Sentencia/Laudo. Convenio Colectivo de Empresa de PESCANOVA, S.A. (36001020011982) de Pontevedra

Código de Convenio número 36103841032017

Visto o texto do laudo arbitral relativo ás diferenzas na determinación dos servizos mínimos para as folgas previstas para os días 14 e 21 de marzo do 2017, para a súa aplicación na empresa PESCANOVA ESPAÑA S.L.U, Centro Industrial de O Porriño e Centro Industrial de Chapela, que foi ditado o día 13 de marzo do 2017, e tivo entrada no rexistro telemático de convenios e acordos colectivos de traballo da xefatura territorial da consellería de Economía, Emprego e Industria en Vigo o 17 de marzo do 2017, de conformidade co disposto no art. 90, 2 e 3, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real Decreto 713/2010, de 28 de maio, sobre rexistro e deposito dos convenios e acordos colectivos de traballo, artigo 24.4 do Acordo interprofesional galego sobre procedementos extraxudiciais de solución de conflitos de traballo (AGA), e Real decreto 2412/82, do 24 de xullo, sobre traspaso de funcións e servizos da Administración do Estado á Comunidade Autónoma de Galicia, en materia de traballo, esta xefatura territorial,

A C O R D A:

Primeiro.-Ordenar o seu rexistro e depósito no Rexistro de Convenios e Acordos Colectivos de Traballo da Comunidade Autónoma de Galicia, creado mediante Orde do 29 de outubro de 2010 (DOG nº 222, do 18.10.2010).

Segundo.-Dispoñer a súa publicación no Boletín Oficial da Provincia.

Terceiro.-Ordenar a notificación desta Resolución á Mesa Negociadora do mesmo.

Vigo, 30/03/2017.-O Xefe Territorial, Ignacio Rial Santomé.

JOSE Mª CASAS DE RON, designado árbitro segundo o previsto no artigo 29 do Acordo Interprofesional Galego sobre procedementos Extraxudiciais de Solución de Conflictos de Traballo (AGA) en acta de data 13.03.2017, polas partes en conflicto na empresa PESCANOVA ESPAÑA, S.L.U., Centro Industrial de O Porriño e Centro Industrial de Chapela, segundo compromiso de procedemento de arbitraxe en caso de desacordo na determinación de servizos de mantenemento de data 13.03.2017, resolve a cuestión laboral plantexada, ditando o seguinte laudo arbitral, baseándose nos seguintes

CLÁUSULAS

Primeiro.-Antecedentes

As partes en conflicto non chegaron a acordo na determinación dos servicios de mantenemento e seguridade para as folgas previstas para o día 14.03.2017 e 21.03.2017, téndose que someter ó procedemento previsto no Capítulo IV do AGA citado sobre mecanismos de mantenemento en caso de folga.

Segundo.-O árbitro foi ilustrado polas partes sobre os pormenores das circunstancias do desacordo e entende garantidos tanto pola empresa como polo Comité de Folga constituido e os seus asesores/as os principios de publicidades, transparencia, contradicción así como a inexistencia de fraude, dolo e abuso de dereito.

Terceiro.-Son partes no conflicto:

En representación da empresa: Santiago Gómara Millán Director do Centro Industrial do Porriño e Marta Otero Fernández Directora do Centro Industrial de Chapela, Liliana Zolla Aguirre Responsable de Persoal do Centro Industrial de O Porriño e Francisco Javier Taboada Responsable de Persoal do Centro Industrial de Chapela e Sandra Gómez Fernández Asesora Letrada da Empresa.

En representación do Comité de Folga: Candelaria Martínez Álvarez, José Carlos Iglesias Rivas, Ana Cancelas Currás, Ana Belén Vázquez Martínez, Andrés Rivera Pérez, José Ramón Armada Pérez, José Benito Lorenzo Vázquez, Mª Victoria Pichel Bugallo, María Begoña Polo Conde, Pilar González Montero, Lucía Dantas Daljan, Juan Francisco Pérez Outeiral e os asesores da CIG Xosé Fernández Piñeiro e Xesús García Couso, o asesor de UGT Ignacio Couñago Lara, María Teresa Pérez Lago asesora por USO e Ricardo Castro Buerger polo sindicato da CUT.

Cuarto.-O árbitro en base as posición das partes, unitaria, pola representación dos catro sindicatos convocantes e, tendo en conta a posición empresarial, dita o seguinte laudo arbitral consonte o artigo 29 do procedemento do AGA citado.

a) Centro Industrial de O Porriño:

- Quenda de Mañá:

' Limpeza: 8 operarios, persoal externo (persoal habitual de contrata de limpeza - Sociedad Tratamiento de Aguas Residuales, S.L.).

' Portería: 1 trabajador para el control de accesos, persoal externo (persoal habitual de contrata de vixianza - ESC Servicios Generales).

' Depuradora: 1 operario, persoal externo (persoal habitual de contrata de depuradora - Aqualia, S.A.)

' Mantemento de equipos: 1 frigorista, 1 electricista e 2 mecánicos, persoal externo (persoal habitual das contratas VISERVI e SELNOR).

- Quenda de Tarde:

' Mantemento de equipos: 1 frigorista localizable, personal externo (persoal habitual de contrata VISERVI).

' Portería: 1 trabajador para el control de accesos, persoal externo (persoal habitual de contrata de vixianza - ESC Servicios Generales).

- Quenda de Noite:

' Mantemento de equipos: 1 frigorista. E ademáis, 1 electricista e 1 mecánico, persoal externo (persoal habitual das contratas VISERVI / SELNOR).

' Portería: 1 trabajador para el control de accesos, persoal externo (persoal habitual de contrata de vixianza - ESC Servicios Generales).

' Limpeza: 2 operarios para tareas de desinfección, persoal externo (persoal habitual de contrata de limpeza - Sociedad Tratamiento de Aguas Residuales, S.L.).

O árbitro no uso das súas facultades determina un período de 45 minutos ós efectos de preparación de liñas para o arranque da actividade normal no día 15.03.2017 e no seu caso, tamén para o día 22.03.2017. Todo elo sempre tendo en conta os protocolos correspondentes de aplicación na empresa no eido sanitario e de desinfección.

b) Centro Industrial de Chapela:

- Quenda de Mañá:

' Limpeza: 13 operarios, persoal externo (persoal habitual de contrata de limpeza - Sociedad Tratamiento de Aguas Residuales, S.L.).

' Mantemento de equipos: 1 frigorista e 3 mecánicos, persoal externo (persoal habitual da contrata DGH Robótica, Automatización y Mantenimiento Industrial, S.A.).

' Carretilleiro: 1 traballador de 06:45 horas a 08:45 horas, do día 14.03.2017, e no seu caso, do día 21.03.2017persoal externo (persoal habitual da contrata MICOFER, S.L.).

' Produción: 10 traballadores, exclusivamente, de 06:45 horas a 08:45 horas (2 horas), do día 14.03.2017, e no seu caso, do día 21.03.2017 persoal externo (persoal habitual da contrata MICOFER, S.L.).

- Quenda de Tarde:

' Mantemento de equipos: 4 mecánicos, persoal externo (persoal habitual da contrata DGH Robótica, Automatización y Mantenimiento Industrial, S.A.).

- Quenda de Noite:

' Limpeza: 2 operarios para tareas de desinfección das liñas, persoal externo (persoal habitual de contrata de limpeza - Sociedad Tratamiento de Aguas Residuales, S.L.).

' Mantemento de equipos: 1 frigorista. E ademáis, 3 mecánicos, dos cales 2 deles persoal externo (persoal habitual da contrata DGH Robótica, Automatización y Mantenimiento Industrial, S.A.).

' Produción: 8 traballadores, exclusivamente, de 04:45 horas a 06:45 horas (2 horas) do día 15.03.2017, e no seu caso, do día 22.03.2017, persoal externo (persoal habitual da contrata MICOFER, S.L.).

' Carretilleiro: 1 traballador, exclusivamente, de 04:45 horas a 06:45 horas (2 horas), do día 15.03.2017, e no seu caso, do día 22.03.2017, persoal externo (persoal habitual da contrata MICOFER, S.L.).

O árbitro no uso das súas facultades determina un período de 2 horas ós efectos de preparación de parada das liñas, no día 14.03.2017 e no seu caso, no día 21.03.2017 e un arranque con un tempo de 2 horas para a normalización da actividade productiva no día 15.03.2017 e, no seu caso, no día 22.03.2017. Todo elo sempre tendo en conta os protocolos correspondentes de aplicación na empresa no eido sanitario e de desinfección.

Asemesmo e, para os dous Centros de Traballo, o árbitro, determina que de calqueira cirunstancia ou incidenza que se puidera producir, perante a aplicación dos presentes Servizos Indispensables de Seguridade e Mantemento, a empresa comunicará ao Comité de Folga e ós asesores das catros Centrales Sindicales convocantes ditas cuestións.

Participaron como asesores do árbitro os estudantes da Facultade de Ciencias Xurídicas e do Traballo, Isabel Martínez Pino, Samuel Martínez Vázquez e Bárbara Vázquez Torres.

O presente laudo arbitral poderá ser impugnado polos motivos, vías e prazos que establecen os artigos 65.4 e 163.1 da Lei Reguladora da xurisdición social.

Vigo, 13 de marzo de 2017.-O árbitro, José Mª Casas de Ron.