C. Colectivo. Convenio Colectivo de Empresa de CONCELLO DE PADRON. PERSOAL FUNCIONARIO E LABORAL (15004632012009) de Coruña

Visto o expediente do convenio colectivo do CONCELLO DE PADRÓN (código convenio 1504632), que tivo entrada nesta Delegación Provincial da Consellería de Traballo o día 13.11.08, complementado o 8.1.09 e subscrito pola parte económica polo Concello de Padrón e pola parte social polo comité de empresa os días 25.6.08 e 18.12.08, ratificado polo pleno da corporación do 17.9.08 e do 29.12.08, de conformidade co disposto no artigo 90.2 e 3 do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos Traballadores, Real decreto 1040/81, do 22 de maio, sobre Rexistro e Depósito de Convenios Colectivos de Traballo e Real decreto 2412/82, de 24 de xullo, sobre traspaso de funcións e servizos da Administración do Estado á Comunidade Autónoma de Galicia, en materia de traballo, esta Delegación Provincial

ACORDA:

PRIMEIRO. - Ordena-la súa inscripción no Libro Rexistro de Convenios Colectivos de Traballo, obrante nesta Delegación Provincial, e notificación ás representacións económica e social da Comisión Negociadora.

SEGUNDO. - Ordena-lo depósito do citado acordo no Servizo de Relacións Laborais, Sección de Mediación, Arbitraxe e Conciliación (S.M.A.C).

TERCEIRO. - Dispoñe-la súa publicación no Boletín Oficial da Provincia.

A Coruña, 15 de xaneiro de 2009

A DELEGADA PROVINCIAL

Asdo.: María Debén Alfonso

CONVENIO COLECTIVO - "‚ACORDO REGULADOR DO PERSOAL AO SERVIZO DO CONCELLO DE PADRÓN

INDICE

CAPÍTULO I. DISPOSICIÓNS XERAIS (arts. 1 a 13)

CAPÍTULO II. SEGUIMENTO E CONTROL (arts. 13 a 14)

CAPÍTULO III. SOLUCIÓN EXTRAXUDICIAL DE CONFLICTOS COLECTIVOS (art. 15).

CAPÍTULO IV. DEREITOS SINDICAIS

SECCIÓN 1.ª. DO DEREITO Á ACTIVIDADE SINDICAL (arts. 16 a 19)

SECCIÓN 2.ª. DAS SECCIÓNS SINDICAIS (arts. 20 a 24)

SECCIÓN 3.ª. DO DEREITO Á REPRESENTACIÓN COLECTIVA (arts. 25 a 28)

SECCIÓN 4.ª. DO DEREITO DE REUNIÓN (arts. 29 a 32)

SECCIÓN 5.ª. DOS DEREITOS DE NEGOCIACIÓN E PARTICIPACIÓN COLECTIVA (arts. 33 a 36)

SECCIÓN 6.ª. DO DEREITO DE FOLGA (art. 37)

CAPÍTULO V. DEREITOS, DEBERES E CÓDIGO DE CONDUTA DOS EMPREGADOS MUNICIPAIS (arts. 38 e 39)

CAPÍTULO VI. CALIDADE DOS SERVIZOS E ABSENTISMO LABORAL (art. 40)

CAPÍTULO VII. CALENDARIOS LABORAIS, XORNADAS E HORARIOS (arts. 41 a 50)

CAPÍTULO VIII. VACACIÓNS, PERMISOS, LICENCIAS E EXCEDENCIAS (arts. 51 a 53)

CAPITULO IX. - SELECCIÓN, CLASIFICACIÓN E CARREIRA PROFESIONAL DO PERSOAL MUNICIPAL

SECCIÓN 1.ª. CLASIFICACIÓN DO PERSOAL MUNICIPAL (arts. 54 a 66)

SECCIÓN 2.ª. SELECCIÓN E ACCESO (arts. 67 a 74)

SECCIÓN 3.ª. CARREIRA PROFESIONAL (arts. 75 a 83)

CAPÍTULO X. INCOMPATIBILIDADES (art. 84)

CAPÍTULO XI. NORMALIZACIÓN LINGÜÍSTICA (art. 85)

CAPÍTULO XII. SISTEMA RETRIBUTIVO (arts. 86 a 97)

CAPÍTULO XIII. ACCIÓN SOCIAL (arts. 98 a 103)

CAPÍTULO XIV. RÉXIME DISCIPLINARIO (art. 104)

CAPÍTULO XV. CONSOLIDACIÓN DO EMPREGO TEMPORAL E PROCESOS DE FUNCIONARIZACIÓN (arts. 105 a 106)

CAPÍTULO XVI. FORMACIÓN NAS ENTIDADES LOCAIS (arts. 107 a 109)

CAPÍTULO XVII. SAÚDE E SEGURIDADE (arts. 110 a 117)

CAPITULO XVIII. XUBILACIÓN DO PERSOAL (arts. 118 a 120)

CLAUSULAS ADICIONAIS

CLAUSULAS TRANSITORIAS

ANEXOS

I. HORARIOS ESPECIFICOS (punto 1)

II. CALENDARIO LABORAL PARA 2008

III. CALENDARIOS ESPECÍFICOS

IV. VESTIARIO DO PERSOAL

V. REGULAMENTO DE ACCIÓN SOCIAL

VI. REGULAMENTO DE SELECCIÓN DE PERSOAL FUNCIONARIO INTERINO E LABORAL TEMPORAL

CAPÍTULO I. - DISPOSICIÓNS XERAIS

Artigo 1. Representación e lexitimidade.

As partes que concertan este acordo son o Concello de Padrón, no exercicio da súa autonomía local, o comité de empresa do persoal laboral e os delegados sindicais do persoal funcionario, órganos de representación sindical específico do persoal funcionario e laboral do Concello de Padrón, constituídos en mesa xeral de negociación en uso das atribucións conferidas polo Real Decreto Lexislativo 1/1995, de 24 de marzo, polo que se aproba o texto refundido da Lei do Estatuto dos Traballadores e a Lei 7/2007 de 12 de abril do Estatuto Básico do Empregado Público.

Artigo 2. Ámbito territorial.

O presente acordo será de aplicación no ente territorial Concello de Padrón e na totalidade de organismos e entes públicos que formen ou poidan formar parte do mesmo.

Artigo 3. Ámbito persoal.

O presente acordo aplicarase integramente ao persoal funcionario e laboral que preste servizos no Concello de Padrón, en todo aquilo que sexa compatible coa natureza da súa relación de emprego.

Artigo 4. Ámbito temporal, vixencia e denuncia.

O presente acordo regulador entrará en vigor o día seguinte da súa publicación no Boletín Oficial da Provincia, abarcando o seu período de vixencia ata o 31 de decembro de 2010, data na que se entendera prorrogado por anualidades de non existir denuncia dalgunha das partes ata a entrada en vigor do novo acordo que substitúa ao anterior trala oportuna negociación.

O acordo considerarase denunciado cando así o faga calquera das partes con tres meses de antelación á finalización da súa vixencia ou de calquera prórroga, a fin de iniciar as negociacións e deliberacións do novo acordo, en data non posterior a un mes contado a partir da data de denuncia.

Artigo 5. Obxecto.

O Acordo regula e facilita o normal desenvolvemento das relacións de traballo dentro do seu ámbito de aplicación e derroga as normas iguais ou de inferior rango no que se opoñan ao seu contido.

Artigo 6. Carácter.

O acordo ten un carácter necesario e indivisible para todos os efectos, no sentido de que as condicións pactadas neste constitúen un todo orgánico e unitario.

Artigo 7. Condicións máis beneficiosas.

Enténdese este acordo como o marco global máis favorábel. A comisión de seguimento e interpretación estudiará caso por caso a aplicación a persoas determinadas de condicións laborais mais beneficiosas que estean recoñecidas con anterioridade á entrada en vigor do acordo.

As condicións do presente Acordo teñen carácter supletorio da normativa vixente no Réxime Estatutario do Persoal das Administracións Públicas. En todo caso, as melloras establecidas ou que se establezan noutras disposicións de calquera rango que afecten no seu ámbito ao persoal das Administracións Locais, serán de aplicación ao persoal do Concello de Padrón, consonte ao principio de norma máis favorable ou condición máis beneficiosa.

Artigo 8. Irrenunciabilidade.

Terase por nula e por non feita a renuncia por parte dos traballadores de calquera beneficio establecido no acordo.

Artigo 9. Aplicación favorable.

Como norma xeral, unha vez aplicado o acordo, e trala consulta á comisión paritaria de control e seguimento, tódalas condicións establecidas no mesmo, en caso de dúbida, ambigüidade ou escuridade, en canto ao seu sentido e alcance, terán que ser interpretadas e aplicadas do xeito que resulte máis beneficioso para os traballadores, con sometemento pleno á lei e ao dereito.

Artigo 10. Aplicación directa.

As partes signatarias do acordo comprométense á aplicación directa deste e a non promover cuestións que puideran supoñer modificacións das condicións pactadas no texto.

Artigo 11. Publicidade do acordo.

Con independencia da súa publicación no Boletín Oficial da Provincia a publicidade do presente texto farase por conta do Concello de Padrón, que facilitará unha copia do mesmo a todo o seu persoal.

Artigo 12. Conflictividade laboral.

Antes de adoptar medidas disciplinarias ou actitudes conflictivas de carácter colectivo, as partes asinantes do acordo comprométense a esgotar a vía do diálogo dentro da propia institución, acudindo á comisión de seguimento, constituida segundo o establecido no capítulo seguinte.

CAPÍTULO II. - SEGUIMENTO E CONTROL

Artigo 13. Control e seguimento.

A propia mesa xeral de negociación do convenio actuará como órgano responsable de velar pola aplicación e seguimento do mesmo, correspondendolle expresamente as seguintes funcións:

a) Interpretar a totalidade dos artigos e cláusulas do acordo.

b) Vixiar o cumprimento do pactado e denunciar, no seu caso, os incumprimentos.

c) Estudiar, propor e, cando proceda, resolver aquelas cuestións ou reclamacións que, de común acordo, lle sexan sometidas polas partes.

d) Actualizar o contido do presente acordo para adaptalo ás modificacións que poidan derivarse de cambios normativos ou de acordos ou pactos subscritos entre as administracións públicas e os sindicatos.

e) Facer o seguimento e, no seu caso, desenvolvemento da aplicación do acordo. A tal efecto emitirá, cando o considere conveniente, un informe sobre estes extremos.

f) Asegura-la non discriminación da muller, controlando a igualdade de trato, os posibles abusos, agresións de orde sexual, laborais, físicas ou psíquicas, tanto por parte dos compañeiros de traballo, como dos superiores.

g) Impedir a realización de toda conducta abusiva ou de violencia psicolóxica que se realice de xeito sistemático sobre un traballador, manifestada especialmente a través de reiterados comportamentos, palabras ou actitudes que lesionan a dignidade ou integridade psíquica do mesmo e que poñan en perigo ou degraden as súas condicións de traballo

h) Calquera outra función que expresamente se lle atribúa no Acordo ou que, de común acordo, as partes consideren conveniente.

Artigo 14. Réxime de funcionamento.

1. Para exercer as labores de comisión de seguimento, a mesa reunirase con carácter ordinario semestralmente e de xeito extraordinario cando o solicite polo menos o 50% dos seus compoñentes.

2. Para estes efectos a mesa de negociación poderá utilizar os servizos ocasionais ou permanentes de asesores, con voz pero sen voto.

3. A mesa contará cun secretario, que será un técnico designado polo concello e que actuará na mesma con voz pero sen voto.

4. As convocatorias das sesións da realizaraas o secretario, co visto e prace dos voceiros, mediante citación por escrito na que conste, lugar data e hora, así como a orde do día. A convocatoria enviarase ás partes cunha antelación mínima de sete días hábiles, respecto da data prevista de celebración, no caso de sesións ordinarias, e dous días naturais para o caso de sesións extraordinarias.

5. A orde do día das sesións será fixada polo secretario, co visto e prace dos voceiros.

6. Para que as sesións poidan celebrarse validamente será precisa a asistencia de, polo menos, o 51% dos seus membros, así como do secretario ou de quen o substitúa no cargo.

7. Os acordos deberán adoptarse por mais do 50% de cada unha das dúas representacións, sendo de carácter obrigatorio e vinculantes para ambas partes.

8. De cada xuntanza e ao seu remate, o secretario redactará a correspondente acta na que haberá de constar o lugar, data e hora de comezo e remate da reunión, nomes e apelidos dos presentes, os asuntos tratados, os acordos adoptados cun resumo das opinións emitidas e a expresión dos votos. A correspondente acta así redactada pasarase inmediatamente á aprobación e sinatura de tódolos asistentes.

9. As actas das sesións arquivaranse nun rexistro que custodiará o secretario, baixo a súa responsabilidade, tendo que expedir as certificacións oportunas dos acordos que as referidas actas conteñan, cando así se reclame por parte lexitimamente interesada.

10. Cando ámbalas partes así o consideren, crearanse comisións de traballo específicas para tratar temas concretos e predeterminados. Estas comisións elaborarán dictames que logo serán presentados á mesa, non sendo estes vinculantes senón meramente informativos.

11. As comunicacións oficiais verificaranse sempre directamente e por escrito, sen que poidan admitirse traslados e reproduccións a través doutras instancias.

CAPÍTULO III. - SOLUCIÓN EXTRAXUDICIAL DE CONFLICTOS COLECTIVOS

Artigo 15. Solución extraxudicial de conflictos colectivos.

1. O Concello de Padrón e os representantes do persoal acordan como mecanismo de resolución e mediación nos posibles conflictos colectivos ou discrepancias significativas e insolubles, o diálogo e a negociación.

2. Esgotadas as vías de negociación e diálogo, a resolución extraxudicial de conflictos deberá levarse a cabo por procedementos de mediación e arbitraxe, sempre e cando o ordenamento vixente o permita.

3. Mediante o procedemento de arbitraxe as partes poderán acordar de mutuo acordo encomendar a un terceiro a resolución de calquera conflicto, comprometéndose de antemán a acepta-lo contido desta

4. O acordo logrado a través da mediación ou da resolución de arbitraxe terá a mesma eficacia xurídica e tramitación que os pactos e acordos regulados por Lei, sempre que quen adoptase o acordo ou subscrito o compromiso arbitral tivese a lexitimación que lles permita acordar, no ámbito do conflicto, un pacto ou acordo conforme ao previsto pola lei.

5. Estes acordos serán susceptibles de impugnación. Especificamente caberá recurso contra a resolución arbitral no caso de que non se observaran no desenvolvemento da actuación arbitral os requisitos e formalidades establecidos para o efecto ou cando a resolución versase sobre puntos non sometidos á súa decisión, ou que esta contradiga a legalidade vixente.

6. A utilización destes sistemas efectuarase conforme aos procedementos que regulamentariamente sexan determinados tralo acordo cos representantes do persoal conforme ao regulado actualmente a este respecto. En todo caso, o esgotamento do procedemento previo ante a mesa, os procedementos de solución de conflictos e de conciliación e mediación, asi como de arbitraxe seguirán o Acordo Galego sobre Procedementos Extraxudiciais de solución de conflictos de traballo, segúndo o publicado no DOG de 4 de maio de 1995.

CAPÍTULO IV. - DEREITOS SINDICAIS

SECCIÓN 1.ª. - DO DEREITO Á ACTIVIDADE SINDICAL

Artigo 16. Dereito á sindicación.

1. O persoal do Concello de Padrón ten dereito a sindicarse libremente en defensa e promoción dos seus intereses profesionais, económicos e sociais.

2. O dereito á libre sindicación comprende o dereito a afiliarse ao sindicato da súa elección, a separarse do que estivese afiliado, non podendo ninguén ser obrigado a afiliarse a un sindicato, e a elixir libremente aos seus representantes.

Artigo 17. Protección para o exercicio do dereito a actividade sindical.

1. O Concello proporcionará a axeitada protección ao persoal ao seu servizo contra todo acto antisindical que implique discriminación ou demérito relacionado co seu emprego.

2. A dita protección exercerase especialmente contra todo tipo de accións ou actuacións que persigan:

a) Influír nas condicións de emprego do/a traballador/a para que este se afilie ou non a unha central sindical, que deixe de ser membro dela, ou que renuncie á actividade sindical.

b) Fustigar ou relegar a calquera traballador/a no seu lugar de traballo, ou prexudicalo de calquera xeito a causa da súa pertenza a unha central sindical ou da súa participación nas actividades sindicais.

c) Condicionar o emprego público á esixencia de afiliación ou non a calquera central sindical, ou á esixencia de causar baixa na mesma.

Artigo 18. Exercicio da actividade sindical.

1. Os empregados públicos do Concello teñen dereito a dedicarse á acción sindical no lugar, tempo e forma previstos na Lei Orgánica 11/1985, de 2 de agosto, de liberdade sindical, así como polo Real Decreto Lexislativo 1/1995, de 24 de marzo, polo que se aproba o texto refundido da Lei do Estatuto dos Traballadores e a Lei 7/2007 de 12 de abril do Estatuto Básico do Empregado Público, así como en calquera outra norma que sexa de aplicación.

2. Para estes efectos, entenderase como ámbito material inmediato para a acción sindical no Concello os centros de traballo, considerándose como tales, tanto o propio de cada traballador/a como calquera outra dependencia, establecemento ou local pertencente ao Concello, aínda que se encontre situado en sede distinta.

Artigo 19. Respecto ás necesidades do servizo.

Os dereito recoñecidos aos empregados municipais neste capítulo, exercitaranse co debido respecto ás persoas e bens, procurando sempre non interferir na boa marcha do traballo.

SECCIÓN 2.ª. - DAS SECCIÓNS SINDICAIS

Artigo 20. Dereito a constituír seccións sindicais.

Os empregados públicos do Concello afiliados a centrais sindicais legal e validamente constituídas e recoñecidas poderán constituír seccións sindicais de conformidade co establecido no presente capítulo e coa lexislación vixente.

Artigo 21. Constitución das seccións sindicais.

Para a atribución das garantías, facultades, funcións e competencias recoñecidas neste acordo, as seccións sindicais deberán acreditar que as centrais sindicais ás que pertencen obtiveron polo menos o 10% dos representantes nas eleccións dos órganos de representación do persoal celebradas no Concello ou que teñen a condición de centrais sindicais maioritarias, de conformidade co previsto na LOLS.

Artigo 22. Atribucións das seccións sindicais.

As seccións sindicais terán, entre outras, as seguintes facultades, garantías, funcións e competencias:

a) Representar e defender os intereses da central sindical a que pertencen e dos afiliados da mesma.

b) Posuír e exercer a través dos correspondentes comités, delegados ou representantes sindicais, a representación legal para asuntos sociolaborais de todos e cada un dos seus afiliados, sen prexuízo doutras formas legais de representación que puidesen recabar os mesmos.

A atribución de representación ás seccións sindicais implica, entre outras facultades, a de realizar calquera clase de intervención, pedimento, reivindicación ou reclamación de índole sociolaboral, por escrito ou mediante comparecencia, en nome e representación de calquera afiliado, sen menoscabo do exercicio individualizado das mesmas que puidese realizar este.

c) Recibir, do xeito previsto na normativa vixente, a máis completa información en todos os asuntos do persoal Concello por medio dos seus delegados.

d) Recoller as diversas reivindicacións sociolaborais do persoal ao servicio do Concello e propoñelas ás autoridades ou órganos correspondentes dos representantes do persoal.

e) Informarse por iniciativa propia de todas as cuestións que afecten ao persoal do Concello. Para estes efectos, os delegados ou representantes sindicais poderán ter acceso a toda a documentación relativa ás ditas cuestións, previa autorización da Alcaldía, dentro dos límites legais, así como da reserva e o non abuso. O concello garantirá a consulta ou reprodución gratuíta daqueles que se consideren precisos para o exercicio da actividade sindical, sen prexuízo das garantías que se consideren oportunas para evitar o extravío dos documentos, así como das responsabilidades legais en que os solicitantes puidesen incorrer por incumprimento do deber de reserva profesional e sindical.

f) Exhibir e difundir libremente, en horas e lugares de traballo, calquera tipo de información, prensa, propaganda e publicacións de carácter sindical ou de interese laboral ou profesional.

Para estes efectos, o Concello disporá a colocación, ás súas expensas, de taboleiros de anuncios sindicais para a exposición e divulgación de calquera documentación do tipo anteriormente sinalado en todos os centros de traballo pertencentes ao Concello, en lugares adecuados e visibles. O número, tamaño e distribución dos taboleiros, será o adecuado ás dimensións e estrutura do centro, de xeito que se garanta a máis ampla publicidade e accesibilidade ao que se expoña.

g) Convocar e celebrar reunións e asembleas, tanto de afiliados como de todo ou parte do persoal nos termos previsto no Real Decreto Lexislativo 1/1995, de 24 de marzo, polo que se aproba o texto refundido da Lei do Estatuto dos Traballadores e a Lei 7/2007 de 12 de abril do Estatuto Básico do Empregado Público.

h) Empregar asesores en calquera actividade que realicen no exercicio das súas competencias.

i) Para recadar as cotas sindicais, a sección sindical poderá acordar co Concello o seu desconto en nómina, logo da autorización dos seus afiliados

j) Presentar e negociar perante os órganos resolutorios correspondentes cantos asuntos procedan en materia de condicións de traballo, seguridade e saúde laboral, réxime de asistencia, seguridade e previsión social, no que sexa competencia do Concello e de conformidade coa regulamentación relativa aos dereitos de negociación e participación que se recollen na lei e no presente acordo.

k) Expresar libremente opinións respecto das materias relativas á súa esfera de actividade.

l) Proporcionar asistencia e defensa, e obter audiencia no suposto de seguirse procedemento disciplinario contra calquera dos seus afiliados, sen prexuízo do dereito individual de audiencia, regulada no dito procedemento.

Artigo 23. Delegados sindicais.

1. As seccións sindicais que obtivesen un 10% dos representantes nas eleccións sindicais do persoal terán dereito a elixir un delegado de sección sindical.

2. Os delegados sindicais terán as seguintes funcións e dereitos:

a) Exercitar as competencias atribuídas á sección sindical que representan

b) Autentificar coa súa firma o que a súa sección sindical expoña nos taboleiros de anuncios

c) Convocar as reunións da sección sindical

d) Dispoñer, sen menoscabo das súas retribucións, do mesmo número de horas sindicais que os membros dos órganos de representacións dos traballadores dentro da xornada de traballo, sen prexuízo das que lle poidan corresponder por ser tamén membro dos mesmos.

e) Exercer en nome e representación da súa sección sindical cantas accións xudiciais ou administrativas requira o cumprimento da súa función.

f) Serlle admitida a súa abstención ou escusa no suposto de ser designado como instructor ou secretario nun expediente disciplinario.

Artigo 24. Sixilo profesional.

Tanto os delegados de persoal, como as seccións sindicais no seu conxunto observarán sixilo profesional no exercicio das súas funcións en todas aquelas materias sobre as que o Concello sinale expresamente o carácter reservado. En todo caso, ningún tipo de documento entregado polo Concello ás seccións sindicais e aos seus delegados poderá ser utilizado fóra do estricto ámbito municipal e para fins distintos dos que motivaron a súa entrega.

SECCIÓN 3.ª. - DO DEREITO Á REPRESENTACIÓN COLECTIVA

Artigo 25. Os representantes do persoal.

O comité de empresa e o órgano de representación específico do conxunto do persoal laboral do Concello de Padrón e os delegados do persoal funcionario son os representantes específicos deste persoal diante do Concello de Padrón, sen prexuízo da representación que corresponda aos delegados das seccións sindicais en relación cos seus afiliados.

Artigo 26. Garantías e facultades.

Os representantes do persoal terán as seguintes garantías e facultades:

a) Audiencia do órgano ao que pertencen no suposto de seguirse procedemento disciplinario a un traballador, sempre que exista pedimento expreso neste senso por parte do inculpado

b) Expresar individual ou colexiadamente con liberdade as súas opinións nas materias relativas á esfera da súa representación, podendo confeccionar, publicar e distribuír información de interese profesional, laboral ou social.

Para estes efectos, o Concello facilitará aos órganos de representación idénticos medios que os sinalados para as seccións sindicais

c) Non ser trasladados, sancionados nin discriminados no seu traballo, promoción económica ou profesional, durante o exercicio das súas funcións nin dentro dos dous anos seguintes á expiración do seu mandato por razón do desempeño da súa representación

d) Dispor dun crédito de 25 horas mensuais retribuídas para o exercicio das súas funcións. Para estes efectos non se computarán as horas empregadas en xuntanzas con representantes da corporación nin as asistencias a Tribunais ou Comisións de selección.

e) Poderanse acumular nun ou varios membros dos representantes do persoal ou delegados da sección sindical as horas sindicais correspondentes a outros delegados da mesma sección sindical ou membros dos órganos de representación, sen exceder do máximo total, podendo quedar relevado ou relevados do traballo, sen prexuízo da súa remuneración.

f) Utilizar un local facilitado polo Concello na medida das súas posibilidades para actividades sindicais cunhas características e equipamento que satisfagan as diversas necesidades que, en canto a capacidade, dotación, material e situación física puidesen presentarse. Este local será compartido coas seccións sindicais

g) O Concello de Padrón dotará aos representantes do persoal dun orzamento anual para actividades sindicais. Para estes efectos o Concello aboará no primeiro trimestre de cada ano a cantidade de 500 € que se incrementarán na porcentaxe que anualmente se incrementen as retribucións do persoal

Como consecuencia do anterior, os representantes sindicais do persoal estarán obrigados a levar unha contabilidade pública e exacta na que se recollan todos os ingresos e gastos debidamente xustificados. A estes efectos nomearan de entre os seus membros un tesoureiro que será o responsable de levar as ditas contas.

h) Seralles admitida a súa abstención ou escusa no suposto de ser designados como instructores ou secretarios nun expediente disciplinario.

Artigo 27. Competencias.

Sen prexuízo do previsto na normativa vixente, os representantes do persoal terán as seguintes competencias:

a) Recibir, do xeito previsto na normativa vixente, a máis completa información en todos os asuntos de persoal do Concello.

b) Consonte o establecido na Lei 2/91 do 7 de xaneiro sobre dereitos de información dos representantes dos traballadores en materia de contratación, o Concello entregará ao comité de empresa unha copia básica de todos os contratos de relación laboral que realice no seu ámbito institucional. Igualmente daralles translado dos acordos de cesamento de calquera traballador.

c) Propoñer e negociar perante os correspondentes órganos resolutorios do Concello cantos asuntos procedan en materia de condicións de traballo, seguridade e saúde laboral, réxime de asistencia, seguridade e previsión social, no que sexa competencia do Concello.

d) Ser oídos na fase preparatoria do proceso de formación da vontade administrativa orientada á adopción de acordos en materia de persoal, consonte co previsto no presente capítulo e na normativa de xeral aplicación., sen prexuízo da preceptiva negociación sobre os asuntos indicados no presente acordo e na lexislación vixente.

Artigo 28 Capacidade e sixilo profesional.

1. Recoñéceselle aos representantes do persoal capacidade para exercer accións administrativas ou xudiciais en todo o relativo ao ámbito das súas competencias.

2. En canto ao deber de manter sixilo no exercicio das súas funcións, aos representantes do persoal seranlles de aplicación as regras previstas neste acordo para as seccións sindicais e os seus delegados.

SECCIÓN 4.ª. - DO DEREITO DE REUNIÓN

Artigo 29. Dereito de reunión.

Os traballadores/as do Concello de Padrón poderán exercitar o dereito de reunión cos requisitos e condicións sinaladas nesta sección e na demais normativa de aplicación.

Artigo 30. Lexitimación para o exercicio.

Están lexitimados para convocar reunións:

"¢"‚O comité de empresa

"¢"‚Os delegados sindicais de persoal funcionario

"¢"‚As organizacións sindicais, directamente ou a través dos delegados sindicais.

"¢"‚Un número de traballadores non inferior ao 40% do colectivo convocado.

Artigo 31. Do lugar e momento da reunión.

1. Poderán autorizarse reunións no centro de traballo dentro da xornada laboral ata un máximo de 36 horas anuais. Destas, dezaoito horas corresponderán ás Seccións sindicais e o resto aos órganos de represenatción do persoal.

2. Sen prexuízo do anterior, en período electoral as candidaturas que se presenten poderán convocar e celebrar asembleas de persoal dentro da xornada laboral, por un tempo máximo para todas elas de 4 horas en cada centro de traballo.

3. Non existirá ningún tipo de limitación para celebrar reunións fóra da xornada de traballo, sempre que se garanta a seguridade das instalacións ou dependencias.

4. En calquera caso, a celebración da reunión non prexudicará a prestación dos servizos.

5. O Concello facilitará os locais adecuados para que as reunións poidan celebrarse. As súas características e equipamento satisfará ás diversas necesidades que en canto a capacidade, material e situación puidesen presentarse.

Artigo 32. Convocatoria da reunión.

Os requisitos para celebrar unha reunión son os seguintes:

a) Comunicar por escrito ó Concello a súa celebración con antelación de dous días hábiles se a reunión ten lugar fóra da xornada de traballo, e de cinco días se é dentro da xornada laboral

b) Indicar no escrito:

a. Día, hora e lugar de celebración

b. Colectivo ao que se convoca

c. Orde do día

d. Identificación dos asinantes, que deberán estar lexitimados para convocar a reunión consonte o disposto neste capítulo

c) As reunións entenderanse autorizadas e poderán celebrarse sen outro requisito se a autoridade competente non formula obxeccións á mesma mediante resolución motivada cando menos vintecatro horas antes da celebración.

SECCIÓN 5.ª. - DOS DEREITOS DE NEGOCIACIÓN E PARTICIPACIÓN COLECTIVA

Artigo 33. Do dereito á negociación colectiva.

A negociación colectiva e a participación na determinación das condicións de traballo do persoal do Concello de Padrón efectuarase mediante a capacidade representativa recoñecida ao comité de empresa polo Real Decreto Lexislativo 1/1995, de 24 de marzo, polo que se aproba o texto refundido da Lei do Estatuto dos Traballadores, no que atinxe ao persoal laboral, e a Lei 7/2007 de 12 de abril do Estatuto Básico do Empregado Público, no que atinxe ao persoal funcionario

Artigo 34. Mesa xeral de negociación do Concello de Padrón.

Para os efectos do disposto no artigo anterior constituirase unha mesa xeral de negociación no ámbito do Concello de Padrón na que estarán presentes dunha parte os representantes do Concello e doutra, as Organizacións Sindicais máis representativas a nivel estatal, as Organizacións Sindicais máis representativas de Comunidade Autónoma, así como os Sindicatos que obteñan o 10 por 100 ou máis dos representantes nas eleccións para delegados de persoal no Concello de Padrón, en representación do persoal funcionario, e os representantes do comité de empresa por parte do persoal laboral.

A composición da mesa xeral de negociación será paritaria, e estará suxeita aos principios de legalidade, cobertura orzamentaria, obrigatoriedade, boa fe negocial, publicidade e transparencia, efectuarase.

Por acordo entre as partes designarase a un empregado municipal do Concello para asumir as funcións de secretario da mesa de negociación, que será o encargado de redactar a correspondente acta de cada reunión, da que dará fe. Esta acta será ademais asinada por todos os membros da mesa. O secretario encargarase tamén das tarefas administrativas propias da preparación, convocatoria e publicidade da mesa de negociación.

As reunións da mesa xeral de negociación do Concello terán lugar cunha periodicidade anual. Igualmente terán lugar reunións cando o soliciten de común acordo as partes ou por decisión dos representantes do Concello, ou de todas as organizacións sindicais presentes.

A orde do día das reunións será determinada conxuntamente, podendo incluír calquera das partes cantos asuntos consideren oportunos. As partes recibirán notificación formal da celebración das reunións cunha antelación mínima de 48 horas, poñendo simultaneamente á súa disposición toda a documentación relativa aos asuntos incluídos na orde do día para os efectos do seu coñecemento e estudo previo.

Calquera das partes poderá deixar sobre a mesa os asuntos que, ao seu entender, requiran dun máis detido exame ou emisión de informe, ou cando considere que faltan datos ou antecedentes de importancia para fundamentar a adopción de acordos ou resolucións. Do mesmo xeito, calquera dos representantes sindicais poderá facer constar, tanto na acta da reunión como na parte expositiva da posterior resolución, o dictame ou informe que emitan ao respecto os órganos da corporación, as discrepancias de calquera índole e os argumentos en que se fundamenten.

Artigo 35. Materias obxecto da negociación.

1. Serán obxecto de negociación no ámbito da mesa xeral de negociación do Concello de Padrón:

a) O incremento das retribucións do persoal do Concello que proceda incluír nos orzamentos ordinarios.

b) A determinación e aplicación das retribucións.

c) A preparación e deseño dos programas de oferta de emprego público

d) A clasificación de postos de traballo

e) A determinación dos programas e fondos para a acción de promoción interna, formación e perfeccionamento

f) A determinación das prestacións e pensións das clases pasivas e, en xeral, todas aquelas materias que afecten, dalgún xeito, á mellora das condicións de vida dos traballadores/as xubilados.

g) Os sistemas de ingreso, provisión e promoción dos empregados municipais

h) As propostas sobre dereitos sindicais e de participación.

i) Medidas sobre saúde laboral

j) As materias de índole económica, de prestación de servicios, sindical, asistencial e, en xeral, cantas outras afecten ás condicións de traballo e ao ámbito de relacións laborais do persoal e representantes sindicais co Concello

2. Quedan excluídas da obrigatoriedade da negociación, as materias seguintes:

a) As decisións do Concello que afecten ás súas potestades de organización.

Cando as consecuencias das decisións do Concello que afecten ás súas potestades de organización teñan repercusión sobre condicións de traballo dos empregados públicos contempladas no apartado anterior, procederá a negociación de devanditas condicións nos termos establecidos neste Acordo.

b) A regulación do exercicio dos dereitos dos cidadáns e dos usuarios dos servizos públicos, así como o procedemento de formación dos actos e disposicións administrativas.

c) A determinación de condicións de traballo do persoal directivo.

d) Os poderes de dirección e control propios da relación xerárquica.

Artigo 36. - Principio de boa fé na negociación.

En todo caso as negociacións realizaranse sempre baixo o principio de boa fe.

SECCIÓN 6.ª. - DO DEREITO DE FOLGA

Artigo 37. O dereito de folga.

O persoal municipal poderá exercer o dereito de folga nos termos recollidos na lexislación vixente, sen prexuízo do establecido especificamente para a Policía local na Lei Orgánica de Forzos e Corpos de Seguridade.

CAPITULO V. - DEREITOS, DEBERES E CÓDIGO DE CONDUTA DOS EMPREGADOS MUNICIPAIS

Artigo 38. Dereitos dos empregados municipias.

1. - Dereitos individuais.

Os empregados públicos teñen os seguintes dereitos de carácter individual en correspondencia coa natureza xurídica da súa relación de servizo:

a) Ao posto de traballo e cargo que lle corresponde segundo a praza do cadro de persoal na que se lle adscribe.

b) Ao desempeño efectivo das funcións ou tarefas propias da súa condición profesional e de acordo coa progresión alcanzada na súa carreira profesional.

c) Á progresión na carreira profesional e promoción interna segundo principios constitucionais de igualdade, mérito e capacidade mediante a implantación de sistemas obxectivos e transparentes de avaliación.

d) A percibir as retribucións e as indemnizacións por razón do servizo.

e) A participar na consecución dos obxectivos atribuídos á unidade onde preste os seus servizos e a ser informado polos seus superiores das tarefas a desenvolver.

f) Á defensa xurídica e protección da Administración Pública nos procedementos que se sigan ante calquera orde xurisdicional como consecuencia do exercicio lexítimo das súas funcións ou cargos públicos.

g) Á formación continua e á actualización permanente dos seus coñecementos e capacidades profesionais, preferentemente en horario laboral.

h) Ao respecto da súa intimidade, orientación sexual, propia imaxe e dignidade no traballo, especialmente fronte ao acoso sexual e por razón de sexo, moral e laboral.

i) Á non discriminación por razón de nacemento, orixe racial ou étnico, xénero, sexo ou orientación sexual, relixión ou conviccións, opinión, discapacidade, idade ou calquera outra condición ou circunstancia persoal ou social.

j) Á adopción de medidas que favorezan a conciliación da vida persoal, familiar e laboral.

k) Á liberdade de expresión dentro dos límites do ordenamento xurídico.

l) A recibir protección eficaz en materia de seguridade e saúde no traballo.

m) Ás vacacións, descansos, permisos e licenzas

n) Á xubilación segundo os termos e condicións establecidas nas normas aplicables.

o) Ás prestacións da Seguridade Social correspondentes ao réxime que lles sexa de aplicación.

p) A libre asociación profesional.

q) Aos demais dereitos recoñecidos polo ordenamento xurídico.

2. Dereitos individuais exercidos colectivamente.

Os empregados municipais teñen os seguintes dereitos individuais que se exercen de forma colectiva:

a) Á liberdade sindical.

b) Á negociación colectiva e á participación na determinación das condicións de traballo.

c) Ao exercicio da folga, coa garantía do mantemento dos servizos esenciais da comunidade.

d) Á formulación de conflitos colectivos de traballo, de acordo coa lexislación aplicable en cada caso.

e) Ao de reunión, nos termos establecidos no presente convenio.

Artigo 39. Deberes dos empregados municipais e principios éticos e de conducta.

Deberes e principios éticos.

1. Os empregados municipais deberán desempeñar con dilixencia as tarefas que teñan asignadas e velar polos intereses xerais con suxeición e observancia da Constitución e do resto do ordenamento xurídico, e deberán actuar con arranxo aos seguintes principios: obxectividade, integridade, neutralidade, responsabilidade, imparcialidade, confidencialidade, dedicación ao servizo público, transparencia, exemplaridade, austeridade, accesibilidade, eficacia, honradez, promoción da contorna cultural e ambiental, e respecto á igualdade entre mulleres e homes, que inspiran o Código de Conduta dos empregados públicos configurado polos principios éticos e de conduta regulados nos artigos seguintes.

2. A súa actuación perseguirá a satisfacción dos intereses xerais dos cidadáns e fundamentarase en consideracións obxectivas orientadas cara á imparcialidade e o interese común, á marxe de calquera outro factor que exprese posicións persoais, familiares, corporativas, clientelares ou calquera outras que poidan chocar con este principio.

3. Axustarán a súa actuación aos principios de lealdade e boa fe coa Administración na que presten os seus servizos, e cos seus superiores, compañeiros, subordinados e cos cidadáns.

4. A súa conduta basearase no respecto dos dereitos fundamentais e liberdades públicas, evitando toda actuación que poida producir discriminación algunha por razón de nacemento, orixe racial ou étnico, xénero, sexo, orientación sexual, relixión ou conviccións, opinión, discapacidade, idade ou calquera outra condición ou circunstancia persoal ou social.

5. Absteranse naqueles asuntos nos que teñan un interese persoal, así como de toda actividade privada ou interese que poida supor un risco de expor conflitos de intereses co seu posto público.

6. Non contraerán obrigacións económicas nin intervirán en operacións financeiras, obrigacións patrimoniais ou negocios xurídicos con persoas ou entidades cando poida supor un conflito de intereses coas obrigacións do seu posto público.

7. Non aceptarán ningún trato de favor ou situación que implique privilexio ou vantaxe inxustificada, por parte de persoas físicas ou entidades privadas.

8. Actuarán de acordo cos principios de eficacia, economía e eficiencia, e vixiarán a consecución do interese xeral e o cumprimento dos obxectivos da organización.

9. Non influirán na axilización ou resolución de trámite ou procedemento administrativo sen xusta causa e, en ningún caso, cando iso comporte un privilexio en beneficio dos titulares dos cargos públicos ou a súa contorna familiar e social inmediato ou cando supoña un menoscabo dos intereses de terceiros.

10. Cumprirán con dilixencia as tarefas que lles correspondan ou se lles encomenden e, no seu caso, resolverán dentro de prazo os procedementos ou expedientes da súa competencia.

11. Exercerán as súas atribucións segundo o principio de dedicación ao servizo público absténdose non só de condutas contrarias ao mesmo, senón tamén de calquera outras que comprometan a neutralidade no exercicio dos servizos públicos.

12. Gardarán secreto das materias clasificadas ou outras cuxa difusión estea prohibida legalmente, e manterán a debida discreción sobre aqueles asuntos que coñezan por razón do seu cargo, sen que poidan facer uso da información obtida para beneficio propio ou de terceiros, ou en prexuízo do interese público.

Principios de conduta.

1. Tratarán con atención e respecto aos cidadáns, aos seus superiores e aos restantes empregados públicos.

2. O desempeño das tarefas correspondentes ao seu posto de traballo realizarase de forma dilixente e cumprindo a xornada e o horario establecidos.

3. Obedecerán as instrucións e ordes profesionais dos superiores, salvo que constitúan unha infracción manifesta do ordenamento xurídico, nese caso porannas inmediatamente en coñecemento dos órganos de inspección procedentes.

4. Informarán aos cidadáns sobre aquelas materias ou asuntos que teñan dereito a coñecer, e facilitarán o exercicio dos seus dereitos e o cumprimento das súas obrigacións.

5. Administrarán os recursos e bens públicos con austeridade, e non utilizarán os mesmos en proveito propio ou de persoas achegadas. Terán, así mesmo, o deber de velar pola súa conservación.

6. Rexeitarase calquera agasallo, favor ou servizo en condicións vantaxosas que vaia máis aló dos usos habituais, sociais e de cortesía, sen prexuízo do establecido no Código Penal.

7. Garantirán a constancia e permanencia dos documentos para a súa transmisión e entrega aos seus posteriores responsables.

8. Manterán actualizada a súa formación e cualificación.

9. Observarán as normas sobre seguridade e saúde laboral.

10. Porán en coñecemento dos seus superiores ou dos órganos competentes as propostas que consideren adecuadas para mellorar o desenvolvemento das funcións da unidade na que estean destinados. A estes efectos poderase prever a creación da instancia adecuada competente para centralizar a recepción das propostas dos empregados públicos ou administrados que sirvan para mellorar a eficacia no servizo.

11. Garantirán a atención ao cidadán na lingua galega ou en castelán segundo o soliciten.

CAPÍTULO VI. - CALIDADE DOS SERVIZOS E ABSENTISMO LABORAL

Artigo 40. Calidade dos servizos e absentismo laboral.

O Concello de Padrón e os representantes do persoal potenciarán os instrumentos de control e reducción do absentismo laboral a través da proposta, entre outras, de medidas de mellora dos sistemas e procedementos, de medidas de mellora da calidade na prestación do servizo público ós cidadáns, da medición do absentismo laboral e seguimento deste, realizando os estudios necesarios sobre as súas causas e adoptando, se é o caso, as medidas que sexan procedentes para a súa reducción, podendo procederse, sempre previa audiencia ao interesado, ao desconto automático, das retribucións correspondentes ao tempo de traballo nos casos de falta inxustificada de asistencia e/ou puntualidade. Todo isto efectuarase sen prexuízo das medidas disciplinarias que, se é o caso, puidesen corresponder.

Será xustificable ante a xefatura de persoal toda ausencia producida na xornada laboral, deducindo dos haberes correspondentes toda ausencia ou falta de puntualidade que acumuladamente supoña mais de dúas horas ó mes. As ausencias debidas a enfermidade xustificaranse co correspondente parte de consulta, baixa médica ou hospitalización. Nembargante as ausencias por indisposición de un día de duración e ata un máximo de tres días ao ano non dará lugar a dedución ningunha, sen necesidade de xustificación. Esta circunstancia deberá ser comunicada con carácter inmediato na data que se produza ao responsable do centro ou servizo.

O persoal virá obrigado a comunicar aquelas ausencias que se produzan ao inicio da xornada laboral mediante o correspondente aviso ao superior inmediato, seguíndose igual procedemento no caso de ser causa sobrevida durante a xornada laboral.

Das medidas que se adopten para reducir o absentismo informarase puntualmente á mesa.

CAPÍTULO VII. - CALENDARIOS LABORAIS, XORNADAS E HORARIOS

Artigo 41. Calendario laboral ordinario.

O calendario laboral ordinario para o persoal do Concello de Padrón será o que se estableza polos organismos competentes da Administración central, autonómica e local, dentro das súas respectivas competencias, e afecten ao conxunto da Administración local de Galicia e ao Concello de Padrón en particular.

Os calendarios laborais anuais elaboraranse, preferentemente, antes do 15 de decembro de cada ano, e deberán ser expostos nos taboleiros de anuncios ao principio do ano. Poderán ser modificados cando circunstancias imprevistas ou sobrevidas o esixan. As modificacións deberán motivarse e se notificarán con antelación oportuna os interesados e a representación sindical.

Artigo 42. Días non laborábeis.

1. Os días 24, e 31 de decembro e 22 de maio (Santa Rita) e Martes de Pascua non serán laborábeis para o persoal do Concello de Padrón e permanecerán pechadas as oficinas públicas, agás o Rexistro xeral, que será atendido por persoal auxiliar e administrativo de forma correlativa compensando o día do servizo de acordo co establecido no presente Acordo para os servizos extraordinarios realizados fora da xornada normal.

2. No caso de que os días 24 e 31 de decembro ou calquera outro festivo refrectido no calendario laboral coincidan en sábado, domingo ou día non laborable e non sexan transladados polo órgano competente, como regra xeral serán compensados con días de asuntos particulares, a non ser que se estableza no calendario laboral anual outro mecanismo de compensación negociado coa representación sindical.

Artigo 43. Xornada laboral.

1. A xornada de traballo do persoal ao servizo do Concello de Padrón será de 35 horas semanais.

2. A xornada diaria realizarase con carácter ordinario de luns a venres, en quenda de mañá de 8,00 a 15,00 horas, sen prexuízo dos horarios específicos que se establezan para cada servicio no anexo I do presente acordo.

3. O tempo de asistencia aos cursos de formación programados ou autorizados polo correspondente órgano municipal para a capacitación profesional ou para a adaptación a un novo posto de traballo e de asistencia obrigada considerarase tempo de traballo a tódolos efectos.

Artigo 44. Horarios especiais con reducción de xornada.

1. - Durante o período comprendido entre o 15 de xuño e 15 de setembro (ámbolos dous inclusive) quedará establecido o horario de verán que será de 8,00 a 14, 00 horas.

2. - O persoal municipal que preste os seus servizos en réxime de xornada a tempo parcial, reducirá a súa xornada de verán na mesma proporción que o tempo de traballo realizado en relación coa xornada ordinaria.

3. - Nos días laborabeis da semán de Pascuilla (dende o martes de Pascua ao venres de Pascuilla) o horario laborable ordinario será de 9 a 14 horas.

4. - Aqueles servizos ou postos de traballo que, polas súas especiais circunstancias, non podan realizar estas reduccións de xornada non deberán realizar unha xornada anual de traballo superior á ordinaria, polo que deberán ter unha compensación polas horas realizadas, que poderá acumularse ata completar os días libres o ano que correspondan.

Artigo 45. Tempo de traballo efectivo.

Todo o persoal en réxime de xornada continuada disporá dunha pausa mínima de 30 minutos no medio da xornada, computándose como de traballo efectivo.

O persoal en réxime de xornada partida, disporá de dúas pausas de 15 minutos, distribuídas nas dúas partes da xornada laboral, e no medio de cada unha delas respectivamente, computándose como tempo de traballo efectivo.

O tempo de traballo computarase de modo que, tanto ao comezo como ao remate da xornada diaria, o traballador se atope no seu posto de traballo, considerándose como traballo efectivo aquel que sexa imprescindible para recoller, ordenar e gardar roupa, materiais e útiles de traballo. A mesma consideración terá o tempo utilizado para cumprir coas normas de seguridade e hixiene.

Para o persoal que desenvolva a súa actividade en lugares de traballo non fixos ou itinerantes, o cómputo da xornada normal de traballo comezará a partir da súa presencia no lugar de recollida ou reunión establecido ou no centro de control, tanto na entrada como na saída do traballo.

Artigo 46. Calendario de servizos especiais.

Entenderase por horarios en servicios especiais todos os que non se rixan polo calendario laboral ordinario.

Naqueles servicios municipais que pola natureza da súa actividade deban organizarse por quendas de traballo, estas efectuaranse mediante a rotación entre todos os traballadores. Procurarase que nos servizos nos que a actividade se desenvolva en domingos, festivos, horas nocturnas, ou en condicións de perigosidade, penosidade ou toxicidade as xornadas traballadas nas devanditas circunstancias sexan repartidas equitativamente entre todo o persoal adscrito ao servizo, sen prexuízo das situacións que por saúde laboral impidan o traballo a quendas e nocturno, especialmente a maternidade.

Os calendarios de servizos especiais poderán dispor un sistema de quendas, atendendo á dispoñibilidade de persoal e os servizos a realizar, respectando, en todo caso, o descanso entre xornadas, que non poderá ser inferior a 12 horas, con alomenos, dous fins de semana de descanso ao mes. A xornada non excederá en cómputo anual do que se sinale para o resto do persoal.

A elaboración e tramitación destes calendarios rexirase polos mesmos criterios establecidos para os calendarios ordinarios.

Entenderase por distorsión horaria o prexuízo do traballador que teña que prestar servizo alternativamente en quendas variábeis de mañá, tarde ou noite.

Artigo 47. Servicios extraordinarios fóra da xornada laboral.

1. Terá a consideración de hora extraordinaria cada hora de traballo que se realice sobre a duración máxima da xornada ordinaria de traballo estipulada con caracter xeral neste Convenio.

2. Os servicios extraordinarios realizados fóra da xornada laboral terán unha consideración excepcional e terán que ser motivadas en extraordinarias ou urxentes necesidades do servizo.

3. Especificamente, terán a consideración de servizos extraordinarios as horas necesarias para asistir a xuízos ou comparecencias fóra da xornada de traballo derivada da prestación do servizo, Para estes efectos, computaranse un mínimo de tres horas e media extraordinarias se o xuízo ou comparecencia ten lugar no mesmo partido xudicial, e de sete horas se trata dun partido distinto, sen prexuízo da xustificación oportuna.

Igualmente, considéranse horas extraordinarias as consumidas polo persoal que realice traballo por quendas na espera do relevo correspondente, sen prexuízo da esixencia da responsabilidade correspondente polo incumprimento do horario.

4. Os responsables dos servizos ou unidades administrativas responderán persoalmente da certeza e efectividade da realización de servizos extraordinarios, así como da veracidade das circunstancias que xustifiquen a súa realización.

5. Para o debido control do número de horas extraordinarias feitas, levarase un rexistro por servizos co número de horas realizado trimestralmente que, en todo caso, será entregado tamén trimestralmente aos representantes dos traballadores.

6. O número de horas extraordinarias realizadas por cada traballador non poderá exceder de 80 ao ano.

7. As horas extraordinarias compensaranse preferentemente con descansos, a razón de 1,5 horas por cada hora traballada. No caso de que sexan realizadas en domingos, festivos ou de noite compensaranse con 2 horas e 3 se concorren as dúas circunstancias. As horas de compensación acumularanse preferentemente ata chegar a completar xornadas laborais completas.

8. Se excepcionalmente non se puidesen compensar as horas extraordinarias poderán ser remuneradas economicamente de xeito motivado, de acordo coas contías fixadas no capítulo de retribucións.

9. A mesa controlará os procedementos de xustificación, autorización e compensación definidos no presente acordo.

10. Serán negociados expresamente as condicións de traballo de servicios extraordinarios que xurdan polas Festas de Pascua.

Artigo 48. Réxime de especial adicación.

1. - O réxime de especial adicación implicará:

a) A disponibilidade por razóns de servizo para o desenvolvemento dunha xornada anual de traballo cun incremento do 10% sobre a xornada ordinaria de traballo.

b) A incompatibilidade para o exercicio de calquera outra actividade lucrativa, pública ou privada, consonte o establecido pola Lei 53/84 de Incompatibilidades do Persoal ao Servizo das Administracións Públicas.

2. - Estarán sometidos ao réxime de especial adicación:

a) Os postos singularizados de nivel 22 ou superior, que se obteñan por concurso ou libre designación.

b) Os postos singularizados correspondentes a categorias profesionais que teñan recoñecido un nivel de complemento de destino superior ao mínimo do grupo de clasificación no que se encadre a categoría, igual ou superior ao nivel 22.

c) Os postos de traballo de niveis inferiores aos indicados, que se determinen na relación de postos de traballo

3. - Os Os/as traballadores/as municipais pertencentes a estas categorías que desexen renunciar ao réxime de especial adicación poderán solicitalo. En caso de concederse tal renuncia percibirán as retribucións complementarias minoradas en dous niveis, sen prexuízo dos dereitos adquiridos por consolidación do grao persoal.

Artigo 49. Traballo en período nocturno e festivo e por quendas.

1. - Traballo en período nocturno.

Entenderase por traballo en período nocturno, o efectuado entre as 10 da noite (22 p.m.) e as 8 da mañá (8 a.m.).

2. - Traballo en período festivo.

Entenderase por traballo en período festivo o realizado no tempo que medie entre as 22 horas do venres e as 22 horas de cada domingo, ou entre as 22 horas do véspera e as 22,00 de cada festivo do calendario.

3. - Traballo por quendas.

Entenderase por traballo por quendas o que se organice en réxime de xornada contínua mediante relevos continuados entre grupos de traballadores. Naqueles servizos municipais que pola natureza da súa actividade deban organizarse por quendas de traballo, estas efectuaranse mediante a rotación entre as quendas de todos/as os traballadores/as.

4. - Traballo en xornada partida.

Entenderase por traballo en xornada partida o que se realiza completando de xeito ordinario a xornada diaria de sete horas en doble quenda de mañá e tarde no mesmo día.

Para o persoal que deba exercer as súas funcións en xornada ordinaria en horario nocturno ou festivo, e aqueles que realicen quendas alternativas de mañá, tarde ou noite, ou desempeña as súas tarefas en réxime de xornada partida, nas súas retribucións teranse en consideración estas circunstancias.

A compensación poderá consistir nunha reducción da xornada ordinaria, na valoración específica destas circunstancias na determinación do complemento específico do posto de traballo na R.P.T., ou na retribución específica dos distintos conceptos en nómina mensual segundo parte de traballo extendido ao efecto, coas contías que para cada caso se establecen no presente Acordo.

Artigo 50. Descanso entre xornadas.

Calquera que sexa o réxime de organización do traballo de cada servizo municipal, entre o final dunha xornada e o comezo da seguinte mediarán como mínimo 12 horas.

CAPÍTULO VIII. - VACACIÓNS, PERMISOS, LICENCIAS E SITUACIÓNS ADMINISTRATIVAS

Artigo 51. Vacacións anuais.

1. O calendario de vacacións elaborarase anualmente e nel teranse en conta as necesidades dos servicios, oídos os órganos de representación do persoal.

2. As vacacións terán a duración dun mes natural ou de 22 días hábiles anuais por ano completo de servizo ou en forma proporcional ao tempo de servizos efectivos, debéndose disfrutar de forma obrigatoria dentro do ano natural e ata o quince de xaneiro do ano seguinte. Disfrutaranse en períodos mínimos de 5 días hábiles consecutivos, de acordo coa planificación que se efectúe por parte da dirección de cada departamento ou servizo. Para estes efectos, os sábados non serán considerados días hábiles.

3. No suposto de completar os anos de antigüidade na administración reflectidos no cadro posterior terase dereito ao desfrute dos seguintes días de vacacións anuais

15 anos de servizo: 23 días hábiles.

20 anos de servizo: 24 días hábiles.

25 anos de servizo: 25 días hábiles.

30 ou máis anos de servizo: 26 días hábiles.

O dereito farase efectivo a partir do ano natural seguinte ao cumprimento da antigüidade referida.

4. As vacacións desfrutaranse preferentemente e con carácter xeral entre o 1 de xuño e o 30 de setembro, respectando sempre as necesidades do servizo.

5. No caso do persoal que traballa a quendas, non poderá comeza-lo período vacacional en descanso semanal establecido

6. No suposto de baixa por maternidade, enfermidade ou accidente, interromperase o cómputo do período vacacional e reanudarase unha vez recuperada a alta polo traballador, de acordo coas necesidades do servizo.

7. O plan de vacacións anuais será elaborado antes do 1 de abril de cada ano, de xeito que cada un poida coñece-las datas que lle correspondan, polo menos con dous meses de antelación á data de comezo daquelas. O calendario será consultado cos representantes dos traballadores

8. Nos servizos onde se poidan producir colisión de intereses, organizaranse as quendas de forma obrigatoria, de xeito rotativo, comezando polo traballador con maior antigüidade no servizo e, no seu defecto, no Concello.

9. As vacacións non poderán ser compensadas en metálico nin en todo nin en parte, agás cando no transcurso do ano se produza a extinción da relación de emprego do traballador ou sexa declarado este en situación de excedencia ou de suspensión de funcións e aínda non teña desfrutado ou completado na súa totalidade o desfrute do período vacacional.

10. No suposto de producirse colisión de intereses entre un traballador afectado por unha enfermidade ou por un accidente e aqueles outros do seu mesmo servizo, que xa as teñen programadas, terán estes últimos preferencia sobre aquel, que en todo caso haberá de supeditarse ás necesidades do servizo.

11. O calendario anual de vacacións poderá ser modificado con carácter individualizado, trala solicitude dos interesados, sempre que non exista oposición, fundamentada en razóns obxectivas do servizo, e non se afecte a intereses de terceiros no ámbito das quendas establecidos.

12. Recoñécese o dereito á elección do período de vacacións a favor das mulleres xestantes e a preferencia de elección de mulleres e homes con fillas ou fillos menores de 12 anos ou maiores dependentes ao seu coidado.

Artigo 52. Permisos e licencias retribuídos.

Sen prexuízo do disposto na lexislación sobre función pública aplicable ao persoal ao servizo da Comunidade Autónoma Galega en cada momento, establécese o seguinte réxime de permisos e licencias retribuídos.

1. - Concederanse permisos polas seguintes causas xustificadas:

a) Polo falecemento, accidente ou enfermidade grave, nacecemento, hospitalización é a intervención cirúrxica sen hospitalización que precise reposo domiciliario, dun familiar dentro do primeiro grao de consanguinidade ou afinidade, tres días hábiles cando o suceso se produza na mesma localidade, cinco días hábiles cando sexa en distinta localidade, e 10 días hábiles si existe convivencia previa co familiar finado.

Nos supostos de accidente ou enfermidade moi grave do cónxuxe, parella en análoga relación de afectividade, familiares en primeiro grao, acollidos/acollidas ou familiares conviventes, e para atender o seu coidado, o persoal ó servizo do Concello de Padrón terá dereito a un permiso retribuído cunha duración máxima de trinta días naturais. Cada accidente ou enfermidade xerará un único permiso, que, dentro da duración máxima de trinta días, se poderá utilizar de maneira separada ou acumulada.

Cando se trate do falecemento, accidente ou enfermidade grave dun familiar dentro do segundo grao de consanguinidade ou afinidade, o permiso será de dous días hábiles cando o suceso se produza na mesma localidade e de catro días hábiles cando sexa en distinta localidade.

Polo falecemento dun familiar do terceiro grao de consanguinidade ou afinidade o permiso consistirá no tempo indispensable para asistir ao enterro.

b) Por translado do domicilio habitual, dous días. O permiso será de catro días si existe cambio de localidade.

c) Para realizar funcións sindicais, de formación sindical ou de representación do persoal, nos termos legalmente establecidos.

d) Para concorrer a exames e demais probas de aptitude ou avaliación en centros oficiais, durante os días da súa celebración e coa debida xustificación.

e) Por matrimonio propio, o persoal terá dereito a unha licencia retribuída de 21 días naturais ininterrumpidos, podendo acumulalos ás vacacións.

Por matrimonio de parentes (ata o segundo grao de consanguinidade ou afinidade), 1 día; 2 días se fose a máisde 200 kms. de distancia e 3 días se fose a máis de 500 km. O permiso deber coincidir coa data da celebración.

f) As traballadoras embarazadas terán dereito a ausentarse do traballo para a realización de exames prenatais e técnicas de preparación ao parto polo tempo necesario para a súa práctica e logo de xustificación da necesidade de realización delas dentro da xornada de traballo.

g) O persoal terá dereito a un permiso retribuído para tratamentos de fecundación asistida polo tempo necesario para a súa práctica, con aviso previo e xustificación da necesidade de realización dentro da xornada de traballo. Se fose necesario o desprazamento, o permiso será de dous días.

h) Para acompañar o seu cónxuxe ou parella en análoga relación de afectividade a tratamentos de fecundación asistida, a exames prenatais e a técnicas de preparación ao parto, o persoal ó servizo do Concello de Padrón terá dereito a un permiso retribuído en idénticos termos e condicións de exercicio que os previstos para estes permisos.

i) Por nacemento de fillos prematuros ou que por calquera outra causa deban permanecer hospitalizados a continuación do parto, o/a traballador/a terá dereito a ausentarse do traballo durante un máximo de dúas horas diarias e percibirá as retribucións íntegras.

j) Por lactancia dun fillo ou filla menor de doce meses, a traballadora terá dereito a unha hora de ausencia do traballo, que poderá dividir en dúas fraccións. Este dereito pode-rase substituír por unha redución da xornada normal en media hora ao inicio e ao final da xornada ou ben nunha hora ao inicio ou ao final da xornada. Este dereito poderá ser exercido indistintamente por un ou outro dos proxenitores, no caso de que ambos traballen.

Igualmente, poderase substituír o tempo de lactancia por un permiso retribuído que acumule en xornadas completas o tempo correspondente ou ben por un crédito de horas, podéndose aproveitar, en ambos os casos, en calquera momento, despois do gozo do permiso de maternidade.

A cantidade de horas incluídas no crédito será o resultado de contabilizar o total de horas ás que se tería dereito se se dispuxese do permiso de lactación na súa modalidade dunha hora de ausencia.

Este permiso incrementarase proporcionalmente nos casos de parto múltiple.

Nos supostos de adopción ou acollemento, este dereito computarase durante o primeiro ano desde a resolución xudicial ou administrativa de adopción ou acollemento.

k) Por razóns de garda legal, cando o persoal teña o coidado directo dalgún menor de doce anos, de persoa maior que requira especial dedicación ou dunha persoa con discapacidade que non desempeñe actividade retribuída, terá dereito a unha redución entre un oitavo e un máximo da metade da xornada de traballo, coa diminución proporcional das súas retribucións.

Terá o mesmo dereito o persoal que precise encargarse do coidado directo dun familiar ata o segundo grao de consanguinidade ou afinidade que, por razóns de idade, accidente ou enfermidade, non se poida valer por si mesmo e que non desempeñe actividade retribuída.

l) Por ser preciso atender o coidado dun familiar de primeiro grao, o persoal terá dereito a solicitar unha redución de ata o 50 % da xornada laboral, con carácter retribuído, por razóns de enfermidade moi grave e polo prazo máximo dun mes, prorrogable en circunstancias excepcionais e atendendo á extrema gravidade da enfermidade padecida, ata un período máximo de dous meses.

m) O persoal municipal terá dereito a ausentarse do seu posto de traballo por acudir a consultas, tratamentos e exploracións de tipo médico, ou para acompañar ás revisións médicas os fillos e as fillas e as persoas maiores ao seu cargo polo tempo necesario, con aviso previo e xustificación da necesidade de realización dentro da xornada de traballo.

2. - Poderase conceder permiso polo tempo indispensable para o cumprimento dun deber inescusable de carácter público ou persoal e por deberes relacionados coa conciliación da vida familiar e laboral.

3. - Poderase dispoñer de ata nove días ao ano, como máximo, de permiso para asuntos persoais sen xustificación, atendendo sempre ás necesidades do servizo. Así mesmo, terase dereito ao gozo de dous días adicionais ao cumprir o sexto trienio, que se incrementará nun día adicional por cada trienio cumprido a partir do oitavo.

O persoal que se incorpore ao longo do ano natural contarán con días na proporción que corresponda ao período efectivamente traballado.

4. - En todo caso, concederanse os seguintes permisos:

a) Permiso por parto: terá unha duración de dezaseis semanas ininterrompidas. Este permiso ampliarase en dúas semanas máis no suposto de discapacidade do fillo ou filla, e por cada fillo a partir do segundo, nos supostos de parto múltiple. O permiso distribuirase á opción da traballadora sempre que seis semanas sexan inmediatamente posteriores ao parto. No caso de falecemento da nai, o outro proxenitor poderá facer uso da totalidade ou, se é o caso, da parte que reste do permiso.

Malia o anterior, e sen prexuízo das seis semanas inmediatas posteriores ao parto de descanso obrigatorio para a nai, no caso de que ambos os proxenitores traballen, a nai, ao iniciarse o período de descanso por maternidade, poderá optar por que o outro proxenitor goce dunha parte determinada e ininterrompida do período de descanso posterior ao parto, ben de forma simultánea ou sucesiva co da nai. O outro proxenitor poderá seguir gozando do permiso de maternidade inicialmente cedido, aínda que no momento previsto para a reincorporación da nai ao traballo esta se atope en situación de incapacidade temporal.

Nos casos de gozo simultáneo de períodos de descanso, a suma destes non poderá exceder das dezaseis semanas ou das que correspondan no caso de discapacidade do fillo ou filla ou de parto múltiple.

Nos casos de parto prematuro e naqueles nos que, por calquera outra causa, o neonato deba permanecer hospitalizado a continuación do parto, este permiso ampliarase en tantos días como o neonato se encontre hospitalizado, cun máximo de trece semanas adicionais.

Durante o gozo deste permiso poderase participar nos cursos de formación que convoque a administración.

b) Permiso por adopción ou acollemento, tanto preadoptivo como permanente ou simple, sempre que a súa duración no sexa inferior a un ano, aínda que sexan provisionais, de menores de seis anos ou de menores de idade que sexan maiores de seis anos cando se trate de menores discapacitados, ou que polas súas circunstancias e experiencias persoais ou por proceder do estranxeiro teñan especiais dificultades de inserción social e familiar debidamente acreditadas polos servicios sociais competentes: O permiso terá unha duración de deceseis semanas ininterrompidas, ampliable no suposto de adopción ou acollemento múltiples en dúas semanas por cada menor a partir do segundo. Dita suspensión producirá os seus efectos, a elección do/a traballador/a, ben a partir da resolución xudicial pola que se constitúe a adopción, ben a partir da decisión administrativa ou xudicial de acollemento, provisional ou definitivo, sen que en ningún caso un mesmo menor poida dar dereito a varios períodos de suspensión.

No caso de que ambos os proxenitores traballen, o permiso distribuirase á opción dos interesados, que poderán gozalo de forma simultánea ou sucesiva, sempre en períodos ininterrompidos.

Nos casos de gozo simultáneo de períodos de descanso, a suma destes non poderá exceder das dezaseis semanas ou das que correspondan en caso de adopción ou acollemento múltiple e de discapacidade do menor adoptado ou acollido.

Este permiso poderase gozar a xornada completa ou a tempo parcial, cando as necesidades do servizo o permitan, e nos termos que regulamentariamente se determinen.

Se fose necesario o desprazamento previo dos proxenitores ao país de orixe do adoptado ou acollido, nos casos de adopción ou acollemento internacional, terase dereito, ademais, a un permiso de ata tres meses de duración, e durante este período percibiranse exclusivamente as retribucións básicas, podendo gozarse de forma fraccionada, sempre que non se superen os tres meses.

Con independencia do permiso de ata tres meses previsto no parágrafo anterior e para o suposto previsto no devandito parágrafo, o permiso por adopción ou acollemento, tanto preadoptivo coma permanente ou simple, poderase iniciar ata catro semanas antes da resolución xudicial pola que se constitúa a adopción ou a decisión administrativa ou xudicial do acollemento.

Durante o gozo deste permiso poderase participar nos cursos de formación que convoque a administración.

Os supostos de adopción ou acollemento, tanto preadoptivo coma permanente ou simple, previstos neste artigo serán os que así se establezan na normativa aplicable na Comunidade Autónoma de Galicia, e o acollemento simple deberá ter unha duración non inferior a un ano.

c) Permiso por paternidade polo nacemento, acollemento ou adopción dun fillo ou filla: terá unha duración de vinte e nove días naturais, que gozará o pai a partir da data de nacemento, da decisión administrativa ou xudicial de acollemento ou da resolución xudicial pola que se constitúa a adopción. No caso de parto, acollemento ou adopción múltiple, o permiso será de trinta e cinco días naturais.

Nos supostos de adopción ou acollemento, se ambos os proxenitores fosen persoal ao servizo da Administración pública galega, o permiso poderase distribuír á opción dos interesados, que poderán gozalo de forma simultánea ou sucesiva, sempre en períodos ininterrompidos, respectando en todo caso o prazo de duración.

Este permiso é independente do gozo compartido dos permisos previstos nas alíneas a) e b).

A nai poderá gozar deste permiso de paternidade a continuación dos permisos previstos nas alíneas a) e b) nos seguintes supostos:

"¢"‚Cando o pai falecese antes da utilización íntegra do devandito permiso.

"¢"‚Se a filiación paterna non estivese determinada.

"¢"‚Cando os proxenitores non estivesen casados nin estivesen unidos de feito en análoga relación de afectividade.

"¢"‚Cando en resolución xudicial ditada en proceso de nulidade, separación ou divorcio, iniciado antes da utilización do permiso, se lle recoñecese á nai a garda do fillo ou da filla que acaba de nacer.

No suposto de matrimonio de mulleres ou de unións de feito en análoga relación de afectividade, ao ser unha delas a nai biolóxica, a que non o sexa terá dereito ao permiso de paternidade nos termos fixados nesta alínea.

Nos casos previstos nas alíneas a), b) e c), o tempo transcorrido durante o gozo destes permisos computarase como de servizo efectivo para todos os efectos, garantíndose a plenitude de dereitos económicos do persoal ó servizo do Concello de Padrón durante todo o período de duración do permiso, e, se é o caso, durante os períodos posteriores ao gozo deste, se, de acordo coa normativa aplicable, o dereito a percibir algún concepto retributivo se determina en función do período de gozo do permiso.

Os empregados/as que fixesen uso do permiso por parto ou maternidade, paternidade e adopción ou acollemento terán dereito, así que finalice o período de permiso, a reintegrarse ao seu posto de traballo nos termos e nas condicións que non lles resulten menos favorables ao gozo do permiso, así como a beneficiarse de calquera mellora nas condicións de traballo ás que puidesen ter dereito durante a súa ausencia.

d) Permiso por razón de violencia de xénero: as faltas de asistencia do persoal vítima da violencia do xénero, totais ou parciais, terán a consideración de xustificadas polo tempo e nas condicións nas que así o determinen os servizos sociais de atención ou de saúde, segundo proceda.

Así mesmo, o persoal vítima de violencia de xénero, para facer efectiva a súa protección ou o seu dereito á asistencia social integral, terá dereito á redución da xornada coa diminución proporcional da retribución ou á reordenación do tempo de traballo, a través da adaptación do horario, da aplicación do horario flexible ou doutras formas de ordenación do tempo de traballo que lles poidan ser aplicables, nos termos que para estes supostos estableza a Administración da Comunidade Autónoma de Galicia.»

5. - Poderanse conceder licencias nos seguintes casos e condicións:

a) Por asuntos propios poderanse conceder licencias sen retribución dunha duración acumulada que non poderá exceder de tres meses cada dous anos. A concesión de licencias por asuntos propios subordinarase, en todo caso, ás necesidades do servicio.

b) Para a realización de estudios directamente relacionados coa Administración Pública. O empregado/a terá dereito a percibir as retribucións básicas.

c) Para a asistencia a eventos colectivos de carácter técnico, científico, profesional, colexial, asociativo ou sindical. Se a asistencia fose promovida polo propio Concello por tratarse de materias de interese para o mesmo, o/a empregado/a terá dereito a indemnización por axudas de custo, gastos de viaxe, de estancia, inscrición e outros.

6. - Flexibilidade horaria en supostos especiais.

Quenes teñen ao seu cargo persoas maiores, fillos menores de 12 anos ou persoas con discapacidade terán dereito a flexibilizar nunha hora o seu horario fixo habitual.

O alcalde ou persoa en quen delegue poderá autorizar con carácter excepcional, persoal ou temporalmente, a modificación do horario fixo para atender ás necesidades de conciliación da vida laboral e familiar.

En casos de familias monoparentais, os empregados públicos con fillos con discapacidade, terán dúas horas de flexibilidade horaria a fin de conciliar os horarios dos centros de educación especial e outros centros onde o fillo reciba atención cos horarios propios do posto de traballo. Igualmente, existirá o dereito a ausentarse do traballo para asistir a reunións de coordinación e apoio asistencial.

7. - Tramitación.

a) As solicitudes de permisos que sexan previsibles faranse mediante escrito presentado no Rexistro Xeral do Concello. Para estes efectos, o Rexistro Xeral do Concello disporá dunhos modelos normalizados de solicitude. Estes impresos deberán ser cubertos polo/a interesado/a, facendo constar a clase de permiso ou licencia que se solicita e a súa duración, e achegando de ser o caso a xustificación documental pertinente. Os modelos dos impresos normalizados de solicitude deberán ser revisados pola mesa, que deberá concretar as xustificacións documentais pertinentes a presentar con cada tipo de solicitude.

b) As comunicacións dos permisos sobrevidos ou imprevisibles, comunicaránse verbalmente no Negociado de Persoal e ao xefe do servizo correspondente.

En calquera caso, presentarase a oportuna xustificación documental do permiso dentro do prazo de sete días naturais a partir da data de comezo do mesmo.

c) Os permisos e licencias deberán solicitarse con cinco días hábiles de antelación, sempre que se achegue o visto e prace do xefe do servizo, salvo os casos de urxente necesidade nos que non será necesario o cumprimento do indicado preaviso. De non achegar o visto e prace do xefe do servizo será necesario solicitar a licencia con dez dias de antelación.

d) En todo caso os días de permiso por: translado de domicilio, concurrencia a exames, matrimonio de parentes, enfermidade, accidentes ou falecemento de familiares deberán coincidir necesariamente co día en que se produza o evento.

e) A tramitación das solicitudes das licencias dos/as empregados/as municipais corresponden ao Departamento Persoal, que se encargará de efectuar as dilixencias e procurar os informes oportunos para determinar a correspondente resolución. A concesión dos permisos e licencias corresponder ao alcalde Presidente do Concello ou persoa en quen delegue, quen dictará para o efecto a oportuna resolución.

f) No eido do establecido no apartado anterior, as solicitudes das licencias formuladas en forma e prazo (consonte o establecido no presente capítulo) deberán ser resoltas e notificadas aos solicitantes coa debida antelación data en que deba comezar a licencia solicitada. No caso de que tal resolución non se produza, entenderase concedida nos termos do solicitado sempre que se axuste ao establecido no presente convenio colectivo.

g) As licencias e permisos debidamente xustificados constitúen un dereito do persoal municipail, polo que calquera resolución negativa de permisos ou licencias deber ser debidamente motivada e argumentada. Previamente adopción de calquera resolución denegatoria deber ser oído o interesado e o Organo de Representación Sindical.

h) Carecerán de validez e consideraranse nulos para todos os efectos os permisos e licencias que non sexan tramitados e resoltos consonte ao establecido no presente acordo, sen prexuízo do establecio no apartado b) para os casos imprevisibles de urxente necesidade.

Artigo 53. Situacións administrativas.

En relación coas situacións do persoal ó servizo do Concello de Padrón, estarase ao disposto no Título VI da Lei 7/2007, do 12 de abril, do Estatuto Básico do Empregado Público.

CAPITULO IX. - CLASIFICACIÓN, SELECCIÓN E CARREIRA PROFESIONAL DO PERSOAL MUNICIPAL

SECCIÓN 1.ª. - CLASIFICACION DO PERSOAL

A) TIPOS DE PERSOAL

Artigo 54. O cadro de persoal do Concello.

O Concello aprobará anualmente, a través do seu orzamento, o cadro de persoal no que figuren tódolos postos de traballo reservados a funcionarios, persoal laboral e eventual.

De acordo co establecido neste Acordo e na normativa básica, o cadro de persoal será negociado cos representantes sindicais do persoal funcionario e laboral do Concello, previa a aprobación polo Pleno da Corporación.

Artigo 55. Tipos de persoal municipal.

O cadro de persoal do Concello de Padrón estará integrado por:

a) Funcionarios de carreira.

b) Persoal interino.

c) Persoal laboral, xa sexa fixo, por tempo indefinido ou temporal.

d) Persoal eventual.

Artigo 56. - Funcionarios de carreira.

1. Son funcionarios de carreira quen, en virtude de nomeamento legal, están vinculados ao Concello por unha relación estatutaria regulada polo Dereito Administrativo para o desempeño de servizos profesionais retribuídos de carácter permanente.

2. En todo caso, o exercicio das funcións que impliquen a participación directa ou indirecta no exercicio das potestades públicas ou na salvagarda dos intereses xerais do Estado e do Concello de Padrón corresponden exclusivamente aos funcionarios públicos, nos termos que se establece na normativa básica estatal e autonómica.

Artigo 57. Funcionarios interinos.

1. Son funcionarios interinos os que, por razóns expresamente xustificadas de necesidade e urxencia, son nomeados como talles para o desempeño de funcións propias de funcionarios de carreira, cando se dea algunha das seguintes circunstancias:

a) A existencia de prazas vacantes cando non sexa posible a súa cobertura por funcionarios de carreira.

b) A substitución transitoria dos titulares.

c) A execución de programas de carácter temporal.

d) O exceso ou acumulación de tarefas por prazo máximo de seis meses, dentro dun período de doce meses.

2. Aos funcionarios interinos seralles aplicable, en canto sexa adecuado á natureza da súa condición, o presente Acordo e o réxime xeral dos funcionarios de carreira.

Artigo 58. Persoal laboral.

1. É persoal laboral o que en virtude de contrato de traballo formalizado por escrito, en calquera das modalidades de contratación de persoal previstas na lexislación laboral, presta servizos retribuídos polo Concello. En función da duración do contrato este poderá ser fixo, por tempo indefinido ou temporal.

2. Poderán ser desempeñados por persoal laboral:

a) Os postos de natureza non permanente e aqueles de actividades dirixidas a satisfacer necesidades de carácter periódico e descontinuo, incluíndo os auxiliares da Policía local.

b) Os postos de actividades propias de oficios.

c) Os postos de traballo de organismos autónomos de carácter comercial, industrial, financeiro ou análogo, agás aqueles que impliquen exercicio de autoridade, inspección ou control, que se reservarán a funcionarios.

Artigo 59. - Persoal eventual.

1. É persoal eventual o que, en virtude de nomeamento e con carácter non permanente, só realiza funcións expresamente cualificadas como de confianza ou asesoramento especial, sendo retribuído con cargo aos créditos orzamentarios consignados para este fin.

2. O número máximo deste tipo de persoal e as súas condicións retributivas serán establecidas polo Pleno da Corporación Municipal.

3. - O nomeamento e cesamento serán libres. O cesamento terá lugar, en todo caso, cando se produza o da autoridade á que se preste a función de confianza ou asesoramento.

4. A condición de persoal eventual non poderá constituír mérito para o acceso á Función Pública ou para a promoción interna. 5. Ao persoal eventual seralle aplicable, no que sexa adecuado á natureza da súa condición, o presente Acordo Regulador e o réxime xeral dos funcionarios de carreira.

B) ESCALAS DE CLASIFICACIÓN

Artigo 60. Escalas de clasificación do persoal funcionario.

1. O persoal funcionario comprendido no ámbito de aplicación deste acordo clasificarase atendendo ás condicións xerais da cualificación esixida para o desenvolvemento do seu traballo, de acordo coa natureza das súas funcións e do réxime xurídico que lle é de aplicación nas seguintes escalas:

1. Escala de funcionarios con habilitación de carácter estatal

2. Escala de administración xeral, que subdivídese nas subescalas seguintes:

a) Técnica.

b) Xestión.

c) Administrativa.

d) Auxiliar.

e) Subalterno.

3. A escala de administración especial subdivídese nas subescalas seguintes:

a) Técnica.

b) Servicios especiais.

Artigo 61. Funcións das escalas e subescalas.

1. Escala de funcionarios con habilitación de carácter estatal

Son funcións públicas, cuxa responsabilidade administrativa está reservada a funcionarios con habilitación de carácter estatal:

a) A de Secretaría, comprensiva da fe pública e o asesoramento legal preceptivo.

b) O control e a fiscalización interna da xestión económico-financeira e orzamentaria e a contabilidade, tesourería e recadación.

O réxime xurídico dos funcionarios da Administración local con habilitación de carácter estatal será o establecido pola lexislación básica do Estado e pola lexislación sectorial da Comunidade Autónoma en materia de réxime local.

2. - Escala de Administración Xeral.

Corresponde aos funcionarios da Escala de Administración Xeral o desempeño das funcións comúns ao exercicio da actividade administrativa. En consecuencia, os postos de traballo predominantemente burocráticos haberán de ser desempeñados por funcionarios técnicos, de xestión, administrativos ou auxiliares de Administración Xeral.

a) Pertencerán á Subescala Técnica de Administración Xeral, os funcionarios que realicen tarefas de xestión, estudo e proposta de carácter administrativo de nivel superior.

b) Pertencerán á subescala de xestión de Administración Xeral os funcionarios que realicen tarefas de apoio ás funcións de nivel superior.

c) Pertencerán á Subescala Administrativa de Administración Xeral, os funcionarios que realicen tarefas administrativas, normalmente de trámite e colaboración.

d) Pertencerán á Subescala Auxiliar de Administración Xeral, os funcionarios que realicen tarefas de mecanografía, taquigrafía, despacho de correspondencia, cálculo sinxelo, manexo de máquinas, arquivo de documentos e outros similares.

e) Pertencerán á Subescala de Subalternos de Administración Xeral, os funcionarios que realicen tarefas de vixilancia e custodia interior de oficinas, así como misións de conserxe, ujier, porteiro ou outras análogas en edificios e servizos da Corporación.

Poderá establecerse a normativa adecuada para que os postos de traballo atribuídos a esta Subescala poidan ser desempeñados por funcionarios de servizos especiais que, por idade ou outras razóns, teñan diminuída a súa capacidade para misións de particular esforzo ou penosidade, pero que conserven a requirida para as tarefas de Subalterno.

3. - Escala de Administración Especial.

Terán a consideración de funcionarios de Administración Especial os que teñan atribuído o desempeño das funcións que constitúen o obxecto peculiar dunha carreira, profesión, arte ou oficio.

Pertencerán á Subescala técnica de Administración Especial, os funcionarios que desenvolvan tarefas que son obxecto dunha carreira para cuxo exercicio esixen as leis estar en posesión de determinados títulos académicos ou profesionais.

En atención ao carácter e nivel do título esixido, devanditos funcionarios divídense en técnicos superiores, medios e auxiliares, e, á súa vez, cada clase poderá comprender distintas ramas e especialidades.

Pertencerán á Subescala de Servizos Especiais, os funcionarios que desenvolvan tarefas que requiran unha aptitude específica, e para cuxo exercicio non esixirá, con carácter xeral, a posesión de títulos académicos ou profesionais determinados.

Comprenderanse nesta Subescala as seguintes clases:

a) Policía Local e os seus auxiliares.

b) Servizo de Protección Civil.

c) Prazas de Labores Especiais.

d) Persoal de oficios.

A Policía Local exercerá as súas funcións de acordo co previsto no título V da Lei Orgánica de Forzas e Corpos de Seguridade, no artigo 8 da Ley 4/2007, de 20 de abril, de coordinación de policías locais de Galicia e no regulamento da Policía Local de Padrón.

Comprenderanse na clase de labores especiais ao persoal que realicen tarefas de carácter predominantemente non manual, nas diversas ramas ou sectores de actuación do Concello, subdividindose en categorías, segundo o nivel de titulación esixido.

Integraranse na clase de persoal de oficios, os funcionarios que realicen tarefas de carácter predominantemente manual, nos diversos sectores de actuación das Corporacións Locais, referidas a un determinado oficio, industria ou arte.

Clasificaranse, dentro de cada oficio, industria ou arte, en encargado, capataz, oficial, axudante e operario, segundo o grao de responsabilidade ou de especialización, e sendo necesario, en todo caso, posuír a titulación esixida para o ingreso, conforme ao disposto pola lexislación básica de función pública.

C) GRUPOS DE CLASIFICACIÓN

Artigo 62. - Grupos de clasificación do persoal funcionario.

Os distintos corpos e escalas do persoal funcionario municipal clasifícanse, de acordo coa titulación esixida para o acceso aos mesmos, nos seguintes grupos:

1. - Grupo A, dividido en dous Subgrupos A1 e A2. Para o acceso aos corpos ou escalas deste Grupo esixirase estar en posesión do título universitario de Grao. Naqueles supostos nos que a Lei esixa outro título universitario será este o que se teña en conta.

A clasificación dos corpos e escalas en cada Subgrupo estará en función do nivel de responsabilidade das funcións a desempeñar e das características das probas de acceso.

2. - Grupo B. Para o acceso aos corpos ou escalas do Grupo B esixirase estar en posesión do título de Técnico Superior. 3. - Grupo C. Dividido en dous Subgrupos, C1 e C2, segundo a titulación esixida para o ingreso.

C1: título de bacharel ou técnico.

C2: título de graduado en educación secundaria obrigatoria.

4. - En desenvolvemento do establecido na Disposición Adicional Sétima da Lei 7/2007 de 12 de abril do Estatuto Básico do Empregado Público, establecese no Concello de Padrón o subgrupo C3, no que se integrarán as prazas para as que non se esixirá para o acceso estar en posesión de ningunha das titulacións previstas no sistema educativo.

Ata tanto non se xeneralice a implantación dos novos títulos universitarios a que se refire o artigo 76 da Lei 7/2007 de 12 de abril do Estatuto Básico do Empregado Público, para o acceso aos grupos de clasificación definidos neste convenio seguirán sendo válidos os títulos universitarios oficiais vixentes á entrada en vigor do propio Estatuto Básico do Empregado Público.

Artigo 63. Clasificación do persoal laboral.

Na percura dunha homologación real das condicións de traballo do persoal funcionario e laboral do Concello de Padrón e, co gallo de facilitar unha xestión áxil e integral dos cadros de persoal, a través da relación de postos de traballo, establecerase para o persoal laboral municipal o mesmo sistema de clasificación que o establecido neste acordo e na normativa básica estatal para o persoal funcionario.

Consecuentemente, crearanse no cadro de persoal do Concello as mesmas escalas e subescalas de persoal laboral que as existentes para persoal funcionario. No caso de que non existan subescalas de persoal funcionario nas que proceda integrar algunha categoría profesional de persoal laboral en atención ás funcións que desenvolven, poderase crear unha nova subescala específica.

Artigo 64. - Grupos de clasificación do persoal laboral.

As distintas escalas do persoal laboral clasifícanse de acordo coa titulación esixida para o acceso aos mesmos, nos mesmos grupos e cos mesmo criterios e requisitos que os establecidos para o persoal funcionario neste capítulo, sen prexuízo das peculiaridades que se establezan en relación cos sistemas de promoción interna ou provisión de postos de traballo.

D) INSTRUMENTOS DE ORDENACIÓN

Artigo 65. - A Relación de postos de traballo.

1. - O Concello de Padrón estructura a súa organización a través da relación de postos de traballo que é o instrumento técnico por medio do cal se realiza a ordenación do seu persoal, de acordo coas necesidades dos servizos, e que comprenden a denominación dos postos, as características esenciais dos mesmos, os grupos de clasificación profesional coa titulación esixida para o desempeño, si é o caso, ás escalas de funcionarios ou as categorías profesionais do persoal laboral, os sistemas de provisión e as retribucións complementarias.

2. A creación, modificación, refundición e supresión de postos de traballo realizarase por medio da relación de postos de traballo.

3. - O persoal comprendido no ámbito de aplicación deste acordo ocupará postos de traballo, singularizados ou non singularizados, de acordo coa correspondente relación. A relación de postos de traballo incluirá os correspondentes a todo o cadro de persoal funcionario e laboral, así como os que haxa que dotar a través da correspondente oferta de emprego. Igualmente, a relación de postos de traballo determinará a forma de provisión e acceso aos postos singularizados nela determinados.

4. - Os postos de traballo do Concello de carácter administrativo serán desempeñados por funcionarios públicos. Exceptúanse da regra anterior e poderán ser desempeñados por persoal laboral:

a) Os postos de natureza non permanente e aqueles nos que as súas actividades se dirixan a satisfacer necesidades de carácter periódico e discontinuo.

b) Os postos nos que as súas actividades sexan propias de oficios.

c) Os postos correspondentes a áreas de actividades que requiran coñecementos técnicos especializados cando non existan corpos ou escalas de funcionarios con membros que teñan a preparación específica necesaria para o seu desempeño.

d) Os postos de carácter instrumental correspondentes ás áreas de mantemento e conservación de edificios, equipos ou instalacións, e artes gráficas, así como os postos das áreas de expresión artística.

e) Os postos de traballo de organismos autónomos de carácter comercial, industrial, financeiro ou análogo, salvo aqueles que impliquen exercicio da autoridade, inspección ou control

f) Os de prestación directa de servizos sociais e protección de menores.

5. A relación de postos de traballo do Concello será pública, e tanto na súa elaboración coma nas modificacións posteriores deberán ser sometidas a informe dos correspondentes órganos de representación do persoal municipal, cando supoñan modificación das condicións de traballo.

Artigo 66. Plans de emprego.

1. - O Concello de Padrón poderá elaborar plans de emprego, referidos tanto a persoal funcionario coma laboral, que conterán de forma conxunta as actuacións que se deben desenvolver para a óptima utilización dos recursos humanos no ámbito a que afecten, dentro dos límites orzamentarios e de acordo coas directrices de política de persoal.

As actuacións previstas para o persoal laboral nos plans de emprego desenvolveranse conforme a normativa específica do ordenamento xurídico laboral e o establecido no presente Acordo.

2. - Os plans de emprego poderán conte-las seguintes previsións e medidas:

a) Previsións sobre modificación de estructuras organizativas e de postos de traballo.

b) Suspensión de incorporacións de persoal externo ó ámbito afectado, tanto as derivadas de oferta de emprego coma de procesos de mobilidade.

c) Reasignación de efectivos de persoal.

d) Establecemento de cursos de formación e capacitación.

e) Autorización de concursos de provisión de postos limitados ó persoal dos ámbitos que se determinen.

f) Medidas específicas de promoción interna.

g) Prestación de servicios a tempo parcial.

h) Necesidades adicionais de recursos humanos, que deberán integrarse, se é o caso, na oferta de emprego público.

i)Outras medidas que procedan en relación cos obxectivos do plan de emprego.

j) As memorias xustificativas dos plans de emrpego conterán as referencias temporais que procedan, respecto das previsións e medidas establecidas neles.

3. - O Concello de Padrón poderá adoptar, ademais de plans de emprego, outras medidas de racionalización de efectivos así como incentivos á excedencia voluntaria e á xubilación anticipada.

SECCIÓN 2.ª. - SELECCION DO PERSOAL

Artigo 67. Oferta de emprego.

1. De acordo co previsto na lexislación básica, as necesidades de recursos humanos con asignación orzamentaria que deban proverse mediante a incorporación de persoal de novo ingreso serán obxecto da Oferta de emprego público, ou a través doutro instrumento similar de xestión da provisión das necesidades de persoal, o que comportará a obrigación de convocar os correspondentes procesos selectivos para as prazas comprometidas e ata un dez por cen adicional, fixando o prazo máximo para a convocatoria dos mesmos. En todo caso, a execución da oferta de emprego público ou instrumento similar deberá desenvolverse dentro do prazo improrrogable de tres anos.

2. A Oferta de emprego público ou instrumento similar, que se aprobará anualmente polos órganos de Goberno do Concello, deberá ser negociada cos representantes sindicais do persoal municipal e será publicada no Diario oficial correspondente.

3. A Oferta de emprego público ou instrumento similar poderá conter medidas derivadas da planificación de recursos humanos.

Artigo 68. Principios xerais e normativa aplicable.

1. A selección do persoal fixo ao servizo do Concello de Padrón realizarase de acordo coa oferta de emprego público, mediante convocatoria pública e a través do sistema de concurso-oposición ou posición libre nos que se garantan, en todo caso, os principios constitucionais de igualdade, mérito e capacidade, así como os establecidos a continuación:

a) Publicidade das convocatorias e das súas bases.

b) Transparencia.

c) Imparcialidade e profesionalidade dos membros dos órganos de selección.

d) Independencia e discrecionalidade técnica na actuación dos órganos de selección.

e) Adecuación entre o contido dos procesos selectivos e as funcións ou tarefas a desenvolver.

f) Axilidade, sen prexuízo da obxectividade, nos procesos de selección.

Artigo 69. Regras comúns e requisitos xerais de acceso.

1. As convocatorias de procesos selectivos deberán publicarse nos Diarios oficiais que procedan e nun xornal de tirada provincial no caso de prazas de persoal laboral fixo.

2. Garantirase o anonimato dos aspirantes nas probas eliminatorias nas que sexa posible.

3. Os procesos selectivos rexeranse polas bases que aprobe o órgano da Corporación competente. As bases xerais e específicas de cada convocatoria, tanto de persoal fixo como temporal, así como para a promoción interna, serán aprobadas previa negociación cos representantes do persoal.

4. Nos supostos de concurso ou concurso-oposición especificaranse os méritos e a súa correspondente valoración, así como os medios de acreditación deles.

En ningún caso poderá constituír mérito para acceder ao emprego público o ter desempeñado un posto de traballo con carácter eventual ou de confianza na administración.

5. Para poder participar nos procesos selectivos convocados no Concello de Padrón será necesario reuni-los seguintes requisitos:

a) Ter a nacionalidade española, sen prexuízo do disposto no artigo 57 da Lei 7/2007, do 12 de abril, do Estatuto Básico do Empregado Público.

b) Posuír a capacidade funcional para o desempeño das tarefas habituais do Grupo, Categoría ou praza correspondente.

c) Ter cumpridos dezaseis anos e non exceder, no seu caso, da idade máxima de xubilación forzosa. Só por lei poderá establecerse outra idade máxima, distinta da idade de xubilación forzosa, para o acceso ao emprego público.

d) Non ser separado mediante expediente disciplinario do servizo de calquera das Administracións Públicas ou dos órganos constitucionais ou estatutarios das Comunidades Autónomas, nin acharse en inhabilitación absoluta ou especial para empregos ou cargos públicos por resolución xudicial, para o acceso ao corpo ou escala de funcionario, ou para exercer funcións similares ás que desempeñaban no caso do persoal laboral, no que fose separado ou inhabilitado. No caso de ser nacional doutro Estado, non acharse inhabilitado ou en situación equivalente nin ser sometido a sanción disciplinaria ou equivalente que impida, no seu Estado, nos mesmos termos o acceso ao emprego público.

e) Posuír a titulación esixida.

6. Poderá esixirse o cumprimento doutros requisitos específicos que garden relación obxectiva e proporcionada coas funcións asumidas e as tarefas a desempeñar. En todo caso, haberán de establecerse de xeito abstracto e xeral.

7. A extensión e profundidade dos programas adecuaranse aos niveis de titulación esixidos e á especialidade profesional dos correspondentes grupos de clasificación e categoría profesional de persoal laboral.

Artigo 70. Sistemas selectivos.

1. Os procesos selectivos terán carácter aberto e garantirán a libre concorrencia, sen prexuízo do establecido para a promoción interna e das medidas de discriminación positiva previstas neste convenio en relación coa consolidación de emprego e a funcionarización de persoal laboral fixo.

2. Os procedementos de selección coidarán especialmente a conexión entre o tipo de probas a superar e a adecuación ao desempeño das tarefas dos postos de traballo convocados, incluíndo, no seu caso, as probas prácticas que sexan precisas. As probas poderán consistir na comprobación dos coñecementos e a capacidade analítica dos aspirantes, expresados de forma oral ou escrita, na realización de exercicios que demostren a posesión de habilidades e destrezas, na comprobación do dominio de linguas estranxeiras e, no seu caso, na superación de probas físicas.

3. Os procesos selectivos que inclúan, ademais das preceptivas probas de capacidade, a valoración de méritos dos aspirantes só poderán outorgar a devandita valoración unha puntuación proporcionada que non determinará, en ningún caso, por si mesma o resultado do proceso selectivo.

4. O Concello de Padrón poderá crear órganos especializados e permanentes para a organización de procesos selectivos, podéndose encomendar estas funcións aos Institutos ou Escolas de Administración Pública.

5. Para asegurar a obxectividade e a racionalidade dos procesos selectivos, as probas poderán completarse coa superación de cursos, de períodos de prácticas, coa exposición curricular polos candidatos, con probas psicotécnicas ou coa realización de entrevistas. Igualmente poderán esixirse recoñecementos médicos.

6. A selección por oposición consistirá en supera-las probas teóricas e prácticas esixidas na convocatoria pública, axeitadas ó exercicio da función.

7. A selección por concurso-oposición consistirá en supera-las correspondentes probas, así como posuír determinadas condicións debidamente valoradas de formación, méritos ou graos de experiencia.

8. A prestación de servicios noutras administracións públicas valorarase en méritos, de acordo co principio de reciprocidade.

9. Nos sistemas de selección que se realicen para o acceso ás prazas do Concello terá que demostrarse o coñecemento da lingua galega. Para estes efectos, as bases das convocatorias establecerán que unha ou máis das probas do proceso selectivo se deberán realizar exclusivamente en lingua galega, sen prexuízo doutras probas adicionais que se puidesen prever para aqueles postos de traballo que requiran un especial coñecemento da lingua galega.

Artigo 71. - Órganos de selección.

1. Os órganos de selección serán colexiados e a súa composición deberá axustarse aos principios de imparcialidade e profesionalidade dos seus membros, e tenderase, así mesmo, á paridade entre muller e home. O persoal de elección ou de designación política, e o persoal eventual non poderán formar parte dos órganos de selección. Así mesmo, a pertenza aos órganos de selección será sempre a título individual, non podendo ostentarse esta en representación ou por conta de ninguén.

2. - Os órganos de selección velarán polo cumprimento do principio de igualdade de oportunidades no acceso ao emprego público entre homes e mulleres.

3. Os órganos de selección non poderán propor o acceso dun número superior de aprobados ao de prazas convocadas, excepto cando así o prevexa a propia convocatoria. Sempre que os órganos de selección propoñan o nomeamento de igual número de aspirantes que o de prazas convocadas, e co fin de asegurar a cobertura das mesmas cando se produzan renuncias dos aspirantes seleccionados, antes do seu nomeamento ou toma de posesión, o órgano convocante poderá requirir do órgano de selección relación complementaria dos aspirantes que sigan aos propostos, para o seu posible nomeamento. Igualmente, as relacións complementarias dos aspirantes a prazas de persoal fixo constituirán listas de agarda para contratacións de persoal temporal, de acordo co que se estableza regulamentariamente.

4. Os representantes sindicais do persoal municipal terán dereito a participar no desenvolvemento dos procesos selectivos mediante a presencia dun representante nas sesións dos órganos de selección onde actuara con voz pero sen voto e velará polo cumprimento das bases e dos principios establecidos neste capítulo e na lexislación vixente.

Para estes efectos poderá facer constar nas actas das sesión dos órganos de selección calquera incidencia que considere oportuna en relación cos actos do proceso selectivo, e sen prexuízo das accións administrativas e xudiciais que considere oportunas de acordo coa lexislación vixente.

Os representantes sindicais nos órganos de selección serán designados polos delegados de persoal funcionario ou comité de empresa, según se trate de persoal funcionario ou laboral.

Artigo 72. Selección de persoal temporal.

1. - Para os efectos da selección do persoal funcionario interino ou laboral temporal, elaborarase un Regulamento de selección do persoal funcionario interino ou laboral temporal do Concello de Padrón, que formará parte deste acordo como anexo.

2. - Os funcionarios interinos e persoal laboral temporal so poderán desempeñar postos de traballo non singularizados. As súas retribucións básicas e complementarias serán idénticas ás do persoal fixo de igual grupo ou nivel de complemento de destino.

3. - Así mesmo, seralles de aplicación o disposto na Lei 53/84, de incompatibilidades do persoal ó servizo das administracións públicas.

Artigo 73. Acceso de persoas con discapacidade.

1. Nas ofertas de emprego público reservarase unha cota non inferior ao 7% das vacantes para seren cubertas entre persoas con discapacidade cun grao de minusvalidez igual ou superior ao 33%, de modo que progresivamente se acade o 2% dos efectivos totais do cadro de persoal do Concello, sempre que superen as probas selectivas e que, no seu momento, acrediten o indicado grao de minusvalidez e a compatibilidade co desempeño das tarefas e funcións correspondentes, segundo se determine regulamentariamente.

2. A reserva farase sobre o cómputo total das vacantes incluídas na oferta de emprego público, e poderanse concentrar as prazas reservadas para persoas con discapacidade naquelas convocatorias que se refiran a corpos, escalas ou categorías cuxo desempeño se adapte mellor ás peculiaridades das persoas discapacitadas.

3. Cando da aplicación da porcentaxe resulten fraccións decimais redondearase por exceso para o seu cómputo.

4. Se as prazas reservadas e que foron cubertas polas persoas con discapacidade non acadasen a taxa do 3% das prazas convocadas, as prazas non cubertas acumularanse á cota do 7% da oferta seguinte, cun límite máximo do 12%.

5. Ao acadarse o obxectivo do 2% ao que se refire a alínea 1 desta disposición, a porcentaxe mínima de reserva será do 5%, e non serán aplicables as alíneas 3 e 4 desta disposición mentres a porcentaxe se manteña ou se incremente.

6. Poderanse realizar convocatorias independentes, non supeditadas ás ordinarias, nas cales as prazas estarán reservadas a persoas con discapacidade cun grao de minusvalidez igual ou superior ao 33%. As probas terán o mesmo contido e grao de exixencia que as que se realicen nas convocatorias ordinarias. En calquera caso, as persoas que participen na convocatoria deberán acreditar a discapacidade e o grao de minusvalidez. As prazas incluídas nestas convocatorias computaranse, en todo caso, na cota reservada na oferta de emprego público para a súa cobertura entre persoas con discapacidade.

7. Nas probas selectivas, incluíndo os cursos de formación ou os períodos de prácticas, estableceranse para as persoas con discapacidade con grao de minusvalidez igual ou superior ao 33% que o soliciten as adaptacións e os axustes razoables necesarios de tempo e medios para a súa realización, para asegurar que as persoas con discapacidade participan en condicións de igualdade.

Artigo 74. Rexistro de persoal.

Constituirase un rexistro de persoal do Concello, no que se inscribirá todo o persoal ó seu servizo e se anotarán todos os actos que afecten á súa vida administrativa.

SECCIÓN 3.ª. - CARREIRA PROFESIONAL

Artigo 75. A carreira profesional.

1. - A carreira administrativa consiste na promoción desde o corpo ou escala dun determinado grupo ou subgrupo a outro superior (promoción interna), no ascenso dentro dos graos asignados ó mesmo corpo ou escala (ascenso por provisión de postos de traballo) ou no acceso a outro corpo ou escala do mesmo grupo.

Artigo 76. A promoción interna.

1. A promoción interna consistente no ascenso desde Corpos ou Escalas dun grupo de titulación a outros do inmediato superior. Os empregados municipais deberán para iso posuír a titulación esixida para o ingreso nos últimos, ter unha antigüidade de polo menos dous anos no Corpo ou escala a que pertenzan, así como reunir os requisitos e superar as probas que para cada caso se establezan

2. Nas convocatorias das probas selectivas reservarase un mínimo dun 25% das vacantes convocadas para persoal funcionario pertencente a corpos ou escalas do grupo inmediatamente inferior que, posuíndo a titulación esixida, si é o caso, e os demais requisitos inherentes á vacante que se vai cubrir, prestasen servizos efectivos durante polo menos dous anos no corpo ou na escala de pertenza.

As devanditas convocatorias deberán respectar en todo caso os principios de igualdade, mérito e capacidade, e poderán levarse a cabo en procesos separados dos de ingreso cando, por conveniencia da planificación xeral dos recursos humanos, así o acorde o Pleno da Corporación.

3. Para o acceso por promoción interna ás prazas do grupo A esixirase estar en posesión do título universitario de Grao. Naqueles supostos nos que a Lei esixa outro título universitario será este o que se teña en conta.

Os funcionarios do Subgrupo C1 que reúnan a titulación esixida poderán promocionar ao grupo A sen necesidade de pasar polo novo grupo B, coas condicións e requisitos establecidos na normativa básica.

Para o acceso por promoción interna a prazas do grupo B esixirase estar en posesión do título de Técnico Superior. Poderá participar nos procesos de promoción interna para o acceso ao subgrupo C1 o persoal municipal do subgrupo C2, aínda que careza da titulación exixida para a pertenza ao dito subgrupo C1, sempre que acredite unha antigüidade mínima de dez anos no subgrupo C2 ou ben teña unha antigüidade mínima de cinco anos e supere os cursos de formación que se determinen polos órganos da Corporación.

Igualmente, o persoal municipal integrado no subgrupo C3, poderá participar nos procesos de promoción interna para o acceso a prazas do subgrupo C2, aínda que careza da titulación esixida para a pertenza ao dito subgrupo, sempre que acredite unha antigüidade mínima de cinco anos no subgrupo C3 ou ben teña unha antigüidade mínima de dous anos e supere os cursos de formación que se determinen polos órganos da Corporación.

4. - O persoal que acceda a outros corpos ou escalas polo sistema de promoción interna terán, en todo caso, preferencia para cubri-los postos vacantes ofertados sobre os aspirantes que non procedan desta quenda.

Ademais, os aspirantes que superen tal proceso selectivo poderán tomar posesión da praza que xa viñesen desempeñando con carácter definitivo cando o nivel desta se encontre incluído no intervalo de niveis do corpo e grupo ó que accedan.

Igualmente,os aspirantes aprobados na quenda de promoción interna poderán solicitar que se lles adxudique destino no posto que viñesen desempeñando ou noutros postos vacantes dotados orzamentariamente, sempre que sexan de necesaria cobertura e cúmpranse os requisitos establecidos na Relación de Postos de Traballo. Neste caso, quedarán excluídos do sistema de adxudicación de destinos pola orde de puntuación obtido no proceso selectivo.

As prazas reservadas a promoción interna que non se cubran por este procedemento acumularanse ás de provisión libre.

5. - Así mesmo, o persoal que acceda a outros corpos ou escalas polo sistema de promoción interna conservarán o seu grao persoal que xa consolidasen no corpo ou na escala de procedencia, sempre que estea incluído no intervalo de niveis correspondente ó novo corpo ou escala, e o tempo de servicios prestados naqueles será aplicable, se é o caso, para a consolidación do grao persoal neste.

O disposto no presente Artigo seralles tamén aplicable ós funcionarios que accedan por integración a outros corpos ou escalas do mesmo grupo ou grupo superior de acordo co previsto nesta lei.

6. - Os empregados municipais poderán acceder a outros corpos ou escalas encadradas no mesmo grupo que teñan asignadas funcións substancialmente coincidentes no seu contido profesional e no seu nivel técnico, sempre que estean na posesión da titulación esixida en cada caso e superen as probas selectivas.

Poderán ser eximidos dalgunha das probas aqueles funcionarios que procedan da mesma área de especialidade profesional cá correspondente ó corpo ou escala á que se pretende promocionar.

7. O Concello poderá determinar na relación de postos de traballo ou outro procedemento de xestión de recursos humanos, os Corpos e Escalas de funcionarios aos que poderá acceder o persoal laboral dos grupos e categorías profesionais equivalentes ao Grupo de titulación correspondente ao Corpo ou Escala a que se pretenda acceder, sempre que desempeñen funciones substancialmente coincidentes ou análogas no seu contido profesional e no seu nivel técnico, se deriven ventaxes para a xestión dos servizos, se encontren en posesión da titulación académica requirida e superen as correspondentes probas.

Artigo 77. Fomento da promoción interna no Concello.

As condicións do exercicio do dereito á promoción profesional do persoal municipal negociarase entre o Concello e a representación dos traballadores/as cada ano en función da situación do cadro de persoal e as vacantes a prover en cada oferta de emprego. A provisión de prazas por promoción interna xestionaranse separadamente da oferta de emprego público, e requirirá en calquera caso que os aspirantes reúnan os requisitos das prazas ás que queren acceder así como a superación das probas de capacidade que se determinen en cada convocatoria.

Artigo 78. O grao persoal.

1. - Todo empregado municipal posúe un grao persoal que corresponderá a un dos niveis nos que se clasifican os postos de traballo na relación de postos de traballo do Concello

2. - A carreira profesional dos funcionarios de carreira iniciarase no grao, nivel, categoría, chanzo e outros conceptos análogos correspondentes á praza inicialmente asignada ao funcionario tras a superación do correspondente proceso selectivo, que terán a consideración de mínimos. A partir daqueles, produciranse os ascensos que procedan segundo a modalidade de carreira aplicable en cada ámbito.

O grao persoal adquírese polo desempeño dun ou máis postos de nivel correspondente durante dous anos continuados ou durante tres con interrupción. Se durante o tempo en que o empregado desempeña un posto se modificase o nivel destes, o tempo do desempeño computarase no nivel máis alto co que tal posto estivese clasificado.

Malia o disposto no parágrafo anterior, os empregados que obteñan un posto de traballo superior en máis de dous niveis ó correspondente ó seu grao persoal consolidarán cada dous anos de servicios continuados o grao superior en dous niveis ó que posuísen sen que en ningún caso poidan supera-lo correspondente ó do posto desempeñado.

3. - O Pleno da Corporación asignará nivel a cada posto a través da relación de postos de traballo, atendendo a criterios de especialización, responsabilidade, competencia e mando, así como á complexidade funcional dos postos.

4. En ningún caso os empregados municipais poderán obter postos de traballo non incluídos nos niveis do intervalo correspondente ao grupo de titulación en que figure clasificada a súa Escala, Subescala, clase ou categoría.

5. - Os empregados municipais terán dereito, calquera que sexa o posto de traballo que desempeñen, a percibir polo menos o complemento de destino dos postos de nivel correspondente ó seu grao persoal. Non obstante, a percepción do complemento específico será sempre a que lle corresponda ó posto realmente desempeñado.

6. - Os empregados que cesen nun posto de traballo sen obter outro polos sistemas de provisión previstos no presente Acordo quedarán ao dispor do alcalde, que lles atribuirá o desempeño dun posto provisional correspondente ao seu corpo ou escala, non inferior en máis de dous niveis ao do seu grao persoal, en tanto non obteñan outro con carácter definitivo, con efectos do día seguinte á data do cesamento.

7. - O tempo de permanencia na situación de servicios especiais será computado, para efectos de consolidación do grao persoal, como prestado no último posto desempeñado en situación de servicio activo ou no que posteriormente se obtivese por concurso.

8. - A adquisición e os cambios de grao inscribiranse no Rexistro de Persoal logo de recoñecelos o órgano competente.

9. - Os graos superiores dos corpos ou escalas poderán coincidir cos inferiores do corpo ou escala inmediatamente superior.

10. - A adquisición dos graos superiores polo persoal dos corpos e escalas de cada grupo poderá realizarse tamén mediante a superación de cursos de formación ou outros requisitos obxectivos que determine o Pleno. O procedemento de acceso aos cursos e a fixación dos outros requisitos obxectivos fundamentarase exclusivamente en criterios de mérito e capacidade, e a selección deberá realizarse mediante concurso.

Artigo 79. Requisitos para a provisión.

A provisión de postos de traballo, así como a formalización de novos contratos, requirirá que os correspondentes postos figuren detallados na relación de postos. Este requisito non será preciso cando se trate de realizar tarefas de carácter non permanente e con cargo a créditos correspondentes a persoal laboral eventual ou ao capítulo de investimentos.

Artigo 80. Principios e procedementos de provisión de postos de traballo do persoal funcionario.

1. O Concello de Padrón proverá os postos de traballo mediante procedementos baseados nos principios de igualdade, mérito, capacidade e publicidade.

2. A provisión de postos de traballo levarase a cabo polos procedementos de concurso e de libre designación con convocatoria pública, e axustaranse ao previsto na normativa dos funcionarios da Xunta de Galicia.

3. As convocatorias para a provisión de postos de traballo por concurso ou por libre designación, así como as correspondentes resolucións, deberán facerse públicas nos Boletíns ou Diarios Oficiais correspondentes.

Artigo 81. Concurso de provisión dos postos de traballo do persoal funcionario.

1. O concurso, como procedemento normal de provisión de postos de traballo, consistirá na valoración dos méritos e capacidades e, no seu caso, aptitudes dos candidatos por órganos colexiados de carácter técnico. A composición destes órganos responderá ao principio de profesionalidade e especialización dos seus membros e adecuarase ao criterio de paridade entre muller e home. O seu funcionamento axustarase ás regras de imparcialidade e obxectividade.

2. Nas convocatorias de concurso deberán incluirse, en todo caso, os seguintes datos e circunstancias:

"¢"‚Denominación, nivel e localización do posto.

"¢"‚Requisitos indispensables para desempeñalo.

"¢"‚Baremo para puntuar os méritos.

"¢"‚Puntuación mínima para a adxudicación das vacantes convocadas.

Artigo 82. Libre designación con convocatoria pública do persoal funcionario.

1. - A libre designación con convocatoria pública consiste na apreciación discrecional polo órgano competente da idoneidade dos candidatos en relación cos requisitos esixidos para o desempeño do posto.

2. Poderán cubrirse polo procedemento de libre designación con convocatoria pública os postos que, pola súa especial responsabilidade e confianza, determine a Lei de Función Pública de Galicia que se dite en desenvolvemento do Estatuto do Empregado Público.

3. As convocatorias para a provisión de postos por libre designación incluirán os datos seguintes:

"¢"‚Denominación, nivel e localización do posto.

"¢"‚Requisitos indispensables para desempeñalo.

4. O órgano competente para o nomeamento poderá solicitar a intervención de especialistas que permitan apreciar a idoneidade dos candidatos.

5. Os titulares dos postos de traballo provistos polo procedemento de libre designación con convocatoria pública poderán ser cesados discrecionalmente.

Artigo 83. Provisión de postos do persoal laboral.

A provisión de postos e mobilidade do persoal laboral realizarase polos mesmos procedementos que o persoal funcionario de carreira.

CAPÍTULO X. - INCOMPATIBILIDADES

Artigo 84. Réxime de incompatibilidade.

A todo o persoal incluído no ámbito de aplicación deste Acordo aplicaráselle o réxime de incompatibilidades establecido na Lei 53/1984, de 26 de decembro, de incompatibilidades do persoal ao servizo das Administracións Públicas.

CAPÍTULO XI. - NORMALIZACIÓN LINGÜÍSTICA

Artigo 85. Normalización lingüística.

1. Os traballadores do Concello de Padrón teñen o dereito e o deber de desenvolve-la súa actividade laboral e profesional en idioma galego, como lingua propia de Galicia e da súa Administración local, e polo tanto a acceder á formación lingüística precisa para un adecuado desempeño do seu posto de traballo.

2. En todo o relacionado co uso do galego no Concello, será de aplicación o estipulado na normativa vixente en materia de normalización linguística, así como o especificado no Regulamento do uso do Galego na Administracción Pública do Concello de Padrón.

3. O Concello de Padrón proporcionará os instrumentos axeitados para propiciar un coñecemento adecuado da lingua galega. Os traballadores do Concello de Padrón teñen o dereito e o deber de asistir a cursos de aprendizaxe, perfeccionamento e especialización do idioma galego precisos para un adecuado desempeño do seu posto de traballo.

4. O tempo investido na asistencia aos devanditos cursos será computado como tempo efectivo de traballo e os gastos de desprazamento e axudas de custo xeradas pola asistencia aos mesmos serán de conta do Concello cando se trate de cursos programados ou autorizados polo correspondente órgano municipal e de asistencia obrigada.

5. Para lle dar cumprimento á normalización do idioma galego no Concello de Padrón e para garantir o dereito dos administrados ao uso da lingua propia de Galicia nas relacións coa administración municipal, e en cumprimento da obriga de promover o uso normal do galego por parte dos poderes públicos de Galicia que determina o artigo 6.3 da Lei de normalización lingüística, nas probas selectivas que se realicen para o acceso ás prazas do Concello de Padrón, terase que demostrar o coñecemento da lingua galega.

Para estes efectos, as bases das convocatorias establecerán que unha ou máis das probas do proceso selectivo se deberán realizar exclusivamente en lingua galega, e iso sen prexuízo doutras probas adicionais, que se puidesen prever, para aqueles postos de traballo que requiran un especial coñecemento da lingua galega.

CAPÍTULO XII. - SISTEMA RETRIBUTIVO

Artigo 86. Normas comúns.

1. - Os empregados públicos do Concello de Padrón só serán remunerados segundo os conceptos e contías que se determinan no presente Acordo.

2. - Non poderán percibir participación en tributos ou en calquera outro ingreso das Administracións Públicas como contraprestación de calquera servizo, participación ou premio en multas impostas, aínda cando a xestión estivese atribuída aos servizos, nin retribucións ou contraprestacións distintas ás determinadas nos artigos seguintes por ningún outro concepto, nin sequera por confección de proxectos, dirección ou inspección de obras ou presupostos, asesorías ou emisión de dictames ou informes.

3. - A orde de pagamento de gastos de persoal terá preferencia sobre calquera outra que deba realizarse con cargo ao orzamento ordinario do Concello.

4. - As retribucións do persoal ao servizo do Concello de Padrón teñen carácter público e, polo tanto, poderán ser coñecidas, cotexadas, comprobadas, por calquera que o desexe.

Artigo 87. Conceptos retributivos.

As retribucións que poden percibir os empregados públicos do Concello de Padrón son básicas e complementarias. A súa aplicación e conceptos retributivos determínanse consonte o establecido na Lei 30/84, en tanto non sexa desenvolvido pola Lei da Función Pública Galega o novo réxime de retribucións previsto na Lei 7/2007 de 12 de abril, do Estatuto Básico do Empregado Público.

Artigo 88. Retribucións básicas.

As retribucións básicas, estarán integradas única e exclusivamente por:

a) O soldo, que se fixará pola Lei de Orzamentos Xerais do Estado en función do grupo ou subgrupo de clasificación profesional en que se organizan as escalas de persoal funcionario e laboral do Concello, segundo o establecido no Capítulo IX deste Acordo.

O soldo dos funcionarios do subgrupo A1 non poderá exceder en máis de tres veces o soldo dos funcionarios do subgrupo C3.

b) Os trienios, que consisten nunha cantidade, que será igual para cada Subgrupo ou Grupo de clasificación profesional, no caso de que este non teña Subgrupo, por cada tres anos de servizo.

"¢"‚No caso de que un empregado municipal preste os seus servizos sucesivamente en diferentes corpos, escalas, clases ou categorías de distinto grupo de clasificación, terá dereito a seguir percibindo os trienios devengados nos grupos anteriores. Cando un empregado cambie de adscrición ó grupo antes de completar un trienio, a fracción do tempo transcorrido considerarase como tempo de servicios prestados no novo grupo.

"¢"‚Para os efectos de recoñecemento de trienios, recoñecerase ao persoal municipal a totalidade dos servizos previos indistintamente prestados en calquera administración pública, así como o período de prácticas do persoal que teñan superado as probas de ingreso na Administración Pública. Consideraranse servizos efectivos todos os indistintamente prestados en todas as esferas da Administración Pública, tanto en calidade de funcionario de emprego (eventual ou interino) como os prestados en réxime de contratación administrativa ou laboral.

"¢"‚Asemade, os empregados municipais terán dereito a percibir o importe dos trienios que tivesen recoñecidos por servizos sucesivos prestados, desempeñando praza ou destino en propiedade, en calquera esfera da Administración, ou na Administración militar e Corpos e Forzas de Seguridade do Estado.

"¢"‚Os dereitos individuais de natureza económica que resulten do establecido no presente Acordo, deberán ser computados polo Servicio de Persoal a instancia de parte, xustificando o interesado á súa pretensión mediante certificación acreditativa dos servizos prestados.

c) As pagas extraordinarias, que serán de dúas ao ano por un importe mínimo cada unha delas de unha mensualidade de soldo, trienios, complemento de destino e complemento específico.

Incrementarase progresivamente a contía do complemento específico anual para que no ano 2009 se perciban as pagas extraordinarias pola mesma contía que as mensuais. Para estes efectos seguiranse os mesmos criterios que para o persoal da Xunta de Galicia.

As pagas extraordinarias percibiranse nos meses de xuño e decembro.

Artigo 89. Retribucións complementarias.

Son retribucións complementarias:

a) O complemento de destino correspondente ó nivel do posto desempeñado, de acordo co establecido na relación de postos de traballo e será igual para todos os postos do mesmo nivel.

Os complementos de destino asignados pola Corporación na relación de postos de traballo deberán figurar nos Orzamentos anuais coa contía que estableza a Lei de Orzamentos Xerais do Estado para cada nivel.

b) O complemento específico, destinado a retribuir as condicións particulares dos postos de traballo en atención á súa especial dificultade técnica, dedicación, responsabilidade, incompatibilidade, perigosidade ou penosidade. En ningún caso poderá asignarse máis de un complemento específico a cada posto de traballo. Este complemento figurará na relación de postos de traballo. A cantidade global destinada á asignación de complementos específicos figurará no Orzamento ordinario do Concello.

O establecemento ou modificación do complemento específico esixirá, con carácter previo, que pola Corporación se efectúe unha valoración do posto de traballo atendendo ás circunstancias expresadas no parágrafo anterior. Efectuada a valoración, o Pleno da Corporación, ao aprobar a modificación da relación de postos de traballo determinará a contía que lle corresponda.

Os postos de traballo que esixan o mesmo nivel de titulación e que teñan similar grao de dificultade terán os mesmos complementos de destino e específico se son semellantes as condicións de traballo.

c) O complemento de productividade, destinado a retribuir o especial rendemento, a actividade extraordinaria, e o interese ou a iniciativa con que o funcionario desempeñe o seu traballo.

A súa asignación realizarase conforme criterios obxectivos establecidos regulamentariamente coa necesaria información e participación dos representantes do persoal. En calquera caso, as cantidades que perciba cada empregado municipal por este concepto serán de coñecemento público dos demáis empregados municipais, así como dos representantes sindicais.

Corresponde ao Pleno determinar no orzamento a cantidade global destinada á asignación do complemento de productividade. Corresponde ao alcalde a asignación individual do complemento de productividade, ao abeiro dos criterios que teña establecido o Pleno, sen prexuízo das delegacións que poida conferir.

d) As gratificacións, que en ningún caso poderán ser fixas na súa contía nin periódicas na súa percepción, terán que responder a servizos extraordinarios realizados fora da xornada normal de traballo.

Corresponde ao Pleno da Corporación determinar no orzamento anual a cantidade global destinada á asignación de gratificacións. Corresponde ao alcalde a asignación individual das gratificacións, ao abeiro dos criterios que teña establecido o Pleno, sen prexuízo das delegacións que poida conferir.

Artigo 90. Retribucións dos funcionarios interinos.

1. Os funcionarios interinos percibirán as retribucións básicas e as pagas extraordinarias correspondentes ao Subgrupo ou Grupo de adscrición, no caso de que este non teña Subgrupo. Percibirán así mesmo as retribucións complementarias as que se refire este capítulo.

Artigo 91. Retribucións dos funcionarios en prácticas.

As Administracións Públicas determinarán as retribucións dos funcionarios en prácticas que, como mínimo, corresponderanse ás do soldo do Subgrupo ou Grupo, no caso de que este non teña Subgrupo, en que aspiren a ingresar. Artigo 92. - Retribucións do persoal laboral.

O persoal laboral será retribuído conforme o previsto no presente Acordo colectivo, procurándose a igualdade de retribucións para o persoal que desempeñe postos da mesma escala, grupo, nivel e características específicas que os postos de traballo de persoal funcionario.

CONTIA DAS RETRIBUCIONS PARA 2008

Artigo 93. Contías das retribucións básicas para 2008.

As retribucións mensuais básicas a percibir no ano 2008 polos empregados municipais en concepto de soldo e trienios que correspondan ao Grupo ou Subgrupo no que se atope clasificado o Corpo ou Escala a que perteneza, serán as seguintes:

 

Grupo/Subgrupo s/E.B.E.P. Lei 7/2007	Soldo	Trienios
A1	1.135,11	43,63
A2	963,37	34,92
B	836,08	30,43
C1	718,14	26,22
C2	587,2	17,52
C3: grupo E Lei 30/84 (agrupaciones profesionales según E.B.E.P)	536,09	13,15

Artigo 94. Contías das retribucións complementarias para 2008.

1. - Contía do complemento de destino.

O complemento de destino mensual correspondente ao nivel do posto de traballo que se desempeñe segundo o establecido na relación de postos de traballo do Concello, será o seguinte para o 2008.

 

Nivel	Comp. destino mensual
30	996,73
29	894,03
28	856,45
27	818,84
26	718,37
25	637,36
24	599,76
23	562,18
22	524,56
21	487,01
20	452,4
19	429,3
18	406,18
17	383,07
16	360,02
15	336,89
14	313,81
13	290,68

2. - Contía do complemento específico.

As contías dos complementos específicos de cada posto de traballo para 2008 será a que figure na relación de postos de traballo, que acompaña aos orzamentos ordinarios do Concello para o mesmo ano, na que se deberá incluir ó persoal laboral. Para estes efectos teranse en conta ademais das circunstancias legais para a valoración dos complementos específicos as referidas a traballos nocturnos, festivos ou por quendas e xornada partida.

3. - Contía das gratificacións para 2008.

1. - No suposto de que os servizos extraordinarios realizados fora da xornada normal de traballo non poidan ser compensados en tempo libre, segundo o disposto no Capítulo VII deste Acordo, serán compensados consonte as seguintes formula:

 

Retribución íntegra anual (agás antigüidade)
---------------------------------------------	x 1,5
Xornada anual

2. - Os importes das horas extraordinarias incrementaranse de acordo co establecido no artigo 47.7 cando sexan en día festivo ou nocturno.

3. - O persoal que teña que traballar en xornada ordinaria no turno de noite dos días 24 de xullo, noiteboa ou fin de ano, percibirá unha gratificación extraordinaria única de 120 € por noite.

Artigo 95. Indemnizacións por razóns de servizo.

Os/as traballadores/as municipais percibirán as indemnizacións por razón do servizo que lles correspondan, de acordo coa normativa básica.

Darán orixe a indemnización ou compensación por razón de servizo os supostos previstos no Real Decreto 462/2002, de 24 de mayo.

1. Gastos de desprazamento.

a) Terán a consideración de gastos de desprazamento as cantidades a pagar ao persoal polos gastos ocasionados pola utilización de calquera medio de transporte por razón do servizo encomendado. Este concepto equivale a viaxar por conta da entidade utilizando o medio de transporte que se determine e procurando que o desprazamento se efectúe por liñas regulares de transporte.

Para o ano 2008, o importe da indemnización a percibir como gastos de viaxe por uso do vehículo particular establécese en 0,19 € por km percorrido polo uso de automóbiles e 0,078 € por motocicletas.

2. Indemnización por asistencia.

Para o ano 2008 a indemnización por asistencia a sesións de tribunais ou comisións de seleccións para o acceso ou promoción no emprego público serán as seguintes, segundo o grupo da praza seleccionada:

 

Categoría	I	II	III
Presidente/Secretario	45,89	42,83	39,78
Vocal	42,83	39,78	36,72

Categoría primeira: acceso a prazas dos subgrupos A1 ou A2.

Categoría segunda: acceso a prazas dos subgrupos B, C1 e C2.

Categoría terceira: acceso a prazas do grupo subgrupo C3.

3. Axudas de custo.

Entenderase por axuda de custo a cantidade que se pagará polos gastos orixinados cada día pola estancia e manutención fóra da residencia habitual por razóns do servizo. As contías para o ano 2008 serán as seguintes:

 

Por aloxamento	Por manutención	Dieta completa
58,90	36,66	95,56

Artigo 96. - Indemnización especial.

1. - Defínese como indemnización especial a compensación que se outorga ao empregado polos danos, perdas ou gastos extraordinarios que se produzan por razón ou como consecuencia dos servizos encomendados.

2. - Excepcionalmente, o Concello poderá aboar unha indemnización especial polos danos, perdas ou gastos extraordinarios que se deriven de sinistro ou catástrofe que afecte aos/as traballadores/as municipais, individual ou colectivamente.

A avaliación exacta da contía que corresponde a este concepto corresponderá á Xunta de Goberno, logo de examinar tanto o dictame pericial oportuno como o informe do correspondente órgano de representación sindical.

Artigo 97. Actualización das contías das retribucións.

1. - Durante o período de vixencia do presente Acordo, as retribucións establecidas no mesmo experimentarán o incremento que determine a lexislación do Estado para o persoal o servizo das Administracións Públicas, sin prexuízo das adecuacións necesarias para asegurar que as asignadas a cada posto de traballo garden relación con contido de especial dificultade técnica, dedicación, responsabilidade, perigosidade ou penosidade do mesmo, así como as que se deriven do grado de consecución dos obxectivos fixados e do resultado individual da súa aplicación.

2. - En todo caso, o Concello de Padrón establecerá os mecanismos de compensación que corresponda para evitar que durante a vixencia deste Acordo as retribucións do persoal municipal, consideradas individualmente, perdan poder adquisitivo por mor da desviación do IPC neste período.

CAPÍTULO XIII. - ACCIÓN SOCIAL

Artigo 98. Fondo social.

1. O concello dotará anualmente no seu orzamento unha partida ou fondo para o financiamento de gastos de natureza social e sanitaria do seu persoal.

2. Especificamente, o fondo de acción social dedicarase, entre outros, a subvencionar ao persoal municipal por persoas a cargo con diminución da capacidade física ou psíquica, gastos sanitarios non incluídos no réxime xeral da Seguridade Social, gastos en escolas infantís, gastos de estudos oficiais ou compra ou rehabilitación de primeira vivenda.

3. A contía da partida do fondo de acción social será do 1% da masa salarial para o ano 2008, e do 1,5% a partir do 2009 e sucesivos.

4. A xestión e a asignación individualizada do importe desta partida rexirase polo Regulamento de Acción Social do presente acordo que figura como anexo.

Artigo 99. Anticipos.

1. O Concello determinará as bases de execución dos orzamentos anuais unha contía máxima sobre a masa salarial anual, para a concesión de anticipos ao persoal cos seguintes criterios.

a) Os empregados municipais terán dereito a percibir anticipadamente ata o 90% das súas retribucións mensuais brutas, que se descontará automaticamente na nómina do mes en que se conceda

b) Os empregados municipais terán dereito a percibir anticipadamente o importe das súas retribucións de dúas mensualidades, que se reintegrarán sen xuro no prazo máximo de 14 meses.

2. Por pedimento do interesado os anticipos poderán amortizarse en prazos inferiores aos establecidos ou mediante entrega de contías a tanto alzado

A concesión dos distintos tipos de anticipos que se establecen serán compatibles entre si. Nembargante, a concesión simultánea de anticipos previstos no presente artigo obriga aos beneficiarios á amortización simultánea e individualizada de cada un deles

3. Será requisito imprescindible para poder solicitar o anticipo salarial que o traballador se atope incluído na nómina de haberes, polo menos, dende o mes anterior á formalización da solicitude, que a súa vinculación laboral co Concello de Padrón teña, de principio, unha duración superior ao período de devolución do anticipo e que non teña outro anticipo da mesma natureza sen cancelar.

4. A devolución das cantidades anticipadas practicarase por cantidades iguais en cada mensualidade, mediante deduccións nas nóminas correspondentes e a partir do mes seguinte ao da concesión do anticipo.

5. No suposto de que o traballador a quen se lle outorgou un anticipo causara baixa no seu posto de traballo como consecuencia da extinción da súa relación laboral, concesión de calquera tipo de excedencia, permiso sen soldo ou suspensión da relación laboral, con excepción da dimanante de incapacidade temporal ou maternidade na muller traballadora, deberá reintegrar as cantidades non devoltas dentro do mesmo mes en que se produza a mencionada baixa.

Artigo 100. Asistencia xurídica e responsabilidade civil.

1. O Concello garantirá a prestación de asistencia xurídica a todo o persoal que a precise por razón de conflictos con terceiros derivados da prestación do servizo.

2. Asi mesmo, o Concello asumirá as posibles responsabilidades civís que puidesen derivarse da prestación do servizo dos empregados municipais. A estes efectos, o Concello poderá subscribir unha póliza de seguro que garanta unha cobertura adecuada por este concepto

3. O Concello concertará unha póliza de seguro colectivo de accidentes para os seus traballadores, que cubra os riscos de morte e invalidez garantindo os seguintes capitais

a) Morte por accidente: 30.100 €

b) Invalidez total: 30.100 €

c) Invalidez parcial: segundo baremos.

4. O incumprimento do disposto no presente artigo suporá a obriga do Concello de asumir subsidiaria e directamente as indemnizacións establecidas en cada caso.

Artigo 101. Incapacidade laboral.

O Concello completará as percepcións dos empregados durante a situación de baixa por Incapacidade Temporal, ata o 100% das súas retribucións mensuais durante o período, debéndose xustificar tal situación mediante o correspondente parte facultativo.

Artigo 102. Segunda actividade.

1. A segunda actividade é unha situación administrativa especial que ten por obxecto fundamental garantir unha adecuada aptitude psicofísica dos traballadores mentras permanezan en activo, asegurando a eficacia no servizo.

2. Na situación de segunda actividade permanecerase ata o pase á xubilación ou a outra situación que non poderá ser a de servicio activo, agás no caso de que a causa de pase á situación de segunda actividade fose a insuficiencia das aptitudes psicofísicas e a mesma teña desaparecido, suposto no que o traballador deberá reintegrarse ao seu posto de orixe.

3. En función da dispoñibilidade de persoal e das necesidades orgánicas e funcionais do Concello, opersoal que pase á situación de segunda actividade poderá ocupar aqueles postos de traballo que o Concello sinale na relación de postos de traballo, previa negociación cos representantes sindicais.

4. As causas polas que se poderá pasar a segunda actividade son as seguintes:

a) Por petición propia cando se cumprisen 55 anos ou 25 anos de servizos efectivos, no caso de traballadores da policía local, sempre que non estén destinados a actividades estrictamente burocráticas. Neste caso o Concello poderá limitar o número de traballadores que poden pasar á segunda actividade en función da súa idade, das dispoñibilidade de persoal e das necesidades orgánicas e funcionais.

b) Por insuficiencia das aptitudes psico-físicas, cando o traballador estea incapacitado para o exercicio da súa función habitual, sempre que non sexa causa de xubilación anticipada por incapacidade permanente. Neste caso o pase a segunda actividade requerirá do exame dun tribunal médico.

5. Durante o pase a segunda actividade o que ocupe destino percibirá a totalidade das retribucións xerais que correspondan ao persoal da súa categoría en activo, as de carácter persoal que teña recoñecidas ou perfeccione e, ademais, as específicas inherentes ao posto de traballo que desempeñe e, se procede, o complemento de productividade.

Artigo 103. Prima por xubilación.

1.Os/as traballadores/as municipais poderán acumular ás vacacións anuais correspondentes ao último ano previo á data de xubilación un permiso retribuído de 1 día natural por cada ano de servizos prestados ao Concello de Padrón.

CAPÍTULO XIV. - RÉXIME DISCIPLINARIO

Artigo 104. Réxime disciplinario.

1. O persoal do Concello de Padrón poderá ser sancionado pola comisión das faltas tipificadas no Titulo VII da Lei 7/2007, do 12 de abril, do Estatuto Básico do Empregado Público. O procedemento sancionador rexerase polo regulamento de réxime disciplinario dos funcionarios da administración da Comunidade Autónoma de Galicia.

2. O réxime disciplinario establecido enténdese sen prexuízo da responsabilidade civil ou penal en que poidan incorre-los empregados públicos, que se fará efectiva na forma que determine a lei.

3. As faltas cometidas polos empregados municipais no exercicio dos seus cargos poderán ser moi graves, graves e leves, tal e como se establece na lexislación referida.

4. As persoas responsables, infraccións e sancións disciplinarias, extinción de responsabilidade e tramitación do procedemento configurarán no seu conxunto o réxime disciplinario.

5. En todo caso garantirase a audiencia do interesado e a presentación pola súa parte das alegacións que estime oportunas ao longo do procedemento, así como a audiencia dos órganos de representación sindical nos momentos procesuais determinantes da resolución final, como son a incoación do expediente e a formulación do prego de cargos e da proposta de resolución.

CAPÍTULO XV. - CONSOLIDACIÓN DO EMPREGO TEMPORAL E FUNCIONARIZACIÓN

Artigo 105. Principios xerais.

1. Conscientes da existencia no Concello de Padrón dun importante volume de emprego temporal que responde a necesidades de carácter permanente e estructurais, así como dun número de traballadores laborais fixos que, de acordo coa normativa vixente ocupan postos que deberían estar reservados a persoal funcionario, co obxectivo de solucionar as situacións aludidas formúlase a presente proposta de consolidación de emprego temporal e de funcionarización de persoal laboral.

Artigo 106. Criterios aplicables.

1. Consolidación do emprego temporal.

1. Co obxectivo de axiliza-los procesos de consolidación de emprego temporal, o Concello comprométese a elaborar e aprobar no prazo máis breve posíbel, e como máximo no prazo de seis meses dende a entrada en vigor deste Convenio, unha Relación de Postos de Traballo. No proceso de elaboración da Relación de Postos de Traballo garántese a participación do persoal. Na mesma avaliarase a situación laboral do Concello e proporase a creación das correspondentes prazas co fin de incluír as mesmas na oferta de emprego público. Antes da súa aprobación polo Pleno do Concello a RPT será negociada cos representantes sindicais.

2. Co fin de garantir e facilitar os procesos de consolidación de emprego temporal, na primeira Oferta de Emprego Público que se aprobe tras a publicación da RPT e nun proceso específico separado do de ingreso, incluiranse tódolos postos de traballo de carácter permanente que estableza a RPT que estean ocupados con persoal temporal.

En tanto non se aprobe a correspondente Oferta de Emprego Pública destinada a consolidar o emprego temporal, o Concello comprométese a asegurala continuidade da vinculación contractual daqueles traballadores que teñan contrato laboral en vigor na data de aprobación deste Convenio e xa estiveran contratados antes do 1 de xaneiro de 2006, sempre que a súa vinculación non responda a funcións ou tarefas de carácter conxuntural e non permanente, e non dependa exclusiva e integramente de financiamento alleo.

3. A consolidación de emprego deberá realizarse de acordo coas necesidades de planificación estratéxica de recursos humanos. En consecuencia, poderá conleva-la recolocación e traslados de prazas e postos precisos, de conformidade coas necesidades dos servizos e ao abeiro dos procedementos de provisión previstos neste Acordo.

4. A convocatoria dos procesos selectivos para a substitución do emprego interino e consolidación do emprego temporal estrutural e permanente efectuarase de acordo cos principios de igualdade, mérito, capacidade e publicidade, mediante os sistemas de concurso-oposición ou concurso. Na fase de concurso valoraranse, entre outros méritos e singularmente, a experiencia nos postos de traballo obxecto da convocatoria ou noutros de similares características, así como a experiencia en calquera posto desenvolvidos no Concello. As bases da convocatoria de prazas que deban ser obxecto de consolidación serán negociadas coa representación sindical

5. O contido das probas gardará relación cos procedementos, as tarefas e as funcións habituais dos postos obxecto de cada convocatoria. Na fase de concurso poderanse valorar, entre outros méritos, o tempo de servizos prestados nas administracións públicas e a experiencia nos postos de traballo obxecto da convocatoria.

O contido das probas gardará relación cos procedementos, as tarefas e as funcións habituais dos postos obxecto de cada convocatoria. Na fase de concurso poderanse valorar, entre outros méritos, o tempo de servizos prestados nas administracións públicas e a experiencia nos postos de traballo obxecto da convocatoria.

A valoración de méritos das persoas que superasen a fase de oposición só poderá outorgar unha puntuación proporcionada, que non determinará por si mesma o resultado do proceso selectivo».

6. As condicións para a consolidación do emprego temporal fixadas nos apartados anteriores aplicaranse nas dúas ofertas de emprego público posteriores á aprobación da RPT.

2. Procesos de funcionarización.

Os procesos de funcionarización responden á necesidade de adaptar á normativa vixente o réxime xurídico funcionarial ou laboral dos postos de traballo do Concello, de conformidade coas previsións contidas na Lei de Administración Local de Galicia e neste convenio.

O Concello, trala negociación coa representación sindical, definirá na relación de postos de traballo aqueles postos que deberán ser desempeñados por persoal funcionario e que, en consecuencia, deben ser obxecto de funcionarización.

Os procesos de funcionarización regularanse polas bases específicas da convocatoria, que deberán ser obxecto de negociación coa representación sindical, de acordo cos seguintes criterios:

a) Só poderán participar nestes procesos os traballadores fixos contratados en réxime laboral que ocupen postos que deban ser desempeñados en réxime funcionarial.

b) Os aspirantes deberán reuni-los requisitos xerais de acceso á función pública local, de acordo coa normativa vixente.

c) As convocatorias poderán ser sectorizadas e esixiranse coñecementos relacionados coas tarefas que se desenvolvan na área de actividade correspondente.

d) Procurarase facilitar ao persoal afectado formación axeitada ás esixencias dos correspondentes procesos selectivos.

e) Os plans de emprego poderán establecer criterios específicos, en particular sobre as oportunidades dos candidatos para concorrer ás probas selectivas.

CAPÍTULO XVI. - FORMACIÓN NO CONCELLO DE PADRÓN

Artigo 107. Obxectivos.

A formación dos empregados municipais constitúe un valor fundamental para calquera proxecto que queira afronta-la modernización dunha administración local. Neste contexto a formación debe ser considerada como unha necesidade e unha obriga, constituíndo un obxectivo básico para incrementa-la motivación e a integración dos empregados e un mecanismo eficaz e indispensable para articula-la mobilidade e a promoción.

E manifesta, pois, a importancia da formación no momento actual para desenvolver unha administración máis eficaz, polo que as súas principais funcións serán as seguintes:

a) Unha función de adaptación permanente á evolución das profesións e do contido dos postos de traballo e, polo tanto, de mellora das competencias e cualificacións indispensables para incrementa-la eficacia e a calidade dos servizos que presta o concello e o persoal ao seu cargo.

b) Unha función de promoción que permita aos empregados municipais evita-lo estancamento na súa cualificación profesional.

c) Unha función de adecuación e integración das previsións dos plans de emprego, entendidos como mecanismo de planificación estratéxica de recursos humanos.

Artigo 108. Plans de formación continua do Concello de Padrón.

1. O Concello de Padrón elaborará un Plan de formación continua para o seu persoal, en congruencia cos obxectivos e as prioridades da organización, e integrado na planificación estratéxica dos recursos humanos do Concello. Para estes efectos levará a cabo unha enquisa cara a detección de necesidades formativas

2. Na elaboración do Plan de formación continua do Concello poderán ser tidas en conta as actividades formativas desenvolvidas por outras administracións públicas.

3. O Plan de formación continua do Concello de Padrón poderá agruparse ou integrarse parcialmente noutros plans de concellos limítrofes, co fin de garantir unha maior eficacia e eficiencia da formación.

4. O Plan de formación continua terá, como mínimo, o seguinte contido:

"¢"‚Obxectivos e descrición das accións a desenvolver.

"¢"‚Ámbito de aplicación do plan e unidades administrativas ás que afecta.

"¢"‚Colectivo afectado e número de participantes.

"¢"‚Calendario previsto de execución.

"¢"‚Custo estimativo das distintas actividades formativas

"¢"‚Criterios de selección, que garantirán o principio de igualdade.

"¢"‚Modalidade de xestión das actividades formativas.

"¢"‚Institución responsable da impartición

Artigo 109. Acceso aos plans de formación.

1. Tódolos empregados do concello de Padrón deberán ter a posibilidade de accede aos plans de formación continua, así como a plans agrupados que engloben a esta administración local. Para estes efectos, disporán de 40 horas anuais que serán consideradas xornada efectiva de traballo.

Complementariamente, o Concello poderá autorizar, cando o permitan as necesidades do servizo, a asistencia do persoal a seminarios ou encontros profesionais. Cando o contido dos mesmos o aconsellen, a asistencia poderá computar como xornada de traballo e poderán ser sufragados os gastos de asistencia correspondentes. Para estes efectos, o Concello disporá os medios suficientes para a substitución do persoal no seu lugar de traballo

2. Nos plans de formación recolleranse primordialmente accións de formación que teñan unha alta demanda e que non se solapen con accións xa desenvolvidas ou que poidan ser realizadas noutra administración.

CAPÍTULO XVII. - SAÚDE E SEGURIDADE

Artigo 110. Introducción.

1. Aos efectos de prevención, seguridade e saúde laboral, será de aplicación no Concello de Padrón a Lei 31/1995, de 8 de novembro, de Prevención de Riscos laborais.

2. A acción en saúde laboral debe estar dirixida á prevención e ao control dos riscos nos lugares de traballo.

Artigo 111. Funcións de prevención.

1. A alcaldía designará a un ou varios empregados municipais para ocuparse da actividade de prevención de riscos profesionais. Para estes efectos será oída a representación sindical.

2. As funcións dos responsables de prevención axustaranse ao disposto no artigo 31 da Lei de prevención de riscos laborais.

Artigo 112. Consulta e participación.

1. O exercicio da función de participación en materia preventiva levarase a cabo a través dos delegados de persoal.

2. A representación sindical terá dereito a participar nos procesos de determinación

Artigo 113. Comité de seguridade e saúde.

1. O comité de seguridade e saúde é o órgano paritario e colexiado de participación, destinado á proposta e consulta regular e periódica dos plans, programas e avaliación de prevención de riscos nas administracións locais.

2. Constituirase un único comité de seguridade e saúde no ámbito do persoal funcionario e laboral ao servizo do Concello de Padrón, que estará integrado polos delegados de prevención designados nos ditos ámbitos e por representantes do Concello en número non superior ao de delegados.

3. A constitución do comité de seguridade e saúde farase proporcionalmente ao número de efectivos do persoal funcionario e laboral existente.

4. Nas reunións do comité de seguridade e saúde poderán participar, con voz pero sen voto, os delegados sindicais e os responsables técnicos.

5. O comité de seguridade e saúde reunirase trimestralmente e sempre que o solicite algunha das representacións neste.

6. O comité de seguridade e saúde adoptará as súas propias normas de funcionamento.

Artigo 114. Delegados de prevención.

1. Os delegados de prevención, ao abeiro do disposto no artigo 35.4 da Lei de prevención de riscos laborais, serán designados polas organizacións sindicais con representación no Concello.

2. A designación dos delegados de prevención deberá realizarse polos órganos de representación entre os empregados municipais.

3. O número de delegados de prevención que poderán ser designados no Concello de Padrón axustarase á escala establecida no artigo 35.2 da Lei de prevención de riscos laborais.

4. O tempo utilizado polos delegados de prevención para o desempeño das funcións previstas no artigo 36 da Lei de prevención de riscos laborais, será considerado como de exercicio de funcións de representación.

Os empregados públicos designados como delegados de prevención que non desfrutaran de ningún tipo de crédito horario, a partir da súa designación contarán co mesmo crédito horario que os delegados sindicais.

5. Os órganos competentes do Concello proporcionarán aos delegados de prevención os medios e a formación en materia preventiva que resulten necesarios para o exercicio das súas funcións.

6. A formación deberá ser facilitada pola Administración polos seus medios ou mediante concerto con organismos ou entidades especializadas na materia.

7. O tempo dedicado á formación dos delegados de prevención en materia de prevención de riscos laborais será considerado como tempo de traballo, e o custo da súa asistencia asumido polo Concello, cando se trate de cursos programados ou autorizados polo correspondente órgano municipal.

Artigo 115. Saúde pública.

1. O Concello de Padrón desenvolverá as accións e medidas en materia de seguridade e saúde laboral que sexan necesarias para lograr unhas condicións de traballo que non afecten a saúde dos traballadores.

2. A formulación destas accións e medidas deberán estar encamiñadas a lograr unha mellora da calidade de vida e ambiente de traballo, a desenvolver obxectivos de promoción e defensa da saúde, mellora das condicións de traballo, potenciación das técnicas preventivas como medio para a eliminación de riscos na súa orixe e a participación sindical nos centros de traballo, e a dotarse dunha planificación preventiva de acordo coa Lei de prevención de riscos laborais. Os representantes dos traballadores participarán e velarán polo seu cumprimento en todo momento.

3. As técnicas preventivas deberán tender á eliminación do risco para a saúde da persoa traballadora desde a súa propia xeración, tanto no que afecta ás operacións que se realicen como nos elementos empregados no proceso.

4. A formación en materia de saúde laboral e o adestramento profesional é un dos elementos esenciais para a mellora das condicións de traballo e seguridade: as partes asinantes do presente acordo significan a importancia da formación como elemento de prevención e comprométense así mesmo a realizala de forma eficiente.

Artigo 116. Roupa de traballo.

1. O Concello de Padrón facilitará a todo o persoal ao seu servizo, de acordo cos representantes do persoal, a roupa de traballo e calzado profesional homologado e de uso obrigatorio, podendo cada traballador solicita-las prendas que precise, aínda que sexan repetitivas, sempre e cando non se supere a cuantía anual establecida para este concepto. Tamén facilitará os equipos de protección individual axeitados para o desempeño das súas funcións, cando as condicións e a natureza do traballo o requiran.

2. Os equipos de protección individual deberán empregarse cando os riscos non se poidan evitar ou non se poidan limitar por medios técnicos de protección colectiva ou mediante medidas, métodos ou procedementos de organización do traballo. Os equipos de protección individual repoñeranse sempre que sexa preciso.

3. O Concello de Padrón facilitará cada ano, naqueles postos que resulte preciso, un equipamento completo de inverno e outro de verán, que serán entregados en outubro e maio respectivamente. No caso de rotura dalgún dos elementos do equipo, este será substituído.

4. A dotación mínima de equipamento para o persoal queda vinculada ó establecido no anexo de vestiario do persoal.

Artigo 117. Protección da saúde.

1. O Concello de Padrón garantirá a correcta vixilancia da saúde de todos os seus traballadores por medio das probas e exames médicos previstos neste artigo.

2. As probas e exames médicos serán acordes ás funcións que se realizan en cada categoría, diferenciándoas en funcións dos riscos específicos dos respectivos postos de traballo. As probas médicas serán, por iso, específicas e repetiranse coa periodicidade suficiente para detectar posibles alteracións.

3. Os exames médicos serán voluntarios, agás aqueles imprescindibles para avaliar os efectos negativos das condicións de traballo sobre a saúde, para protexer a saúde, ou se, polas características do posto de traballo, a saúde do traballador puidera constituír un perigo para si mesmo, para os demais traballadores ou para outras persoas.

4. A periodicidade das probas será como mínimo anual, podendo ser menor se o caso o require.

5 O resultado das probas terá carácter persoal e privado, polo que o seu uso e difusión suxeitarase ao previsto na normativa vixente sobre esta materia.

6. As probas e exames efectuaranse, de ser posible, dentro da xornada laboral. O tempo empregado será o estrictamente necesario, incluíndo o de desprazamento, e considerarase para todos os efectos como tempo efectivo de traballo no caso das probas de carácter obrigatorio. Nestes suposto os gastos de transporte correrán a cargo do Concello.

7. No suposto de probas ou exames obrigatorios efectuados fóra da xornada laboral o tempo empregado nos mesmos será compensado deducíndose da súa xornada laboral.

CAPITULO XVIII. - XUBILACIÓN DO PERSOAL

Artigo 118. Xubilación.

1. A xubilación do persoal municipal poderá ser:

a) Voluntaria, a solicitude do/a interesado/a.

b) Forzosa, ao cumprir a idade legalmente establecida.

c) Pola declaración de incapacidade permanente para ou exercicio dás funcións propias dá súa categoría profesional, ou polo recoñecemento dunha pensión de incapacidade permanente absoluta ou, incapacidade permanente total en relación co exercicio dás funcións dá súa categoría.

d) Parcial. De acordo co establecido nos apartados 2 e 4.

2. Procederá a xubilación voluntaria, a solicitude do interesado, sempre que ou/a traballador/a reúna os requisitos e condicións establecidos no Réxime Xeral dá Seguridade Social.

3. A xubilación forzosa declararase de oficio ao cumprir o/a traballador/a os sesenta e cinco anos de idade.

4. Os/as traballadores/as municipais integrados en calquera Réxime da Seguridade Social, que teñan 60 anos cumpridos e reúnan as demais condicións esixidas para ter dereito á pensión contributiva de xubilación da Seguridade Social, poderán acceder á xubilación parcial nos seguintes termos:

"¢"‚ O traballador concertará co Concello, un contrato a tempo parcial polo que aquel reduza a súa xornada de traballo e o seu salario entre un mínimo do 25% e un máximo do 85% daqueles. Estas porcentaxes entenderanse referidos a unha xornada de traballo dun traballador a tempo completo comparable.

"¢"‚ Se o traballador accede á xubilación parcial con menos de 65 anos de idade real (sen que, a tales efectos, se teñan en conta as bonificacións ou anticipacións de idade de xubilación que correspondan), a empresa concertará simultaneamente un contrato de substitución con outro traballador en situación de desemprego ou que teña concertado coa empresa un contrato de duración determinada, con obxecto de substituír a xornada de traballo deixada vacante polo traballador que se xubila parcialmente.

As condicións de xubilación parcial previstas neste artigo non serán de aplicación ao persoal da Policía Local, que se rexeran para estes efectos pola súas normativas específicas.

Artigo 119. - Contratos de substitución a tempo parcial.

O contrato a tempo parcial do traballador que se xubila formalizarase por escrito e no modelo oficial. Deberán figurar no mesmo os elementos propios do contrato a tempo parcial, así como a xornada que o traballador realizaba antes e a que resulte como consecuencia da redución da súa xornada de traballo, así como as características do posto de traballo que vaia desempeñar o relevista.

A celebración do contrato non suporá a perda dos dereitos adquiridos e da antigüidade que correspondan ao traballador.

O posto de traballo do traballador relevista poderá ser o mesmo do traballador substituído ou un similar, entendendo por tal o desempeño de tarefas correspondentes ao mesmo grupo profesional ou categoría equivalente. Terá unha duración igual á do tempo que falte ao traballador substituído para alcanzar a idade de xubilación ordinaria. Se ao cumprir a devandita idade, o traballador xubilado parcialmente continuase na empresa, o contrato de substitución que se celebrou por duración determinada poderá prorrogarse mediante acordo das partes por períodos anuais, extinguíndose, en todo caso, ao finalizar o período correspondente ao ano no que se produza a xubilación total do traballador relevado.

Artigo 120. - Incentivos por xubilación.

1. - Definición.

Co fin de favorecer o proceso de renovación do cadro de persoal municipal e a creación de emprego o Concello incentivará a xubilación do persoal, e especificamente daquel que ocupa prazas declaradas a extinguir, postos de traballo de segunda actividade ou que non reúna as condición físicas ou psíquicas para ou desempeño dás súas funcións.

2. - Requisitos.

Os requisitos persoais que deberán cumprir os interesados son os que seguen:

a) Ser funcionario de carreira ou contratado laboral fixo do cadro de persoal do Concello.

b) Estar en situación de servizo activo non momento de solicitar ou paso á xubilación.

c) Non estar inmerso en causa de expediente disciplinario ou pendente de cumprimento dunha sanción.

d) Cumprir cos requisitos legais previstos para ter dereito á xubilación.

A solicitude do incentivo deberá presentarse non ano dá xubilación. De non solicitarse neste prazo considerarase que renuncia a este dereito.

3. - Contía dous incentivos por xubilación.

A Corporación pagará como incentivos económicos aos xubilados as seguintes contías, correspondentes a retribucións mensuais íntegras, a cada traballador/a, en función dá súa idade de xubilación.

 

Idade de xubilación	Incentivo por xubilación
60 anos	30 mensualidades
61 anos	25 mensualidades
62 anos	20 mensualidades
63 anos	15 mensualidades
64 anos	10 mensualidades
65 anos	"‚5 mensualidades

O persoal municipal terá dereito a percibir os incentivos por xubilación cando se produza unha declaración de incapacidade permanente para o exercicio dás funcións propias dá súa categoría profesional, ou polo recoñecemento dunha pensión de incapacidade permanente absoluta ou incapacidade permanente total en relación co exercicio dás funcións dá súa categoría, sempre que a declaración de incapacidade implique a baixa efectiva no cadro de persoal.

Para garantir o pagamento dos incentivos por xubilación establecidos neste capítulo, o Concello poderá externalizar os compromisos adquiridos mediante a suscripción dun seguro colectivo de xubilación. No caso contrario responderá directamente do pagamento das cantidades comprometidas.

4. - Tramitación.

As solicitudes dos incentivos deberán presentarse cun mes antes ou despois dá data prevista para a xubilación. As cantidades acordadas como incentivo económico estarán condicionadas á efectiva baixa no cadro de persoal e resolveranse por decreto dá Alcaldía, facéndose efectivas por medio de orde de pagamento.

CLAUSULAS ADICIONAIS

Disposición adicional primeira. - Aplicación da Lei de Coordinación da Policía Local.

A partir do 1 de Xaneiro de 2009, os/as funcionarios/as da Policía local da escala básica e executiva, entenderanse clasificados, para os efectos retributivos, nos subgrupos C1 e A2 respectivamente, e percibirán as retribucións básicas e complementarias correspondentes aos ditos subgrupos.

CLAUSULAS TRANSITORIAS

Cláusula transitoria primeira.

En tanto non esté aprobada definitivamente a nova relación de postos de traballo prevista neste convenio, permanecerá vixente o actual sistema retributivo do persoal laboral e as contías correspondentes. No suposto de que a entrada en vigor da nova RPT non sexa efectiva en data 1 de xaneiro de 2009, na mesa xeral de negociación do Concello de Padrón someteranse a negociación as medidas precisas para extender ao persoal laboral o sistema retributivo do persoal funcionario, con criterios de equiparación progresiva e non discriminación.

Cláusula transitoria segunda.

No momento en que se desenvolvan pola Xunta de Galicia a lexislación específica prevista nos capítulos II (Dereito á carreira profesional e á promoción interna) e III (Dereitos retributivos) do Título III da Lei 7/2007 de 12 de abril do Estatuto Básico do Empregado Público, revisarase o contido dos capítulos correspondentes deste Acordo co gallo de adaptalo á normativa básica galega, dando lugar no que proceda ás oportunas modificacións do cadro de persoal e R.P.T. do Concello de Padrón, procurando sempre manter sistemas homoxéneos de clasificación profesional, carreira profesional, promoción interna e sistema retributivos para o persoal funcionario e laboral.

Cláusula transitoria terceira.

A contía da partida de acción social prevista no artigo 98.3 deste convenio para os orzamentos ordinarios do Concello para o ano 2009, atenderá as axudas dos gastos producidos no ano 2008 polos conceptos que se recollen no Regulamento de Xestión das Axudas Sociais que se aproba tamén como anexo deste convenio. Consecuentemente, unha vez aprobados definitivamente os orzamentos ordinarios do Concello para 2009, abrirase unha convocatoria de axudas para atender os ditos gastos xenerados no presente exercicio 2008.

ANEXOS

I. - HORARIOS ESPECÍFICOS

ANEXO I. - HORARIOS ESPECÍFICOS

1. Persoal da Policía Local.

Quendas rotativas de mañá, tarde e noite cos seguintes horarios:

- "‚Mañá: de 8 a 15 horas.

- "‚Tarde: de 15 a 22 horas.

- "‚Noite: de 22 a 8 horas,

II. - CALENDARIO LABORAL PARA 2008

ANEXO II. - CALENDARIO LABORAL PARA 2008

Terán a consideración de días festivos para os traballadores do Concello de Padrón:

1 de XANEIRO ANINOVO

6 de XANEIRO DIA DE REIS

19 DE MARZO S. XOSE

20 DE MARZO XOVES SANTO

21 DE MARZO VENRES SANTO

24 DE MARZO LUNS DE PASCOA (FESTA LOCAL)

25 DE MARZO MARTES PASCOA

1 DE MAIO DIA DA CLASE OBREIRA

6 DE MAIO SAN XOAN DO RAIO (FESTA LOCAL)

17 DE MAIO DIA DAS LETRAS GALEGAS

22 DE MAIO SANTA RITA

12 DE OUTUBRO DIA DO PILAR

1 DE NOVEMBRO DIA DE SANTOS

6 DE DECEMBRO DIA DA CONSTITUCION

8 DE DECEMBRO DIA DA INMACULADA

24 DE DECEMBRO NOITE BOA

25 DE DECEMBRO DIA DE NADAL

31 DE DECEMBRO FIN DE ANO

III. - CALENDARIOS ESPECÍFICOS (Sen contido)

IV. - VESTIARIO DO PERSOAL

ANEXO IV. - VESTIARIO DO PERSOAL

Esta norma contiene tablas, si desea consultarlas pulse AQUI

(Para poder leer los documentos es necesario el lector Adobe Acrobat)

V. - REGULAMENTO DE ACCIÓN SOCIAL

ANEXO V. - REGULAMENTO DE ACCIÓN SOCIAL

NORMAS DE XESTIÓN DAS AXUDAS SOCIAIS Ó PERSOAL DO CONCELLO DE PADRÓN

Capítulo I. Normas xerais.

Capítulo II. Subvencións sanitarias.

Capítulo III. Subvención por gardería.

Capítulo IV. Subvención por estudios.

Capítulo V. Subvención por disminuidos físicos ou psíquicos.

Capítulo VI. Subvención por gastos de desprazamento.

Capítulo VII. Subvención por compra de vivenda.

Capítulo VIII. Anticipos.

Capítulo IX. Subvención padroal

INTRODUCCIÓN

En desenvolvemento do disposto no convenio colectivo do persoal ao servizo do Concello de Padrón sobre as súas condicións de traballo, establécense neste documento as condicións, contías e procedemento para optar ás subvencións, anticipos e primas definidos no Convenio.

CAPITULO I. - NORMAS XERAIS

1. - Beneficiarios/as.

Para poder optar a calquera das axudas reguladas neste texto, deberán concorrer con carácter xeral os seguintes requisitos, ademáis dos que se sinalan específicamente para cada caso:

Será condición indispensable ser persoal funcionario ou laboral con praza en propiedade no Concello de Padrón.

En todo caso, as axudas concedidas consonte ao establecido no presente regulamento, terán efectos desde a data en que se adquire a condición de funcionario ou persoal laboral fixo e ata a data en que a dita condición se perda.

O funcionario/traballador deberá formalizar a correspondente solicitude na forma e prazo establecidos neste Regulamento, acompañando a documentación que se determine en cada caso.

2. - Distribución da partida de melloras sociais.

As subvencións concederanse con cargo á partida de acción social, equivalente ao 1,5% da masa salarial - conxunta de persoal laboral e funcionario -, que se dotará anualmente nos orzamentos municipais consonte o previsto no convenio.

Previamente á tramitación de calquera outro tipo de subvencións, resolveranse as correspondentes ao capítulo 5 deste regulamento -diminuídos físicos ou psiquicos a cargo do/da beneficiario/a-, consideradas preferentes en atención á función social que cumpren. A cantidade dedicada a este capítulo deducirase do importe total da partida de melloras sociais prevista para o exercicio de que se trate.

A contía restante será distribuída de acordo coas seguintes prioridades:

1. subvencións por gardería

2. subvencións por sanitarias.

3. subvencións por estudios.

4. subvencións por compra de vivenda.

3. - Comprobación das solicitudes.

A mesa de negociación poderá esixir, en calquera momento da tramitación, xustificantes de todos e cada ún dos datos declarados polos solicitantes, sempre que non consten ou non se poida comprobar doutra forma a súa autenticidade.

4. - Corrección de erros.

Os beneficiarios que, por causas que non lles sexan imputables, perciban contías ás que non teñen dereito, reintegrarán ao Concello estas cantidades percibidas indebidamente. O Concello instaraos a que, no prazo de quince días, opten por unha das dúas posibilidades que seguen:

a) Reintegrar voluntariamente as cantidades recibidas indebidamente nun único pagamento.

b) Aceptar un desconto na nómina mensual en contía non inferior ao 15% das retribucións brutas, ata ter liquidado o importe total do débito.

As persoas que perciban axudas económicas indebidamente por teren falseado os datos ou a documentación presentada, incorrerán nas responsabilidades disciplinarias que correspondan e, ademais, serán instadas para que no prazo de quince días hábiles reintegren as cantidades recibidas. En caso contrario, practicaráselles unha deducción en nómina nunha contía non inferior ao 30% das súas retribucións brutas, ata ter liquidado o importe total do débito. Estas persoas perderán o dereito a percibir calquera subvención ou prima das definidas no presente Regulamento por un período non inferior a tres anos nin superior a dez.

En todo caso, as cantidades cuxo reintegro se aprace en distintos pagamentos, veranse incrementadas co xuro legal do diñeiro, ó se tratar de ingresos aprazados.

5. - Compatibilidades.

As axudas concedidas con cargo á partida de melloras sociais son compatibles con calquera outra que por idénticos conceptos outorguen outras entidades ou organismos públicos ou privados.

6. - Modificacións.

Queda reservada á mesa de negociación a facultade de propoñer a resolución de cantas dúbidas ou omisións poideran xurdir da aplicación práctica da presente normativa, así como a competencia para propoñer a introducción de calquera modificación que fose precisa para un mellor desenvolvemento e aplicación, sen alterar no fundamental o sentido exposto no presente texto.

7. - Convocatoria.

O Concello abrirá o prazo de solicitude de subvencións sanitarias, gardería, estudios, compra de vivenda e diminuídos físicos ou psíquicos nos meses de novembro e decembro de cada ano.

O departamento de persoal disporá duns impresos normalizados de solicitude que deberán ser cubertos polas persoas interesadas, facendo constar o tipo de subvención que se solicita.

As solicitudes presentaranse no Rexistro Xeral do Concello coa documentación que para cada caso se especifique. En caso de non se achegar a documentación necesaria requirirase aos interesados para que a presenten nun prazo non superior a 10 días. De non facelo considerase que renuncian á solicitude.

Serán rexeitadas tódalas solicitudes presentadas fóra de prazo.

8. - Tramitación.

O departamento de Persoal será o encargado de realizar todos os trámites necesarios para resolver as solicitudes de axudas.

9. - Resolución.

A concesión de subvencións sanitarias, gardería, estudios, discapacitados, e compra de vivenda, definidas nesta normativa, corresponderá á Xunta de Goberno Local, ou concelleiro/a con competencias delegadas por ela, que deberá resolvelas en dous meses, contados desde o remate do prazo de presentación de solicitudes, consonte a proposta que formulará para os efectos a mesa de negociación.

10. - Pagamento.

O pagamento das subvencións reguladas neste documento farase efectivo mediante mandamento de pago, nun prazo non superior a trinta días dende a data de resolución.

CAPITULO II. - SUBVENCIONS SANITARIAS

1. - Definición.

O Concello subvencionará, con cargo á partida de melloras sociais, as próteses dentarias, de visión, auditivas, de fonación e ortopédicas non incluídas no Convenio de asistencia sanitaria e prescritas por facultativo, na contía e condicións que se determinan neste capítulo.

Poderá excepcionamente concederse, con cargo a este concepto, calquera outro tipo de subvención sanitaria se así o acorda a mesa de negociación, en atención a especiais circunstancias económicas ou familiares que puidesen concorrer.

2. - Beneficiarios/as.

Serán beneficiarios das axudas definidas neste capítulo o persoal funcionario e laboral do Concello de Padrón, os seus cónxuxes/convivintes e fillos menores de 25 anos que dependan economicamente del.

3. - Contía das subvencións.

* Próteses dentarias: 50% do custo total.

* Próteses de visión: 50% do custo total.

* Próteses auditivas e de fonación: 100% do custo total.

* Próteses ortopédicas: 100% do custo total.

* Especialidades médicas non cubertas pola Seguridade Social: 50% do custo total.

Establécese un límite anual de 180 € por persoa e de 360 € por unidade familiar para cada ún dos conceptos anteriores.

4. - Documentación precisa.

Ás solicitudes deberá achegarse a seguinte documentación:

* Documento de prescrición facultativa.

* Factura orixinal ou compulsada que acredite o gasto realizado.

* Fotocopia do libro de familia se a solicitude se refire ao cónxuxe ou aos fillos.

* Fotocopia do documento de inclusión nun rexistro de parellas de feito se se trata de convivinte.

* Declaración xurada de que os fillos maiores de 18 anos ou o cónxuxe/convivinte -de referirse a eles - "‚non perciben ningún tipo de renda derivada do traballo por conta allea ou propia.

CAPITULO III. - SUBVENCIÓN POR GASTOS DE GARDERÍA

1. - Definición.

O Concello subvencionará os gastos derivados da estancia en garderías dos fillos ou orfos do seu persoal funcionario e laboral na contía e condicións que se determinan no presente capítulo.

2. - Contía da subvención.

A subvención por gardería consistirá inicialmente no pagamento do gasto realizado durante o periodo comprendido entre setembro e agosto de cada curso escolar, ata un límite de 50 € ao mes e 500 € ao ano por cada fillo para o que se solicite a axuda.

3. - Documentación precisa.

As solicitudes deberán ir acompañadas da seguinte documentación:

"¢"‚Fotocopia compulsada do libro de familia.

"¢"‚Factura do pagamento da gardería.

CAPÍTULO IV. - SUBVENCIÓN POR ESTUDOS

1. - Definición.

O Concello subvencionará os gastos derivados dos estudos que realice o persoal ao seu servicio e os seus cónxuxes/convivintes ou fillos menores de 25 anos que dependan económicamente del, nos niveis de Educación Infantil, Educación Primaria, Educación Secundaria Obrigatoria (ESO), BACHARELATO, FP Específica de Grao Médio, FP Específica de Grao Superior, ou universidade.

2. - Contía da subvención por estudios.

Para os familiares dos traballadores/as:

"¢"‚Educación Infantil, Educación Primaria, ESO: 100 €/persoa por ano.

"¢"‚FP e BACHARELATO: 150 €/persoa por ano.

"¢"‚Universidade: 300 €/persoa por ano.

Para o persoal municipal:

Subvencionarase o importe íntegro da matrícula en calquera dos niveis, ou a contía fixada no baremo para familiares se resulta economicamente máis beneficiosa.

No caso de fillos ou cónxuxes/convivintes dos empregados municipais, as subvencións por estudios terán carácter único referido a cada especialidade, curso escolar ou materia solta, polo que, en caso de repetir curso ou materia ou de cambiar de especialidade, o beneficiario non terá dereito a obter subvención.

Cando se trate de empregados municipais, subvencionarase un máximo de dúas veces por curso escolar, materia ou cambio de especialidade.

3. - Documentación precisa.

Ás solicitudes xuntarase:

"¢"‚Certificación expedida polo centro docente que acredite a formalización da matrícula e o curso académico. De ser o caso, presentaranse tamén xustificantes dos gastos realizados por este concepto.

"¢"‚En caso de que a solicitude se refira ao cónxuxe/convivinte ou a fillos maiores de 18 anos, presentarase unha declaración xurada de que non perciben ningún tipo de renda derivada do traballo por conta allea ou propia.

"¢"‚Fotocopia do libro de familia, compulsada, cando se trate de fillos ou cónxuxe.

Fotocopia do documento de inclusión nun rexistro de parellas de feito se se trata de convivinte.

CAPÍTULO V. - SUBVENCIÓN POR DIMINUÍDOS FÍSICOS OU PSÍQUICOS

1. - Definición.

O Concello subvencionará ao persoal funcionario e laboral fixo con fillos, cónxuxe/convivinte ou persoa ao seu cargo diminuída física, psíquica ou sensorial.

2. - Beneficiarios.

Para ter dereito a esta axuda os destinatarios deberán:

Ter recoñecida a condición da minusvalía polo Instituto de Maiores e Servicios Sociais (IMSERSO), ou organismo ao que competa no seu momento.

Necesitar, segundo informe dun facultativo, un tratamento ou atención especial continuado e permanente.

Non percibir renda ningunha que sobrepase do salario mínimo interprofesional.

"¢"‚Estar relacionados co solicitante ata o segundo grao de consaguinidade ou afinidade.

3. - Contía das subvencións.

A subvención consitirá nunha contía fixa de 150 € mensuais por cada diminuído físico ou psíquico e pagarase con referencia ao mes natural vencido.

4. - Tramitación.

As solicitudes deberán presentarse ou renovarse no mes de novembro e decembro de cada ano e producirán efectos económicos desde o mes de xaneiro do ano en que se formulen ou, en todo caso, desde o mes en que se produza a minusvalía alegada.

Xunto coas solicitudes deberá presentarse:

"¢"‚Fotocopia compulsada do libro de familia.

"¢"‚Certificado de convivencia, agás no caso de fillos do beneficiario.

Fotocopia do documento que acredite a inclusión nun rexistro de parellas de feito no caso do/a convivinte.

"¢"‚Certificado de minusvalía expedida polo IMSERSO ou organismo competente.

"¢"‚Informe do facultativo que acredite a necesidade de atención especial de carácter continuado e permanente.

"¢"‚Declaración xurada do solicitante de que a persoa beneficiaria no percibe renda ningunha superior ao salario mínimo interprofesional.

5. - Pagamento.

A subvención farase efectiva na nómina mensual do solicitante e na primeira, logo da resolución, incluiranse os atrasos correspondentes.

CAPÍTULO VI. - SUBVENCIÓN POR GASTOS DE DESPRAZAMENTO

Sen contido.

CAPITULO VII. - SUBVENCIÓN POR COMPRA DE VIVENDA

1. - Beneficiarios/as.

Subvencionarase unha única vez a compra, promoción ou rehabilitación dunha vivenda que constitúa ou vaia constituír a residencia habitual e permanente dos persoal funcionario ou laboral fixo no Concello de Padrón sempre que se cumpran as seguintes condicións:

"¢"‚Que o beneficiario sexa titular da vivenda adquirida mediante compra, adxudicación ou promoción propia.

Que non se teña beneficiado en convocatorias anteriores dunha subvención superior a 4.207 €.

2. - Contía da subvención.

A subvención consistirá nunha contía variable, en función do número de adxudicatarios da respectiva convocatoria, e da dotación orzamentaria anual. En todo caso, as cantidades percibidas por cada beneficiario non poderán supera-la contía de 5.048 €, sumando tódalas convocatorias nas que se solicite ou teña solicitado axuda.

3. - Tramitación.

Á solitude xuntarase:

€Escritura pública ou xustificación documental acreditativa da adquisición da vivenda e do seu prezo.

€Xustificación documental de que a vivenda para a que se solicita axuda constitúe o domicilio habitual e permanente do solicitante, por medio de certificados de residencia, recibos de servizos públicos e calquera outro referido ao uso da vivenda.

"¢"‚Licenza de primeira ocupación, ou nos casos de autopromoción, licenza de obras, coa condición de aporta-la de primeira ocupación unha vez que a construcción remate (3 anos máximo dende o outorgamento da licenza de obras).

4. - Resolución.

A contía total da partida anual dedicada a subvencións por compra de vivenda dividirase entre o número de beneficiarios que obteñan axuda en cada convocatoria. Se houbera solicitantes que en convocatorias anteriores non tiveran acadado a cantidade total de 5.048 €, bastará con que renoven anualmente a solicitude de axuda, no prazo conferido para tal fin, sen que sexa necesario presentar novamente a documentación á que se refire o anterior apartado 3. A cantidade resultante será o máximo que se pagará a cada ún dos beneficiarios nesa convocatoria.

CAPÍTULO VIII. - ANTICIPOS

1. - Definición.

De acordo co establecido no convenio colectivo do persoal ao servizo do Concello de Padrón, concederanse anticipos sobre a nómina reintegrables sen xuros.

2. - Beneficiarios.

Funcionarios e persoal laboral fixo.

3. - Anticipos.

a) O 90% das retribucións mensuais netas que se descontarán automáticamente na nómina do mes seguinte ao da concesión.

b) A suma das retribucións básicas de dúas mensualidades, que se reintegrarán sen xuros no prazo máximo de catorce meses.

c) Por necesidades acreditadas a xuízo da comisión de seguimento, poderanse conceder anticipos de ata 2.705 €, que se reintegrarán sen xuros no prazo máximo de catorce meses

d) Excepcionalmente poderanse conceder anticipos de ata 4.207 € para gastos derivados de investimentos en compra ou mellora da vivenda propia e habitual ou de gastos de enfermidade, que se reintegrarán sen xuros mediante deducción en nómina dun 10% das retribucións mensuais brutas do solicitante ata producirse a amortización total da contía concedida.

Por pedimento do solicitante os anticipos poderán amortizarse en prazos inferiores aos establecidos ou mediante entrega de contías a tanto alzado.

A concesión dos distintos tipos de anticipos que se establecen será compatible entre si. Nembargante, a concesión simultanea de anticipos previstos neste apartado obriga aos beneficiarios á amortización simultanea e individualizada de cada un deles.

Os anticipos terán que ser amortizados necesariamente con anterioridade á data de xubilación -sexa forzosa ou voluntaria-, ou á de deixar de prestar servicios ao Concello.

Queda reservada á comisión de seguimento a apreciación das necesidades de carácter social non previstas nos apartados anteriores.

4. - Tramitación.

Poderán solicitarse anticipos sobre a nómina durante todo o ano.

Xunto coa solicitude presentarase:

"¢"‚En caso de construcción, adquisición ou rehabilitación de vivenda achegaranse facturas -pro-forma se é o caso - "‚por importe igual ou superior á cantidade solicitada por gastos para este fin e o documento que acredite que o beneficiario é titular da vivenda.

"¢"‚En caso de gastos de enfermidade presentarase un informe facultativo, as facturas dos gastos e unha declaración do beneficiario que os xustifique. En caso de que os gastos sexan doutro membro da unidade familiar presentarase copia do libro de familia, e en caso de parellas de feito presentarase unha declaración xurada e un certificado de convivencia.

"¢"‚En casos distintos dos anteriores, o solicitante deberá achegar unha declaración argumentando a necesidade.

A concesión dos anticipos resolverase por acordo da Xunta de Goberno Local ou resolución da da concellería que teña delegadas as competencias.

Os anticipos faranse efectivos mediante orde de pagamento no prazo dos quince días seguintes á data de resolución.

CAPÍTULO IX. - SUBVENCIÓN PADROAL

1. - Concepto.

O Concello subvencionará os gastos de organización dos actos de celebración do día padroal de cada corpo ou servicio municipal

2. - Contía da subvención.

A subvencións será de 24 € por cada traballador adscrito ao corpo ou servicio que se trate, independentemente da súa vinculación contractual (eventuais, políticos, contratados temporais, funcionarios...) co límite do importe dos gastos realizados en caso de ser inferior a esa cantidade.

3. - Tramitación.

As solicitudes presentaranse por anticipado e deberán ser aprobadas pola Xunta de Goberno Local ou concelleiro/a que teña as competencias delegadas.

As subvencións faranse efectivas, mediante orde de pagamento, logo da presentación das facturas correspondentes.

VI. REGULAMENTO DE SELECCIÓN PERSOAL FUNCIONARIO INTERINO E LABORAL TEMPORAL

ANEXO VI. - REGULAMENTO DE SELECCIÓN PERSOAL FUNCIONARIO INTERINO E LABORAL TEMPORAL

INDICE

Artigo 1.º. Obxecto.

Artigo 2.º. Procedencia do nomeamento de funcionarios interinos ou a contratación de persoal laboral temporal.

a) Nomeamento de persoal funcionario interino.

b) Casos nos que procede á contratación laboral temporal.

Artigo 3.º. Elaboración de novas listas de agarda por convocatorias de ingreso.

Artigo 4.º. Elaboración de listas por convocatorias especiais.

Artigo 5.º. Alteración da orde de prelación nas listas para postos específicos

Artigo 6.º. Elaboración de listas por convocatorias urxentes.

Artigo 7.º. Renovación das listas.

Artigo 8.º. Comisión de seguimento.

Artigo 9.º. Publicidade das listas de agarda.

Artigo 10.º. Xestión das listas e procedemento de contratación.

Artigo 11.º. Modificación dos datos persoais.

Artigo 12.º. Procedemento de nomeamento ou contratación e cese.

Artigo 13.º. Permanencia nas listas

Artigo 14.º. Causas de exclusión das listas.

a) Causas de exclusión definitiva das listas.

b)Causas de exclusión provisional das listas

Artigo 15.º. - Marco xurídico

Artigo 16.º. - Consolidación de emprego temporal en fixo

Disposicións adicionais

Disposición final

Artigo 1.º. Obxecto.

O obxecto do presente Regulamento é a regulación da cobertura temporal de prazas vacantes de persoal funcionario e laboral do Concello de Padrón, así como o nomeamento de funcionarios interinos e a contratación de persoal laboral temporal nos supostos indicados neste Regulamento e na propia normativa vixente.

A selección axustarase aos principios de igualdade, mérito, capacidade e publicidade, e posibilitará a máxima axilidade no nomeamento ou contratación.

Este Regulamento non será de aplicación naqueles outros casos nos que a súa normativa específica en materia de selección estableza outro sistema diferente.

Artigo 2.º. Procedencia do nomeamento de funcionarios interinos ou contratación de persoal laboral temporal.

1) Nomeamento de persoal funcionario interino.

1.1. Son funcionarios interinos os que, por razóns expresamente xustificadas de necesidade e urxencia, son nomeados como tales para o desempeño de funcións propias de funcionarios de carreira, cando se dea algunha das seguintes circunstancias:

a) A existencia de prazas vacantes cando non sexa posible a súa cobertura por funcionarios de carreira.

b) A substitución transitoria dos titulares.

c) A execución de programas de carácter temporal.

d) O exceso ou acumulación de tarefas por prazo máximo de seis meses, dentro dun período non superior a doce meses.

1.2. No suposto previsto na letra a) do apartado 1 deste artigo, as prazas vacantes desempeñadas por funcionarios interinos deberán incluírse na oferta de emprego correspondente ao exercicio en que se produce o seu nomeamento e, se non fose posible, na seguinte, salvo que se decida a súa amortización.

2) Casos nos que procede á contratación laboral temporal.

a) Cando exista unha urxencia e sexa imposible cubrir en propiedade as prazas vacantes incluídas no cadro de persoal laboral e dotadas no orzamento.

b) Cando se trate de substituír a traballadores/as con dereito a reserva do posto de traballo, sempre que no contrato de traballo se especifique o nome do sustituido e a causa da substitución.

c) Cando se contrate ó/á traballador/a para a realización dunha obra ou servizo determinados, con autonomía e sustantividade propia dentro da actividade do Concello e cuxa execución, aínda que limitada no tempo, sexa en principio de duración incerta, respondendo a necesidades de carácter temporal.

d) O exceso ou acumulación de tarefas por prazo máximo de 6 meses, dentro dun período non superior a doce meses.

Artigo 3.º. Elaboración de novas listas de agarda por convocatorias de ingreso.

O sistema xeral de selección do persoal para prestar servizos temporalmente no Concello de Padrón será mediante listas de agarda creadas ó efecto á finalización das probas selectivas de quenda libre correspondentes á última Oferta Pública de Emprego, para o acceso aos diferentes Corpos ou Escalas de funcionarios ou categorías de persoal laboral.

Nas convocatorias destes procesos selectivos establecerase que, aqueles aspirantes que tendo participado polo turno libre ou discapacidade e houberan superado algunha proba conforme ó establecido nas bases especificas da convocatoria, quedarán incluídos nunha lista de agarda creada ó efecto para a selección de funcionarios interinos ou laborais temporais, agás que o interesado manifeste expresamente a súa vontade en contrario.

Rematados os procesos selectivos, o Departamento de Persoal elaborará para cada corpo, escala, subescala ou categoría de persoal unha proposta de listas de agarda conformada polos aspirantes que, sen ter obtido praza, superaron, aló menos, un exercicio do proceso selectivo, non sendo este requisito exisible para o persoal que estea prestando servizos no Concello de Padrón no momento da convocatoria dos procesos selectivos.

Para determinar a orde de prelación nas listas terase en conta o seguinte baremo, polo que o Departamento de Persoal requirirá aos aspirantes a acreditación dos méritos relacionados no mesmo, concedendo ó efecto un prazo improrrogable de 10 días para que os/as interesados aporten a documentación que os acredite:

A. - Valoración das probas selectivas: ata un máximo de 60 puntos (60%). A puntuación por este concepto virá dada pola suma das notas obtidas nas probas do proceso selectivo multiplicado por 60 e dividido entre a suma das notas máximas posible das probas do proceso selectivo.

B. - Concurso de méritos: ata un máximo de 40 puntos (40%). A puntuación por este concepto virá dada pola suma dos seguintes apartados:

1. - Por servicios prestados na Administración como funcionario no mesmo corpo, escala e subescala, ou como persoal laboral na mesma categoría profesional: 1 punto por mes ata un máximo de 24 puntos

2. - Por cursos de formación ata un máximo de 8 puntos, relacionados cos contidos das prazas a desempeñar, e impartidos pola Administración Pública (entendendo por tales as administracións territoriais e as que teñen competencias educativas, as organizacións sindicais e empresariais dentro do marco dos programas de formación contínua do Map ou FORCEM e as asociacións de entidades locais) ou homologados polas anteriores: Valoraranse a 0,03 puntos por hora de formación recibida, e se se tratase de monitores ou docentes destes cursos, a valoración será de 0.015 puntos por hora impartida.

3. - Por posuír unha titulación académica de nivel superior, distinta e independente da requirida na convocatoria como requisito imprescindible para o acceso, computándose soamente o título de maior nivel dos alegados:

- "‚Título de doutor: 4 puntos

- "‚Título de licenciado, arquitecto, enxeñeiro ou equivalente: 3 puntos.

- "‚Título de enxeñeiro técnico, arquitecto técnico, diplomado universitario, ciclo formativo de grao superior: 2, puntos.

- "‚Título de bacharelato superior, ciclo formativo de grao medio ou equivalente: 1 punto.

4. - Coñecemento da lingua galega.

a) Para listas correspondentes a prazas dos subgrupos A1, A2, C1 (anteriores grupos A,B e C) e grupo B valorarase con 1 punto estar en posesión no nivel Celga 4 (anterior curso de perfeccionamento). Para acceder a listas correspondentes a prazas dos subgrupos C2 e agrupacións profesionais sen esixencia de titulación (anteriores grupos D e E) valorarase con 1 punto a posesión do nivel Celga 2 (anterior curso de iniciación).

b) Curso de especialización de linguaxe administrativa galega para a administración local, expedido pola Dirección Xeral de Política Lingüística:

Nivel inicial ou básico: 0,50

Nivel medio: 1,00

Nivel superior ou especialización: 2,00

Só se puntuará o de nivel superior acreditado.

5. - Pola inscrición acreditada como demandante de emprego nos últimos dous anos, ata 2 puntos: 0,15 por cada mes completo ou fracción superior a quince días.

A puntuación final de cada aspirante, que determinará a orde de prelación na lista de agarda, virá dada pola suma dos apartados A e B anteriores (Suma da valoración das probas selectivas mais a valoración dos méritos acadados no concurso).

Con independencia da puntuación acadada nos apartados anteriores, sumaráse unha puntuación adicional, que virá dada pola posesión da condición acreditada de minusválido, segundo a seguintes escala:

"¢"‚Minusvalía entre o 33 e o 65 %: 10 puntos.

"¢"‚Minusvalía superior ó 65%: 20 puntos.

No prazo de tres meses dende a finalización das probas selectivas de quenda libre correspondentes á Oferta Pública de Emprego, as listas de agarda serán aprobadas mediante Acordo da Xunta de Goberno Local ou Resolución do Concelleiro-delegado, no seu caso, e publicadas no Taboleiro de Edictos e na páxina web do Concello conforme o indicado no presente regulamento.

Artigo 4.º. Elaboración de listas por convocatorias especiais.

1. - No caso de non existir procesos de ingreso a prazas en propiedade ou de estar próximas a esgotarse as listas confeccionadas segundo o artigo 3 anterior, ou non fora posible a súa formación por falta de aspirantes con dereito á súa inclusión, por acordo da Xunta de Goberno Local aprobarase a Convocatoria de probas selectivas para a elaboración de Listas especiais aos efectos de nomeamento de funcionario interino ou contratación de persoal laboral temporal. O Acordo publicarase no Taboleiro de Edictos e na páxina web do Concello, así como na prensa local a fin de que, no prazo de oito días naturais a partir do seguinte ao da publicación, os interesados presenten as súas solicitudes, acompañadas da documentación que acredite a titulación e os demais requisitos esixidos para desempeñar a praza ou prazas ás que opten e os méritos que, de conformidade co baremo deste Regulamento, desexen que se lles teñan en conta. A convocatoria establecerá a denominación, características, requisitos das prazas, titulación esixible para o acceso ás mesmas e o número, contido e temario dos exercicios. Publicada no taboleiro de edictos e na páxima Web do Concello a relación provisional de admitidos e excluídos, concederáse un prazo de 4 días naturais para presenta-las reclamacións que os interesados xulguen oportunas. Rematado o citado prazo, publicaránse as listas definitivas de admitidos e excluidos e a data e lugar de celebración das probas selectivas.

1. As solicitudes presentaranse no Rexistro Xeral do Concello ou na forma prevista no artigo 38.4 da Lei 30/1992, de 26 de novembro, de Réxime Xurídico das Administracións Públicas e do Procedemento Administrativo Común, no modelo que se facilitará no Rexistro, e se lles achegará fotocopia do documento de identidade ou documento análogo no caso dos estranxeiros que podan acollerse ao artigo 57 da Lei 7/2007, do 12 de abril, do Estatuto Básico do Empregado Público; e os documentos acreditativos dos méritos alegados. En ningún caso se admitirá a presentación de novos méritos unha vez rematado o prazo de presentación de solicitudes, nin poderán valorarse outros méritos que os acreditados en dito prazo.

2. Serán requisitos xerais de participación neste proceso de elaboración das listas especiais os recollidos no artigo 56 do citado Estatuto, coa excepción dos postos que supoñan o exercicio de inspección e control ou policía local, que estarán reservados a persoas con nacionalidade española.

3. Para a elaboración das listas especiais nomearase pola Xunta de Goberno Local ou órgano que teña a competencia para tal fin, unha comisión de selección que estará integrada por cinco empregados públicos, funcionarios ou laborais fixos, entre os que se designarán un Presidente e un Secretario.

Todos os membros da comisión terán un nivel de titulación igual ou superior ó esixido para as prazas obxecto de selección, e polo menos,un dos membros terán a mesma especialidade profesional que a das prazas convocadas.

Esta comisión poderá dispoñer a incorporación dos asesores que considere necesarios, que colaborarán exclusivamente no exercicio das súas especialidades técnicas, con voz e sen voto.

4. Rematado o prazo de presentación de solicitudes, cos aspirantes que cumpran os requisitos que para o caso se establezan elaboraranse as correspondentes listas especiais para cada praza de categoría igual e/ou asimilada, con independencia do carácter funcionarial ou laboral da mesma. As listas serán elevadas á Xunta de Goberno Local, ou órgano que teña atribuída a competencia para a súa aprobación, e posteriormente publicaranse no Taboleiro de Edictos e na páxina web do Concello. Contra o acto de aprobación, que esgotará a vía administrativa, poderá interpoñerse recurso potestativo de reposición ou directamente contencioso-administrativo, segundo o disposto na normativa vixente.

5. A orde de prelación nas listas obtidas por convocatorias especiais virá dada pola puntuación obtida segundo o baremo establecido no artigo 3 anterior.

Artigo 5.º. Alteración da orde de prelación nas listas para postos específicos.

1. - Naqueles supostos nos que existindo lista de agarda para unha determinada praza ou categoría, e sexa necesaria e excepcional a provisión dun posto que requira unha particular e específica cualificación (coñecemento dun programa informático específico, coñecemento acreditado de idiomas, ou similar), que non quede suficientemente acreditada polos requisitos requiridos ou polos méritos avaliados para acceder ás listas de agarda da dita praza ou categoría elaboradas consonte o establecido nos artigos 1 e 2 anteriores, poderá alterarse a orde de prelación da lista de agarda chamando aos aspirantes pola orde no que figuran nas listas ata atopar un aspirante que reúna o requisito ou cualificación requiridos.

2. - De non atopar nas listas de agarda existentes un aspirante que reúna os especiais requisitos, poderá efectuarse unha convocatoria pública específica que incluirá, en todo caso, a realización de probas de carácter obxectivo. Ditas convocatorias só poderán xerar listas para outros supostos idénticos.

3. - Cando se produza un suposto dos previstos nos apartados anteriores, o procedemento a seguir será o que a continuación se indica:

a) O responsable do servizo interesado deberá elaborar un informe-proposta ao efecto, xustificando as particularidades ou cualificacións específicas da función a desempeñar que acredite a necesidade de proceder a un nomeamento ou contratación específica, facendo constar os requisitos esixibles ou méritos avaliables dos aspirantes a ser contratados, que deberá remitirse ao departamento de persoal.

b) O departamento de Persoal emitirá informe indicando a conformidade ou desconformidade sobre a proposta, de acordo co establecido no presente regulamento e demais lexislación vixente, que remitirá a comisión de seguimento prevista no artigo 8, xunto coa proposta de alteración de lista ou de bases da convocatoria, de ser o caso.

c) A comisión de seguimento validará a procedencia da referida excepcionalidade para a alteración da lista ou a determinación da procedencia da convocatoria.

d)De proceder, as bases específicas da convocatoria deberán ser aprobadas pola Xunta de Goberno Local ou Concelleiro-delegado, segundo o procedemento previsto no artigo anterior.

Artigo 6.º. Elaboración de listas por convocatorias urxentes.

1. - Nos supostos de inexistencia de listas ou renuncia de todos os aspirantes, e cando se dean excepcionais razóns de urxencia que o xustifiquen, poderá recurrirse ó Servizo Público de Emprego, realizando ofertas xenéricas de emprego para contratacións, obviando a aplicación do establecido nos artigos 3 e 4 anteriores.

2. - Os candidatos enviados polo Servizo Público de Emprego deberán reunir en todo caso os requisitos establecidos nesta normativa e na propia oferta de emprego. Solicitaráselle un currículo de méritos relacionados co baremo establecido no artigo 4 e a documentación acreditativa destes, e serán valorados pola comisión de seguimento que se describe no artigo 8. En atención a categoría profesional funcións a desenvolver e a previsible duración do contrato, a comisión de selección decidirá sobre a procedencia de realizar algunha ou algunhas probas selectivas teóricas ou practicas que acrediten a capacidade e idoneidade dos aspirantes para o postos ofertados.

3. - O persoal contratado por este procedemento de urxencia cesará ao remate da duración do contrato, sen que os servizos prestados supoñan automaticamente a incorporación ás listas de agarda, sen prexuízo do recoñecemento dos servizos prestados para os efectos de posteriores convocatorias.

4. - No suposto de ter que recorrer a unha convocatoria urxente por inexistencia de listas, o departamento de persoal propoñerá á Xunta de Goberno a convocatoria inmediata dunha convocatoria especial para a elaboración de listas de agarda para a praza ou categoría de que se trate, consonte o establecido no artigo 4 deste regulamento.

Artigo 7.º. Renovación das listas.

Cando se leven a cabo probas selectivas correspondentes ás ofertas de emprego público do Concello de Padrón para prazas das que existan lista de agarda de contratacións vixentes, procederase á renovación de ditas listas consonte os seguintes criterios:

a) Para permanecer nas listas, o persoal que figure na lista vixente, virá obrigado a presentarse a todas as convocatorias de prazas en propiedade convocadas polo Concello de Padrón para a praza de que se trate. De non presentarse sen que existan razóns obxectivas que o xustifiquen, en ningún caso serán avaliados para continuar nas listas de agarda.

b) A orde na que figurarán os aspirantes virá dada pola aplicación do baremo establecido no artigo 3 deste regulamento.

Artigo 8.º. Comisión de seguimento.

Para os efectos do control e estudio das incidencias que puideran xurdir na xestión das listas de agarda, estudar a conveniencia de ampliar ou confeccionar unha nova lista, crearase unha comisión paritaria integrada por dous representantes designados pola Xunta de Goberno Local ou Concelleiro/a-delegado/a e dous representantes designados polo comité de empresa e polos delegados de persoal (un por cada órgano). Esta comisión poderá dispoñer a incorporación dos asesores que considere necesarios, que colaborarán exclusivamente no exercicio das súas especialidades técnicas.

Artigo 9.º. Publicidade das listas de agarda.

1. - O Servizo de Persoal fará públicas as listas de agarda para a cobertura temporal de prazas vacantes de persoal funcionario e laboral do Concello de Padrón no taboleiro de edictos e na páxina web do Concello para coñecemento dos interesados. As listas deberán ser actualizadas cada vez que se produza un nomeamento ou contratación, renuncia, baixa definitiva ou calquera outra circunstancia que o faga aconsellable.

2. - O Concello comunicará aos órganos de representación dos traballadores os contratos realizados de conformidade co establecido neste regulamento, ó abeiro da normativa vixente.

Artigo 10.º. Xestión das listas e procedemento de contratación.

1. - O procedemento de contratación iniciarase mediante informe do/a responsable do servizo, xustificando a necesidade e urxencia da praza ou as prazas e indicando as características e requisitos dos postos de traballo, número de persoas e o tempo previsto de duración da contratación temporal.

2. - Unha vez recibida a solicitude de contratación, o Servizo de Persoal elaborará un informe sobre a procedencia ou improcedencia da contratación e no que se describirán, se é o caso, a modalidade contractual que proceda, as características e o número de postos de traballo obxecto de selección. No informe farase constar ademais si existen listas de agarda de contratacións elaboradas consonte o establecido neste Acordo, para a praza ou prazas demandadas, e indicará a persoa ou persoas que, consonte as listas de aspirantes, procede contratar.

3. - Á vista do informe do servizo de Persoal, o órgano da corporación competente resolverá sobre a procedencia da contratación, remitíndose o dito Acordo ao servizo de persoal.

O Servizo de Persoal avisará ós aspirantes seguindo rigorosamente a orde no que figuran nas listas de agarda, de acordo co seguinte procedemento:

c) Avisará telefonicamente ó número indicado polo aspirante (preferentemente n.º de Tl. Móbil) na solicitude de participación ó proceso selectivo ou ó número que posteriormente e mediante escrito rexistrado e dirixido ó Servizo de Persoal aportará o interesado. A cada aspirante se lle efectuarán tres chamamentos por vía telefónica e no caso de aportar un número de teléfono móbil se lle remitirá unha mensaxe (sms). A efectos de constancia, o funcionario actuante dilixenciará os datos da mesma, que serán de coñecemento público.

d) De non lograrse a comunicación telefónica co aspirante ou non se tivera constancia do seu número, notificaráselle, mediante telegrama ó enderezo indicado polo aspirante, a oferta de nomeamento ou contratación. Con independencia do anterior, se o interesado indicara na solicitude a súa dirección de correo electrónico enviaráselle igualmente un e-mail.

En ambos casos, darase un prazo de 24 horas para que o aspirante acepte ou renuncie. No suposto de non presentarse á oferta realizada ou renunciase á mesma, pasarase a realizar o chamamento ó seguinte aspirante da lista seguindo o procedemento descrito anteriormente.

De non existir listas de aspirantes, farase constar no informe o procedemento a seguir, ao abeiro do disposto neste Acordo .

Artigo 11.º. Modificación dos datos persoais.

Os aspirantes quedan vinculados ós datos que teñan feito constar nas súas solicitudes, podendo demandar a súa modificación unicamente mediante escrito presentado no Rexistro Xeral do Concello ou na forma prevista no artigo 38.4 da Lei 30/1992, de 26 de novembro, de Réxime Xurídico das Administracións Públicas e do Procedemento Administrativo Común.

Artigo 12.º. Procedemento de nomeamento ou contratación e cese.

O nomeamento de persoal interino ou contratación de persoal laboral terá sempre carácter temporal, e o seu cese producirase cando se dea algunha das causas legais ou regulamentarias previstas na normativa vixente.

Artigo 13.º. Permanencia nas listas.

Sen prexuízo do establecido no artigo 7 deste regulamento a respecto da renovación das listas, os/as funcionarios/as interinos ou laborais temporais que presten servizos ao Concello polos procedementos establecidos neste regulamento, no momento de cesar nos postos para os que foron nomeados ou contratados volverán a ocupar o mesmo lugar de orixe na lista, sempre que o tempo de servizos prestados fóra inferior a 24 meses, nun ou varios nomeamentos ou contratos, sen alterar neste período a orde de prelación dos integrantes da lista de agarda. Pola contra, se o tempo de servizos prestados fóra igual ou superior a 24 meses, os integrantes da lista pasarán a ocupar o último lugar na mesma.

Artigo 14.º. Causas de exclusión das listas.

1. - Causas de exclusión definitiva das listas.

Serán causas de exclusión definitiva das listas:

a) A renuncia do interesado á súa permanencia na lista ou bolsa.

b) A non achega da documentación para formaliza-lo nomeamento ou contratación no prazo de 48 horas. A non aceptación do nomeamento ou contratación ofertada.

c) Non tomar posesión dentro do prazo establecido no posto de traballo.

d) Solicitar o cese por renuncia despois da toma de posesión no posto de traballo.

e) A existencia de dous informes negativos relativos ao desenvolvemento do traballo emitidos por dous servizos diferentes.

A exclusión dun aspirante dunha lista non implicará a exclusión daquelas outras nas que eventualmente puidera estar incluído.

A exclusión dun aspirante dunha lista de agarda só poderá ser formalizada mediante resolución expresa do órgano que as aprobou. A dita resolución seralle notificada ao/á interesado/a.

2. - Causas de exclusión provisional das listas.

Serán causas de exclusión provisional:

a) Parto, permiso por nacemento, adopción, acollida, paternidade, risco durante o embarazo e situacións asimiladas.

b) Enfermidade grave propia inequivocamente demostrada con informe médico.

c) Exercicio de cargo público representativo que imposibilite a asistencia ao traballo.

d) Estar dado/a de alta na seguridade social como funcionario/a ou traballador/a con anterioridade á data de chamamento

e) Coidado dun familiar ata segundo grado cando éste por razóns de idade, accidente ou enfermidade non puidera valerse por si mesmo e non desempeñe actividade retribuída.

A acreditación das causa expresadas nos apartados a), b), c), d), e e) deberán realizarse por calquera medio que xustifique a situación e no prazo improrrogable de 5 días naturais dende que se produza o chamamento.

A exclusión provisional dun aspirante dunha lista de agarda só poderá ser formalizada mediante resolución expresa do órgano competente. A dita resolución seralle notificada aos/ás interesados/as, e permanecerán nesta situación mentres non comuniquen expresamente por escrito ó Servizo de Persoal atoparse de novo dispoñibles, reincorporándose no lugar que orixinariamente ocupaban na lista.

En ningún caso se ofertará ós funcionarios interinos ou contratados laborais outro posto de traballo da mesma lista de agarda durante a vixencia do seu nomeamento ou contrato.

Os aspirantes que se atopen prestando servizos neste Concello como consecuencia de estar incluídos nunha lista e se atopen igualmente incluídos noutra ou noutras listas, soamente serán chamados naqueles casos nos que o seu chamamento supoña pasar a un corpo, escala ou categoría laboral de grupo superior. Neste caso, o candidato deberá optar nun prazo de 24 horas dende o novo ofrecemento. O candidato, mentres persista esa situación, manterase na mesma orde nas listas nas que estivera incluído e non se axustará ó réxime de renuncias do Acordo.

Aqueles casos concretos que podan supoñer unha excepción ó previsto neste artigo, deberá ser obxecto de acordo maioritario pola comisión de seguimento das listas.

Artigo 15.º. Marco xurídico.

1. - Persoal funcionario interino: As relacións de emprego deste persoal seralles de aplicación, en canto sexa adecuado á natureza da súa condición, a Lei 7/2007, do 12 de abril, do Estatuto Básico do Empregado Público e o convenio colectivo do persoal ao servizo do Concello de Padrón.

2. - Persoal laboral: As relacións de emprego deste persoal seralles de aplicación o Real Decreto Lexislativo 1/1995, de 24 de marzo, polo que se aproba o texto refundido da Lei do Estatuto dos Traballadores, a Lei 7/2007, do 12 de abril, do Estatuto Básico do Empregado Público, en canto sexa adecuado á natureza da súa condición e o convenio colectivo do persoal ao servizo do Concello de Padrón.

Artigo 16.º. Consolidación de emprego temporal en fixo.

Co gallo de facer compatible o disposto no artigo 15.5 do Real Decreto Lexislativo 1/1995, de 24 de marzo, polo que se aproba o texto refundido da Lei do Estatuto dos Traballadores co establecido no artigo 9.4 da Lei 4/1988 da Función Pública de Galicia, cando para un mesmo posto de traballo nun período de trinta meses se tivera contratado a persoal interino ou laboral temporal durante un prazo superior a vintecatro meses, con ou sen solución de continuidade, mediante dous ou máis contratos temporais, cos/as mesmos/as ou distintos/as traballadores/as contratados/as e coas mesmas ou diferentes modalidades contractuais de duración determinada, os postos de traballo incluiranse no cadro de persoal fixo (funcionario ou laboral, según proceda) e a relación de postos de traballo do Concello, e serán incluídos na oferta de emprego público inmediatamente seguinte, atendendo ás dispoñibilidades orzamentarias.

Si o posto de traballo en cuestión estivera sendo desempeñado mediante relación temporal no momento en que se cumpran os prazos sinalados no parágrafo anterior, a relación convertirase en interina, sexa praza de funcionario ou laboral (contrato de interinidade).

Disposicións adicionais.

Primeira. - O Concello de Padrón comprométese a non facer uso das empresas de traballo temporal (ETTs) nin a utilizar calquera outro tipo de contratación que supoña non aplicar o convenio colectivo en vigor ó persoal o seu servizo.

Segunda. - O Concello de Padrón comprométese a incentivar a contratación das persoas con discapacidade, incluso con medidas discriminatorias favorables. A estes efectos, esta condición será mérito preferente para o acceso ás listas de contratación, conforme ó establecido neste Regulamento e na lexislación vixente.

Disposición final.