Última revisión
Dictamen de Consello Consultivo de Galicia 255 de 27 de julio de 2017
Relacionados:
Órgano: Consello Consultivo de Galicia
Fecha: 27/07/2017
Num. Resolución: 255
Cuestión
Reclamación de responsabilidade patrimonialResumen
Reclamación de responsabilidade patrimonial interposta por dona P. en representación do seu fillo don C. polos danos causados por mor do retraso diagnóstico das enfermidades que padeceOrganismo: Consellería de Sanidade (Xunta de Galicia)
Letrado: Carballo Marcote
Propuesta: Desestimatoria
Conclusion: Favorable
Relator: Aranguren Pérez
Contestacion
ANTECEDENTES
1.- Con data do 27.1.2017, dona P., actuando en nome e representación do seu fillo don C., presentou reclamación de responsabilidade
patrimonial ante o Servizo Galego de Saúde solicitando unha indemnización polos danos causados ao seu fillo en diferentes
servizos asistenciais do Sergas.
A indemnización solicitada ascende a 40.000 euros.
2.- Instruído o correspondente expediente, por dúas ocasións, dirixiuse escrito á reclamante para que emendara a instancia inicial
dado o confuso da reclamación determinando as lesións producidas, a presunta relación de causalidade do dano coa asistencia
prestada e o momento de produción do dano, baixo apercibimento de que de non proceder a cumprir co requirimento en prazo entenderase
que desiste da súa solicitude, arquivándose sen máis trámites a súa solicitude.
3.- Non considerando o instrutor que dito requirimento fora cumprimentado pola reclamante, polo instrutor proponse agora o arquivo
das actuacións.
4.- O expediente de razón foi remitido, para preceptivo ditame deste Consello Consultivo de Galicia, polo señor conselleiro de
Sanidade tendo entrada neste organismo o día trinta de xuño de dous mil dezasete.
5.- Os demais antecedentes dedúcense do contido do ditame.
CONSIDERACIÓNS
Primeira.-
O Consello Consultivo de Galicia é competente para coñecer do expediente de razón, con base no previsto no artigo 12, j) da Lei 3/2014, do 24 de abril, por tratarse dunha reclamación de responsabilidade
patrimonial interposta contra a Administración autonómica por contía superior a 30.000 ?
Segunda.-
O dereito dos particulares a seren indemnizados pola Administración de toda lesión que sufran en calquera dos seus bens e dereitos, agás nos casos de forza maior, sempre que aquela lesión sexa consecuencia
do funcionamento normal ou anormal dos servizos públicos, responde a un principio de responsabilidade obxectiva recollido
no artigo 106 da Constitución española. Ademais o réxime xurídico da reclamación de responsabilidade patrimonial, contense
na Lei 39/2015, do 1 de outubro, do procedemento administrativo común das administracións públicas (aspectos procedimentais)
e nos artigos 32 e seguintes da Lei 40/2015 de 1 de outubro, de réxime xurídico do sector público.
Así, no que ao presente expediente se refire, cómpre dicir que as esixencias de orde procedemental, en xeral, foron cumpridas.
Terceira.-
A cuestión que presenta o expediente sometido a consideración de este Consello é a da procedencia ou non do arquivo da solicitude de iniciación do procedemento de responsabilidade patrimonial suscitado
pola reclamante.
No presente suposto, fixéronse á reclamante dous requirimentos ao abeiro do artigo 67 da Lei 39/2015, un por parte da Xefatura de Servizo e outro pola instrutora, notificados en datas 07/02/17 e 24/03/2017
respectivamente. Nos devanditos requirimentos, dado o confuso da reclamación, solicitábaselle que determinara ?as lesións producidas, a presunta relación de causalidade coa asistencia prestada e o momento da súa produción?, coa advertencia prevista no art. 68 da mesma lei, de que se lle consideraría desistida do procedemento, de non achegar a
información solicitada.
A este respecto hai que dar conta, en primeiro lugar, de que a actuación por parte da instrución foi correcta. Non pode considerarse fóra de lugar, por tanto, que por parte da xefatura de servizo e por
parte da instrutora solicite á reclamante que determinara ?as lesións producidas, a presunta relación de causalidade coa asistencia prestada e o momento da súa produción? xa que como entende a instrutora de este procedemento no escrito inicial de reclamación presentado pola reclamante relata
dunha maneira confusa unha serie de feitos relacionados cos problema de saúde do seu fillo sen que sexa posible determinar
cal é o dano que o Sergas produciu ao seu fillo.
A pesar do requirimento da Administración, que fai en dúas ocasións para que emende este defecto, a reclamante o que fai é volver a reiterar o xa manifestado no seu escrito inicial, é dicir limitarse
a reproducir a historia clínica do seu fillo e ademais neste novo escrito fai unhas valoracións totalmente alleas a este procedemento
(?mejor hasta la próxima no, tome una resolución, y sí tiene que archivarla, hágalo. A mí me supone cada reclamación o contestación
5 ?, que no estoy dispuesta a seguir pagando ya que me supone una barra de pan para mis hijos. Le contesté debido al problema
farragoso con el Dr. Q. el 31.03.2017. Tengo preguntado quien tiene el cupo abierto para cambiar de médico y él es el único.
El problema que tienen sus pacientes es el siguiente: sí quieren cambiar de médico no pueden, porque es el único que tiene
el cupo abierto?).
A interesada non cumpriu có requirimento, e constando notificado fehacientemente o requirimento de emenda procede aplicar o
artigo 68 de Lei 39/2015.
Deste xeito, a declaración contida na proposta de resolución cumpre coa normativa ao respecto declarando o arquivo da reclamación polo desestimento da interesada.
CONCLUSIÓN
Por todo o anteriormente exposto, a Sección de Ditames do Consello Consultivo de Galicia, por unanimidade dos seus membros presentes, ditamina:
?Que informa favorablemente a proposta de resolución á que o presente expediente se refire?.