Correccion. Convenio Colectivo de Empresa de CONCELLO DE NIGRAN. PERSOAL LABORAL (36004452012010) de Pontevedra

Visto o erro padecido na redacción do artigo 21.8.d do texto do convenio colectivo do persoal laboral do CONCELLO DE NIGRÁN, que foi publicado no BOP nº 181, de data 18-092009, onde di:"Os/as empregados/as públicos/as do Concello de Nigrán por razóns de garda legal, cando teñan o coidado directo dalgún/ha menor de doce anos, de persoa maior que requira especial dedicación ou dunha persoa con discapacidade que non desempeñe actividade retribuida, terá dereito a unha reducción dun terzo ou un medio da xornada". Debe dicir: "Os/as empregados/as públicos/as do Concello de Nigrán por razóns de garda legal, cando teñan o coidado directo dalgún/ha menor de doce anos, de persoa maior que requira especial dedicación ou dunha persoa con discapacidade que non desempeñe actividade retribuida, terá dereito a unha reducción entre, alomenos, un octavo e un máximo da metade da duración da xornada". Que ó abeiro do disposto no artigo 105.2 da Lei 30/1992, de réxime xurídico das administracións públicas e do procedemento administrativo común (modificada pola Lei 4/1999, do 13 de xaneiro), as administración poderán, así mesmo, rectificar en calquera momento, de oficio ou por instancia dos interesados, os erros materiais, de feito ou aritméticos existentes nos seus actos, este departamento territorial,

ACORDA:

Rectificar o erro material sufrido no artigo 21.8.d do convenio colectivo do persoal laboral do Concello de Nigrán.

Ordenar a súa inscrición no libro rexistro de convenios colectivos de traballo, obrante neste departamento territorial, e a notificación ás representacións económica e social da comisión negociadora.

Ordenar o seu depósito no Servicio de Relacións Laborais, Sección de Mediación, Arbitraxe e Conciliación.

Dispoñer a súa publicación no Boletín Oficial da Provincia.

Vigo, a 2 de novembro de 2009.A xefa territorial, Carmen Bianchi Valcarce.