Última revisión
09/02/2023
Dictamen de Consello Consultivo de Galicia 148 de de de
Relacionados:
Órgano: Consello Consultivo de Galicia
Fecha: 01/01/1970
Num. Resolución: 148
Cuestión
Reclamación de responsabilidade patrimonialResumen
Reclamación de responsabilidade patrimonial interposta por G. polos danos sufridos como consecuencia dunha caída por mor dunhas lastras soltas e fora do seu sitio na rúa Méndez Núñez no Concello de As Pontes de García Rodríguez.Organismo: As Pontes de García Rodríguez (A Coruña)
Letrado: López Guizán
Propuesta: Parcialmente estimatoria
Conclusion: Favorable
Relator: Costa Pillado
Contestacion
ANTECEDENTES
1.- O 18.11.2020 G. interpón ante o Concello das Pontes de García Rodríguez unha reclamación de responsabilidade patrimonial
por mor da caída por el sufrida o 3.3.2018 na rúa Méndez Núñez.
Segundo o escrito reitor da reclamación, ? ... en fecha 3 de marzo de 2018 sufrí una caída en la calle Méndez Núñez de este Ayuntamiento, como consecuencia del mal estado
en que se encontraba la acera en ese sitio, estando varios adoquines sueltos y fuera de lugar?.
A indemnización solicitada polos danos e secuelas sufridas ascende a 106.252 ?.
2.- O 24.11.2020 o interesado foi requirido pola instrución para a achega da documentación médica acreditativa das lesións sufridas
e do seu alcance, para a xustificación do cálculo da indemnización solicitada e para a proposición da proba da que pretendese
valerse, con identificación das persoas que puidesen ter presenciado os feitos.
3.- O 9.12.2020 o reclamante achegou diversa documentación clínica relativa ás lesións sufridas e a resolución do 25.11.2019 da
Dirección Provincial do Instituto Nacional da Seguridade Social pola que se lle declarou en situación de incapacidade permanente
total para a súa profesión habitual.
Así mesmo solicitou a práctica de proba testemuñal a P. e elevou a súa pretensión indemnizatoria a 114.789 ?.
4.- Na instrución do procedemento incorporouse ao mesmo:
- Alegacións realizadas pola entidade aseguradora do Concello, M., S.A., o 13.1.2021.
- Informe xurídico do 2.2.2021.
- Certificación da Secretaría do concello do 2.2.2021, relativa ao informe da Dirección da obra ?Reposición de saneamento na rúa Antonio Machado e reposición de abastecemento nas rúas Monte Caxado e Méndez Núñez?.
- Informe da Policía Local do 4.2.2021.
- Informe do técnico municipal de Vías e Obras do 4.2.2021.
- Práctica da proba testemuñal a P. do 12.2.2021.
- Avaliación económica dos danos e secuelas realizada polos servizos médicos da entidade aseguradora M., S.A. o 15.2.2021.
5.- O 19.2.2021 deuse trámite de audiencia ao reclamante.
Este, o 12.3.2021, formulou alegacións nas que elevou a súa pretensión indemnizatoria a 180.318 ? con base nun informe médico - pericial de avaliación do dano corporal asinado polo doutor S. o
10.3.2021.
6- Previo requirimento do Concello, a entidade aseguradora M., S.A. achegou o 16.3.2021 un informe médico - pericial de avaliación
de danos asinado polo doutor T. o 12.2.2021.
7- Ante a diferenza existente entre a avaliación dos danos e secuelas do informe pericial achegado polo reclamante e do informe
pericial da aseguradora M., S.A., o 23.3.2021 o concello solicitou do doutor O. a emisión dun ditame médico ? pericial relativo
aos danos e secuelas derivados da caída do reclamante.
O dito informe foi emitido o 20.4.2021.
8.- O 28.4.2021 deuse un novo trámite de audiencia ao reclamante.
Este, o 7.5.2021, formulou alegacións nas que solicitou unha indemnización de 180.318 ? ou, subsidiariamente, de 146.707,75 ?.
9.- O 13.5.2021 ditouse unha proposta de resolución no sentido de estimar parcialmente a reclamación presentada na contía de 115.977,85
?.
10.- O expediente de razón foi remitido, para preceptivo ditame deste Consello Consultivo de Galicia, polo señor alcalde das Pontes
de García Rodríguez, tendo entrada neste organismo o 20.5.2021.
Os demais antecedentes dedúcense do contido do ditame.
CONSIDERACIÓNS
Primeira.
O Consello Consultivo de Galicia é competente para coñecer do expediente de reclamación de responsabilidade patrimonial das Administracións públicas ao que se fixo referencia nos antecedentes a teor
do previsto nos artigos 12.j) da Lei 3/2014, do 24 de abril, do Consello Consultivo de Galicia, e 17.a) do seu Regulamento
de organización e funcionamento, aprobado polo Decreto 91/2015, do 18 de xuño, por tratarse dunha reclamación de responsabilidade
patrimonial presentada ante un Concello por contía superior a 15.000,00 ?.
Segunda.
O expediente sobre o que se solicita a emisión de ditame suscita un caso de responsabilidade patrimonial das administracións públicas que, como tal suposto, vén regulado basicamente polo artigo 106.2
da Constitución española (en diante, CE), pola Lei 39/2015, do 1 de outubro, do procedemento administrativo común das administracións
públicas (en diante, LPAC), aspectos procedementais; e, polos artigos 32 a 37 da Lei 40/2015, do 1 de outubro, de réxime xurídico
do sector público (en diante, LRXSP).
Tratándose neste caso da eventual responsabilidade patrimonial dunha entidade local, debe traerse a colación o artigo 54 da Lei 7/1985, do 2 de abril, reguladora das bases do réxime local (en diante,
LBRL), a teor do cal: ?As entidades locais responderán directamente dos danos e prexuízos causados aos particulares nos seus bens e dereitos como
consecuencia do funcionamento dos servizos públicos ou da actuación das súas autoridades, funcionarios ou axentes, nos termos
establecidos na lexislación xeral sobre responsabilidade administrativa?.
En sentido similar pronúnciase o artigo 223 do Real decreto 2568/1986, do 28 de novembro, polo que se aproba o Regulamento de organización, funcionamento e réxime xurídico das entidades locais.
O Concello das Pontes de García Rodríguez tramitou correctamente o procedemento de responsabilidade patrimonial, quedando constancia no expediente remitido da realización dos actos de instrución necesarios,
da práctica das probas que se consideraron pertinentes, da concesión do trámite de audiencia, tanto ao reclamante coma á aseguradora
municipal, e da formulación da correspondente proposta de resolución.
Terceira.
No que atinxe aos aspectos de fondo hai que indicar que os principios que rexen a responsabilidade patrimonial das administracións públicas son o resultado dunha elaboración da doutrina e da xurisprudencia,
e que veñen sendo reiteradamente expostos polo Consello Consultivo.
Sinteticamente expostos, os presupostos mínimos para que xurda a responsabilidade patrimonial da Administración, partindo do principio de responsabilidade obxectiva e directa, son:
a) O dano producido no patrimonio dos particulares ten que ser efectivo e individualizado nunha persoa ou nun grupo de persoas.
b) O precitado dano ou lesión debe producir no patrimonio do particular lesionado un prexuízo antixurídico que este non teña
o deber de soportar.
c) O dano ou lesión patrimonial ten que gardar un nexo causal co funcionamento normal ou anormal dos servizos públicos.
d) O dano non debe ser produto dunha situación de forza maior.
e) A reclamación ten que ser presentada polo particular interesado dentro do prazo legalmente establecido.
Xunto co anterior cabe indicar que a responsabilidade patrimonial da Administración configúrase como unha responsabilidade obxectiva. Como máis significados lindes daquel principio xeral poden
salientarse catro acoutacións de formulación legal:
a) A forza maior (artigo 32.1 LRXSP).
b) A obriga xurídica de soportar o dano (artigo 32.1 LRXSP).
c) A non indemnizabilidade dos danos derivados de feitos e circunstancias que non se puideran evitar ou prever segundo o estado
da ciencia e a técnica existentes na produción daqueles (artigo 34.1 LRXSP), e
d) Aqueloutras de creación xurisprudencial, tales como a culpa da vítima e feito de terceiro (recollidas en incontables pronunciamentos
do Tribunal Supremo, entre outros, o contido na súa sentenza do 27.7.2002, recurso núm. 4012/1998).
Cuarta.
Entrando no exame do fondo do asunto, cómpre, por mandato legal ? artigo 81.2 da LPAC - e polo que ao presente ditame se refire, a verificación da existencia, ou non, dunha relación de causalidade
entre o funcionamento do servizo e a lesión producida, para o que é preciso partir da previa constatación dun dano, como ocorre
no presente caso, no que se xuntan ao expediente informes da asistencia sanitaria prestada ao señor G., nos que se recollen
as lesións sufridas polo interesado, sinaladamente unha fractura conminuta do terzo distal do úmero dereito.
Con todo, a constatación deste dato non é suficiente para apreciar a existencia de responsabilidade administrativa, sendo necesario xustificar a presenza dun vínculo causal que enlace o dano padecido co
funcionamento dun servizo público, o que esixe, por principio, a demostración de que a caída se produciu, efectivamente, nas
circunstancias indicadas polo reclamante, e que estas determinan a existencia dun vínculo causal entre o dano e o funcionamento
do servizo asumido pola administración á que aquel se imputa, cal é o servizo público viario recollido nos artigos 25 da LBRL
e 81 da Lei 5/1997, do 22 de xullo, de Administración local de Galicia. A este respecto cómpre sinalar que a Administración
ten o deber ineludible de manter as vías que estean abertas á circulación pública de xeito tal que estea garantida en calquera
momento a seguridade persoal daqueles que as utilicen, o que implica o recoñecemento en favor destes dun principio de confianza
sobre as condicións obxectivamente aptas da vía para estes fins; e este deber obriga á Administración a reparar as consecuencias
danosas dos eventos fortuítos que signifiquen unha creba das condicións de seguridade que aquela está obrigada a garantir
(neste sentido, por todos, o CCG 1/2021).
Nesta tesitura, o exame do presuposto relativo á conexión causal do dano cun deficiente funcionamento do servizo público radica nunha cuestión probatoria a dilucidar a partir daquela regra xeral, recollida
en numerosos ditames deste Consello Consultivo (por todos eles, vide o CCG 429/2018 e 140/2021), segundo a que a carga da
proba da existencia dun dano avaliable economicamente e singularizado e a súa conexión causal co funcionamento dalgún servizo
público corresponde certamente á parte reclamante, e a dos feitos impeditivos da pretensión (forza maior, culpa do prexudicado,
etc...) á Administración (artigo 217 da Lei 1/2000, do 7 de xaneiro, de axuizamento civil, en diante, LAC). En idéntico sentido
se pronuncia a xurisprudencia do Tribunal Supremo, que, con carácter xeral, acolle o principio de que a carga da proba da
existencia dos danos e da relación de causalidade co servizo público corresponde á parte reclamante (entre outras, as sentenzas
do Tribunal Supremo do 4.11.1997, recurso núm. 3594/1993, e do 30.10.1999, recurso núm. 5696/1995).
Pois ben, no suposto que agora nos ocupa, o reclamante, en apoio da súa pretensión indemnizatoria, solicitou a práctica de proba testemuñal á persoa que o acompañaba no intre da súa caída, debendo salientarse
que a testemuña referiu na súa declaración como o estado da beirarrúa da rúa Méndez Núñez pola que ían paseando, arredor das
19:30 horas, ?era malo y había adoquines o baldosas sueltas o fuera de lugar?, sendo esta a causa da caída do Sr. G. (?por la existencia de un desnivel en la acera y el acusado deterioro de la misma?).
Estas afirmacións da testemuña proposta polo reclamante, como sinala a proposta de resolución do 13.5.2021, non poden verse desvirtuadas polo feito de que aquela refira coñecer ao reclamante pois, como
ten sinalado este Consello Consultivo (por todos, o CCG 204/2020), isto comportaría situar ao reclamante no transo de demostrar
que o evento que trata de probar foi presenciado por terceiras persoas descoñecidas, ou aínda máis, esixir que o evento se
produza en presenza daquel tipo de persoas.
Ademais, estas afirmacións da testemuña non chegaron a ser rebatidas pola Administración actuante, que non puido acreditar o correcto funcionamento do servizo público viario, sendo así que, en virtude
do principio de facilidade probatoria consagrado no artigo 217.7 da LAC, é á Administración á que lle corresponde acreditar
o axeitado mantemento das beirarrúas en canto espazos destinados ao tránsito peonil. Neste sentido pode citarse, entre outras,
a sentenza do Tribunal Supremo do 11.2.2013, recurso núm. 5518/2010.
Refire a precitada sentenza como ?En el presente caso ha de tenerse en cuenta que la Administración recurrente no ha intentado ni siquiera acreditar los hechos relativos al funcionamiento estándar o normal
del servicio público de vigilancia, mantenimiento y conservación de la carretera de su titularidad, y la forma concreta en
que se prestó tal servicio en el tiempo inmediatamente anterior a que se produjera el accidente, a fin de conocer si las circunstancias
de organización y funcionamiento del servicio de vigilancia y de mantenimiento fueron conformes o no a los estándares razonablemente
exigibles. Como decíamos en un asunto relativamente similar al presente, en la sentencia de 3 de diciembre de 2002 (recurso
38/2000), sobre caída de una motocicleta por la presencia de líquido deslizante en la calzada, de acuerdo con los principios
que reparten entre las partes la carga de la prueba, corresponde a la Administración acreditar "aquellas circunstancias de
hecho que definen el standard de rendimiento ofrecido por el servicio público para evitar las situaciones de riesgo de lesión
patrimonial a los usuarios del servicio derivadas de la acción de terceros y para reparar los efectos dañosos producidos por
los mismos, sin que conste siquiera que la función de mantenimiento de la carretera se haya realizado, en la zona en que se
produjo el accidente, en la forma habitual y correcta, prueba cuya carga no puede trasladarse al recurrente, siendo así que
en el presente caso ha de aplicarse el principio de facilidad probatoria y, en definitiva, a la Administración le correspondía
acreditar que, con los medios que disponía resultaba imposible evitar hechos como el producido y, en definitiva, proceder
a la limpieza de la vía pública o a la colocación de señales que indicarán la peligrosidad del pavimento?.
Deste xeito, dos distintos informes recadados pola instrución non resulta acreditado, como admite a proposta de resolución do 13.5.2021, aquel axeitado funcionamento do servizo público viario, recoñecendo
o técnico municipal no seu informe do 10.2.2021 que os lastros que existían no intre dos feitos na beirarrúa ?é un material que se desprende con facilidade, podendo ocorrer que non se informara ao concello de tal anomalía na beirarrúa,
tendo en conta, ademais, que é unha vía escasamente transitada?. Ademais, o técnico informante tamén refire no seu informe que non se realiza unha inspección periódica do estado das beirarrúas,
o que, unido ao escaso tránsito peonil do lugar que vén de apuntarse, fai plausible a realidade dun mal estado do lugar, que
non foi advertido, nin polo tanto reparado, ou cando menos sinalizado, polos servizos do Concello, ata o intre da caída do
agora reclamante:
?... este departamento de Obras e Servicios non efectúa a inspección sistemática e programada do estado dos viais e das beirarrúas
como sería desexable, ao non ter asignado persoal para este labor. O servizo actúa ?ex post facto?, ao ter coñecemento, normalmente
por informar os veciños da ocorrencia do sinistro?.
Esta circunstancia relativa á falta dunha inspección das beirarrúas polo Concello malia tratarse dun espazo destinado á deambulación dos peóns, unida ás afirmacións da testemuña, quen refire a existencia
de lastros soltos no lugar e sen sinalizar como causa da caída do reclamante, obriga, xa que logo, a concluír na existencia
dun deficiente funcionamento do servizo, coa conseguinte declaración de responsabilidade do Concello polos danos e secuelas
ocasionados ao señor G.
Quinta.
Resta, por último, facer un expreso pronunciamento sobre a avaliación económica dos danos producidos e, conseguintemente, sobre o quantum indemnizatorio a satisfacer ao reclamante.
A este respecto cómpre sinalar que no expediente remitido constan tres informes periciais de avaliación dos danos de carácter persoal: o informe médico ? pericial asinado polo doutor S. e achegado polo
reclamante, o informe médico - pericial realizado polo doutor T. a solicitude da entidade aseguradora do Concello, e o informe
médico - pericial asinado polo doutor O. e solicitado polo Concello ante a enorme diferencia que existe na avaliación dos
danos e secuelas que realizan os informes achegados polo reclamante e pola entidade aseguradora.
Ante a diverxencia da valoración dos tres informes periciais que figuran no expediente hai que lembrar que, de conformidade co artigo 77.1 da LPAC, a valoración das probas no procedemento administrativo
se realizará de acordo cos criterios establecidos na LAC. ). E o artigo 348 desta norma establece a valoración de ?los dictámenes periciales según las reglas de la sana crítica?. Este principio de valoración da proba conforme ás regras da sa crítica significa que non existen regras preestablecidas
para a ponderación das probas, polo que o aplicador do dereito ten unha maior liberdade valorativa, o que non comporta unha
apreciación arbitraria ou contraria ás regras da lóxica ou á común experiencia (neste sentido, o CCG 290/2020). Así, o Tribunal
Supremo, na súa sentenza do 12.2.2018, rec. 2386/2016, sinalou que ?a la hora de valorar los dictámenes periciales debe prestarse una atenta consideración a elementos tales como la cualificación
profesional o técnica de los peritos, la magnitud cuantitativa, la clase e importancia o dimensión cualitativa de los datos
recabados y observados por el perito, las operaciones realizadas y medios técnicos empleados, y en particular, el detalle,
la exactitud, la conexión y resolución de los argumentos que soporten la exposición, así como la solidez de las declaraciones?.
Pois ben, logo do exame destes tres informes e da documentación clínica do Sr. G., o primeiro que debe sinalarse é que, contra
o sinalado no informe pericial da aseguradora, non existe ningún dato que avale a hipótese de que a intervención realizada
o 18.10.2019, para o tratamento cirúrxico dunha fractura periimplante de úmero distal, non responde ao tratamento dunha complicación
da fractura de úmero inicial sufrida polo reclamante por mor da súa caída do 3.3.2018. Neste sentido, da mera circunstancia
indicada no informe do doutor T. relativa a que ?el lesionado estuvo varios meses en centro para deshabituación etanol? non pode tirarse sen máis a consecuencia da ruptura do nexo de causalidade daquela segunda intervención cirúrxica coa lesión
derivada da caída. Verbo da valoración destas dúas intervencións, o informe pericial do doutor S. e o informe pericial do
doutor O. coinciden en configuralas como cirurxías do grupo V no Nomenclator da Organización Médica Colexial, correspondéndolles,
a xuízo do doutor O., un 50% do valor máximo da indemnización por este concepto.
Por outra banda, da documentación clínica achegada tamén se desprende como, logo da primeira intervención do 4.3.2018, o Sr. G. seguiu en revisión no Servizo de Traumatoloxía do Complexo Hospitalario
Universitario de Ferrol (CHUF) e a tratamento rehabilitador ata o 31.1.2019 (non ata o 27.3.2019, como sinala o interesado
no seu escrito do 7.5.2021). Dende esta data do 31.1.2019 non hai constancia de ningún tratamento médico ou farmacolóxico
ata o 10.10.2019, cando se lle diagnosticou unha fractura periimplante de úmero. De aí a procedencia de rebaixar os 817 días
de prexuízo persoal que reclama o interesado con base no informe pericial do doutor G., cinguindo aqueles a 423 días, correspondentes
aos períodos comprendidos entre o 4.3.2018 e o 31.1.2019 e entre o 10.10.2019 e o 5.2.2020, data esta última na que o Servizo
de Traumatoloxía do CHUF entende as secuelas estabilizadas. Destes 423 días, como considera o informe do doutor O., 15 días
poden cualificarse como de prexuízo persoal grave (do 4.3.2018 ao 15.3.2018 e do 17.10.2019 ao 21.10.2019, días correspondentes
á estancia hospitalaria das dúas intervencións) e 408 de prexuízo persoal moderado.
Xa polo que atinxe á valoración das secuelas que lle restan ao reclamante, a xuízo deste órgano consultivo resulta máis axustada a avaliación contida no informe pericial do doutor O., avaliación realizada
logo da exploración clínica do paciente e que cifra aquelas secuelas na presenza de material de osteosíntese (4 puntos), unha
limitación de flexión e extensión do cóbado (13 puntos), unha lesión incompleta do nervio radial (3 puntos), unha lesión incompleta
do nervio cubital (10 puntos, logo de corrixido o erro no informe pericial tralo escrito de alegacións do interesado do 7.5.2021)
e un prexuízo persoal básico estético moderado (10 puntos). Verbo desta última secuela debe notarse que unha cicatriz, aínda
que extensa, no brazo e fóra, xa que logo, da zona facial, non xustifica a súa configuración como un prexuízo estético medio
cunha valoración de 17 puntos, como sostén o informe pericial achegado polo reclamante.
Noutra orde de cousas, polo que atinxe ao prexuízo persoal particular por perda da calidade de vida, debe notarse que a incapacidade laboral do Sr. G., como resulta do ditame proposta do Instituto Nacional
da Seguridade Social do 21.11.2019, non se debe exclusivamente ás lesións derivadas da caída. Ademais, segundo pon de manifesto
o informe pericial do doutor O., o reclamante non ten limitacións para as actividades básicas da vida diaria, o que obriga
a cualificar aquela perda de calidade de vida como leve ? moderada, e non como moderada, como a cualifica o perito do reclamante.
Para rematar, e polo que atinxe ao lucro cesante, o reclamante solicitou nos seus escritos de alegacións do 12.3.2021 e do 7.5.2021 un importe de 8.319 ? por este concepto. No entanto, a proposta de
resolución do 13.5.2021 recoñece un importe de 9.114 ? ao sinalar que a contía solicitada polo interesado ?trátase dun erro, xa que esa contía é a establecida para unha idade de 51 anos para o ingreso neto de até 15.000 ?/ano?. Ao respecto procede sinalar que, dado que a contía fixada polo interesado debe operar en todo caso como límite máximo en
virtude do principio de congruencia (neste sentido, o CCG 243/2014 e 246/2014), a indemnización correspondente a este concepto
haberá de reducirse ao solicitado polo reclamante nos seus escritos do 12.3.2021 e do 7.5.2021.
Atendendo, xa que logo, á determinación e avaliación dos danos e perdas que vén de referirse, e empregando analoxicamente o baremo contido no anexo do Real decreto lexislativo 8/2004, do 29 de outubro,
polo que se aproba o Texto refundido da Lei sobre responsabilidade civil e seguro na circulación de vehículos a motor, modificado
pola Lei 35/2015, do 22 de setembro (neste sentido, por todas, a sentenza do Tribunal Supremo do 3.12.2012, rec. 815/2012),
procede recoñecer ao reclamante unha indemnización de 115.182,85 ?. Esta contía haberá de ser actualizada nos termos previstos
no artigo 34.3 da LRXSP.
CONCLUSIÓN
Por todo o anteriormente exposto, a Sección de Ditames do Consello Consultivo de Galicia, por unanimidade dos seus membros, ditamina:
?Que informa favorablemente a proposta de resolución estimatoria parcial á que o presente expediente se refire, se ben a contía na que debe ser indemnizado o reclamante é a sinalada na consideración quinta
deste ditame?.
LIBROS Y CURSOS RELACIONADOS
![Delitos al volante. Paso a paso](https://d2eb79appvasri.cloudfront.net/erp-colex/imagenes/libros/resizedk8s_peque_2847.jpg)
![Reclamaciones ante compañía de seguros. Paso a paso](https://d2eb79appvasri.cloudfront.net/erp-colex/imagenes/libros/resizedk8s_peque_6782.jpg)
Reclamaciones ante compañía de seguros. Paso a paso
Dpto. Documentación Iberley
14.50€
13.78€
+ Información
![La prueba pericial en el proceso civil](https://d2eb79appvasri.cloudfront.net/erp-colex/imagenes/libros/resizedk8s_peque_6722.jpg)
![El contrato de seguro. Elementos, forma y obligaciones de las partes](https://d2eb79appvasri.cloudfront.net/erp-colex/imagenes/libros/resizedk8s_peque_516.jpg)
El contrato de seguro. Elementos, forma y obligaciones de las partes
Dpto. Documentación Iberley
6.83€
6.49€
+ Información
![Responsabilidad civil derivada del uso de vehículos a motor. Paso a paso](https://d2eb79appvasri.cloudfront.net/erp-colex/imagenes/libros/resizedk8s_peque_7633.jpg)
Responsabilidad civil derivada del uso de vehículos a motor. Paso a paso
Dpto. Documentación Iberley
17.00€
16.15€
+ Información