Sentencia Civil Nº 114, Audiencia Provincial de Pontevedra, Rec 2007 de 17 de Marzo de 2000

      Que, para paliar esa imposibilidade e para, en definitiva, lograr unha real protección dos dereitos de autor, non hai outra alternativa que a de actuar de xeito colectivo, xurdindo así as entidades de xestión colectiva para exerceren facultades de mediación e xestión dos dereitos amentados. Achega destes estatutos e daquela autorización administrativa que foi feita pola actora, agora recorrida, desprendéndose desa certificación, por outra beira, e finalmente, que a SXAE é a única na actualidade que xestiona os dereitos hoxe discutidos (folio 77), o que ten que levar, en conclusión, a rexeita-la falta de lexitimación invocada pola demandada apelante. O problema queda agora circunscrito a determinarmos se se acreditou ou non se acreditou neste caso que a demandada efectuou no seu establecemento actos de comunicación ao público de dereitos de autor -neste caso obras musicais-, que, formando parte devanditos actos de comunicación do seu entramado negocial, e contribuíndo de xeito decisivo, ou ao menos transcendente, ao bo fin dese negocio, supoñan un enriquecemento do seu titular a custa de dereitos de autor alleos que teñen que ser resarcidos por aquel a prol da SXAE, como entidade encargada da xestión colectiva deses dereitos. B) Que tampouco non cabe acubillarmos dúbida ningunha verbo de que o local litixioso pertence á comunidade de bens demandada.   Se desestima..