro de ellas en el sitio adecuado. En el informe del Servicio de Anatomía Patológica al que se le enviaron
las trompas también consta que con ellas iban los dispositivos Essure.
Por todo lo anterior considero que la actuación del Servicio de Ginecología en este caso fue del todo correcta y de acuerdo a la 'lex artis'. El fallo del Essure se debe interpretar como una recanalización
espontánea de las trompas ocluidas que solo tiene lugar en un mínimo porcentaje de casos y que no es posible prever ni evitar?.
Sobre estes extremos insiste o informe complementario do propio Servizo de data 10.07.2017, emitido en resposta as alegacións formuladas en trámite de audiencia, e no que se recolle:
?El consentimiento informado para el procedimiento de esterilización tubárica por el método Essure no figura en la Historia
informatizada IANUS porque en aquella época no se escaneaba para introducirlo informáticamente en IANUS, si no que se hacía
en papel impreso. El original, como señalé en mi informe anterior, está guardado en la historia clínica convencional del Centro
de Orientación Familiar de Fontiñas.
El informe de la Facultativa del COF, Dra. D., de 13/3/2017, dice que la paciente firmó ante ella el consentimiento informado el día 4/10/2012, lo que concuerda con
que ese día vino al Hospital Clínico de Santiago para ser incluida en la lista de espera. Las pacientes para esterilización
tubárica no son remitidas al hospital hasta que deciden el método y firman el consentimiento. Después de esa fecha la paciente
ya no volvió por el COF por lo que no hubo otra fecha posible de firma delconsentimiento ante la Dra. D.
Entre la firma del consentimiento (4/10/2012) y la fecha de la intervención 10/12/2012 transcurrieron más de dos meses por lo que pasó tiempo suficiente para reflexión y pedir aclaraciones en caso de
dudas.
En el consentimiento no figuran todos los posibles métodos contraceptivos a los que puede recurrir una pareja, pero en el COF se le dan a las pacientes las explicaciones sobre todos ellos.
En el consentimiento que firmó la paciente dice textualmente que el método Essure no puede garantizar un 100% de seguridad para evitar el embarazo.
Fallo intrínseco del Essure no quiere decir que se le aplicase un dispositivo defectuoso si no que, como puede suceder con cualquier método de esterilización tubárica o de vasectomía del varón, los conductos
que se pretenden ocluir pueden quedar insuficientemente ocluidos aunque el procedimiento se haya hecho correctamente, o se
puede recanalizar con el tiempo?.
Por todo o anterior temos que considerar que a paciente foi suficiente informada do procedemento aplicado, e que neste se observaron as regras da lex artis, por mais que neste caso sobrevise un fallo do método anticonceptivo, de cuxa posibilidade a interesada foi coñecedora.
En canto ao segunda das imputacións, relativa a que, como consecuencia do embarazo, a paciente padeceu múltiples complicacións, entre elas unha diabete xestacional e un ingreso por perda de liquido,
tras a realización dunha amniocentese sen previa prestación dun consentimento informado válido cabe sinalar:
En primeiro termo, respecto a diabetes xestacional, acredítase a preocupación manifestada en todo momento polos profesionais sanitarios debido ao sobrepeso da paciente. Así, no COF, cando solicitou a
esterilización, recomendóuselle infrutuosamente a perda de peso, e tamén o médico de cabeceira, logo da esterilización, reflicte
a súa preocupación pola situación clínica da paciente e os seus hábitos pouco saudables: ?obesidad. dieta+ejer. consume +de 2l/dia de cocacola? e das indicacións reiteradas de que debe baixar de peso.
Tamén dende a primeira consulta de control do embarazo considerouse o risco de diabetes xestacional, dado os antecedentes familiares (avoa paterna e nai) e polo excesivo incremento de peso. Consta que
se solicitou interconsulta ao Servizo de Endocrinoloxía e que non acudiu até o terceiro trimestre (28+7), confirmándose entón
a diabetes xestacional, e a obesidade grado 1, prescribindo tratamento e derivándoa a educación nutricional.
O xefe de Servizo de Obstetricia no seu primeiro informe, do 03.03.2017, alude á ?inasistencia reiterada de la paciente a la consulta con el endocrinólogo, como se constata en la historia?.
Queda acreditado, por tanto, que se puxeron a disposición da paciente todos os medios diagnóstico e terapéuticos necesarios pra previr e tratar a diabetes xestacional e as súas posibles consecuencias.
Respecto da amniocentese, a súa realización ofértase ás pacientes con sospeita de posibles alteracións fetais, como aconteceu neste caso en que a matrona, nun control do embarazo, observou un Prisca (proba
prenatal non invasiva que, a partir dunha analítica de sangue da nai permite a detección das anomalías cromosómicas máis frecuentes)
de alto risco. A paciente aceptou a realización da proba e asinou o documento de consentimento informado.
A este respecto o informe o Servizo de Obstetricia de 03.03.2017 recolle:
?En lo que a mi servicio respecta la paciente fue seguida en primaria según el protocolo del SERGAS, así mismo y según este
la matrona solicito Screening de primer trimestre para síndrome de Down y al presentar este un riesgo elevado (1/157) se le
recomendó el realizar una prueba invasiva para confirmar esta posibilidad, se le da consentimiento informado para dicho procedimiento
del que existe copia en la unidad de ecografía y medicina Xenómica en la que se le explica que existe un riesgo de pérdida
de la gestación entre otras causas por rotura de la bolsa. Dicha punción se realizó el día 18 de abril del 2016. Ese mismo
día por la tarde acudió a urgencias refiriendo perdida abundante de líquido, que no se pudo objetivar en la exploración practicada
pero por precaución se ingresa en observación, se pone una cobertura antibiótica y no objetivándose perdida de líquido se
da el alta a los tres días recomendando reposo relativo unos días y que acudiera si volvía a tener sensación de pérdida?.
Finalmente, e aínda que, como xa se sinalou nos antecedentes deste ditame, non son obxecto da presente reclamación os problemas que afirman se produciron durante o proceso de parto mediante cesárea, e
as consecuencias lesivas que deles se derivarían para a nai e o neno, a proposta de resolución tamén deixa constancia do recollido
na historia clínica e o informe do Servizo de Obstetricia en relación coa evolución de ambos.
Consta así que a paciente evoluciona favorablemente no postoperatorio inmediato e é dada de alta aos 5 días trala cesárea sen que queda acreditado ningunha secuela.
En canto ao recen nado foi ingresado en neonatoloxía, segundo o informe do xefe de servizo de Obstetricia por ?a problemática que leva ao ingreso do RN, segundo consta no informe de alta, é distress respiratorio que se relaciona coa
idade xestacional límite (polo tanto sería maior en teoría si se finalizara a xestación na semana 37 que na 38), coa diabetes
xestacional e coa propia cesárea, o outro motivo de ingreso foi o ser fillo de nai diabética e por tanto, para controlar o
risco de hipoglicemia en tanto que os diagnósticos ao alta inclúen complicacións da diabetes materna (como miocardiopatía
hipertrófica) ou feitos intercorrentes ou incidentais como sepse nosocomial?.
Sexta.-
Expostas como quedan as circunstancias do caso, no estado probatorio no que o expediente é sometido ao coñecemento do Consello Consultivo, carece este órgano de argumentos técnicos para contradicir os
criterios médicos referenciados. Así, do que resulta do expediente non cabe apreciar a infracción da lex artis na asistencia sanitaria prestada a dona A. que poida enlazarse causalmente cos danos por ela reclamados.
Como sinala a proposta de resolución, a situación económica dos interesados non pode abeirar unha eventual estimación da súa reclamación de responsabilidade patrimonial a Administración Sanitaria, pois
esta non se pode converter en aseguradora universal de calquera risco social, sen que se poidan garantir en todo caso os resultados
dos tratamentos prestados, sempre que se poñan a disposición dos pacientes, como se acredita aconteceu neste caso os medios
axeitados a súa situación clínica, de acordo cos coñecementos científicos existentes.
De conformidade co exposto, o xuízo deste órgano consultivo debe ser favorable á desestimación da reclamación patrimonial.
CONCLUSIÓN
Por todo o anteriormente exposto, a Sección de Ditames do Consello Consultivo de Galicia, por unanimidade dos seus membros, ditamina:
?Que informa favorablemente a proposta de resolución á que o presente expediente se refire?.
LIBROS Y CURSOS RELACIONADOS
![El consentimiento informado como garantía del principio de la autonomía del paciente](https://d2eb79appvasri.cloudfront.net/erp-colex/imagenes/libros/resizedk8s_peque_2783.png)
El consentimiento informado como garantía del principio de la autonomía del paciente
Marta Joanna Gesinska
21.25€
20.19€
+ Información
![Estatuto jurídico del testamento vital](https://d2eb79appvasri.cloudfront.net/erp-colex/imagenes/libros/resizedk8s_peque_7365.jpg)
Estatuto jurídico del testamento vital
David Enrique Pérez González
12.75€
12.11€
+ Información
![La prestación de servicios socio-sanitarios en el ámbito rural de Castilla y León: apostando por un bienestar integral](https://d2eb79appvasri.cloudfront.net/erp-colex/imagenes/libros/resizedk8s_peque_6716.jpg)
La prestación de servicios socio-sanitarios en el ámbito rural de Castilla y León: apostando por un bienestar integral
V.V.A.A
25.50€
24.23€
+ Información
![Conflictos de competencia en torno al medicamento](https://d2eb79appvasri.cloudfront.net/erp-colex/imagenes/libros/resizedk8s_peque_6774.jpg)
![Derecho Administrativo y Medio Ambiente](https://d2eb79appvasri.cloudfront.net/erp-colex/imagenes/libros/resizedk8s_peque_585.jpg)