Sentencia Civil Nº 250, Audiencia Provincial de Pontevedra, Rec 165 de 01 de Septiembre de 2000

Discútese no presente recurso o quantum indemnizatorio establecido na sentencia recurrida a cargo do porteador-apelante como consecuencia dos danos sufridos durante o transporte pola mercancía transportada. Tamén cuestiona o recurrente a falla de cobertura desta responsabilidade pola entidade aseguradora CAHISPA ó resultar absolta na sentencia de instancia por entender que tal responsabilidade deriva dun risco asegurado tanto pola póliza de seguro de automóviles n° 138.925 como pola póliza de responsabilidade civil xeral n° 558.332 que o transportista-demandado e agora recurrente ten concertadas coa devandita entidade aseguradora. Argumenta tamén o apelante que o perito descoñece o estado anterior da máquina e por tanto se os danos apreciados son preexistentes o transporte da mesma efectuado polo recurrente. Polo que atinxe á póliza de responsabílidade civil xeral, o seu obxecto comprende a responsabilidade civil extracontractual en que poida incurrir o asegurado como consecuencia dos danos e perxuizos causados involuntariamente a terceiros e derivados da mercancía transportada nos vehículos detallados na póliza pero con exclusión dos danos sufridos polas propias mercancías transportadas (así se desprende das condicións particulares da póliza que aparecen firmadas polo recurrente como el mismo recoñece en proba de confesión F. 200). Non resultando polo tanto cuberta a responsabilidade do apelante por ningunha das pólizas de seguro, debendo quedar absolta a entidade aseguradora neste proceso.