Sentencia Penal Nº 119, Audiencia Provincial de Pontevedra, Rec 1060 de 29 de Noviembre de 2000

PROCEDEMENTO ABREVIADO POR DELITO E FALTA DE LESIÓNS O acusado agrediu aos denunciantes, polo que resulta condenado como autor dun delito e dunha falta de lesións, interpondo recurso de apelación en orden a determinar se precedeu ou non por parte da víctima unha agresión que lexitimase a posterior feita polo apelante. Para dar resposta a esa cuestión, o apelante tenta que se lles dea máis relevo ás manifestacións das testemuñas que declararon por pedimento de quen apela. Tese que se envolve en xenéricas citas de doutrina xurisprudencial que, por seren tan xenéricas, en nada atinxen ao debate nos termos que o apelante artella. Nesta segunda instancia apréciase a inexistencia de proba de agresión ilexítima previa por parte das víctimas, que se atopaban na súa casa quedando fora de dudas que foi o acusado o que golpeou ás víctimas. Neste recurso só fai cuestión da lexitimidade do golpe, sen facer obxecto de debate a autoría. Nin o resultado lesivo. A declaración dunha conducta como xustificada esixe a proba do feito xustificador; neste caso, unha agresión previa por parte da víctima que sexa ilexítima. Aínda considerando que a carga desa proba non impide que, no suposto de dúbida razoábel, se decida a prol do acusado, o certo é que tal dúbida non é razoábel se non conta con outro aval que a palabra de quen era compañeiro do acusado nas devanditas circunstancias.