Última revisión
Modificacion/Interpretacion. Convenio Colectivo de Empresa de CONCELLO DE BURELA. PERSOAL LABORAL (27000962012005) de Lugo
Empresa Provincial. Versión VIGENTE. Validez desde 30 de Septiembre de 2010 en adelante
Modificacion do Convenio colectivo para o Persoal Laboral do Concello de Burela. (Codigo 2700962) (Boletín Oficial de Lugo num. 226 de 30/09/2010)
CONVENIOS COLECTIVOS
Exp. 23-2008 (Código 2700962)
Vista a certificación do acordo do Pleno da Corporación Municipal en sesión ordinaria celebrada o día 30/06/2010 do convenio colectivo para o "PERSOAL LABORAL DO CONCELLO DE BURELA", presentada neste Departamento Territorial o 6 do presente mes, relativa á modificación do artigo 74 do mentado convenio, publicado no B.O.P. núm. 295 de data 24-12-2008 e de conformidade co disposto no artigo 90 apartados 2 e 3 do Real Decreto Lexislativo 1/95, do 24 de marzo, polo que se aproba o texto refundido da Lei do Estatuto dos Traballadores, e no Real Decreto 1040/81, do 22 de maio, sobre rexistro e depósito de convenios colectivos de traballo.
ESTE DEPARTAMENTO TERRITORIAL, ACORDA:
PRIMEIRO:
Ordenar a inscrición da modificación do artigo 74 do citado convenio colectivo no rexistro de convenios deste Departamento Territorial, así como o seu depósito.
SEGUNDO:
Remitir a modificación do mentado convenio colectivo á Dirección Xeral de Relacións Laborais da Xunta de Galicia.
TERCEIRO:
Dispoñer a súa publicación no Boletín Oficial da Provincia.
Lugo, 16 de setembro de 2010.
- O Xefe Territorial, Antonio Dacal López.
Concello de Burela
ALEJANDRA PARDO VÁZQUEZ, Secretaria do Concello de Burela (Lugo)
CERTIFICO:
Que no Pleno ordinario de data 30 de xullo de 2010, adoptouse, entre outros, o seguinte
ACORDO:
PRIMEIRO:
Engadir un novo parágrafo ao artigo 74 do Convenio do persoal laboral ao servizo do Concello de Burela:
"Artigo 74. Plan de pensións De conformidade coa Lei de Presupostos Xerais do Estado créase un plan de pensións para o persoal laboral, de carácter voluntario, establecéndose unha aportación do 0,5% da masa salarial para financia-las aportacións de acordo co establecido igualmente na disposición final segunda do TR da Lei de Regulación dos Plans e Fondos de Pensións. A tal fin constituirase unha Comisión Promotora para a posta en marcha e adxudicación e desenvolvemento do Plan que estará constituida por representantes da Entidade local e do persoal.
Para poder integrarse no presente plan de pensións requiriráse unha antigüidade mínima de un ano como contratado laboral ao servizo do Concello de Burela ".
SEGUNDO:
Remitir o presente acordo á autoridade laboral competente, aos efectos de ordear o seu depósito, rexistro e publicación no Boletín Oficial da Provincia.
TERCEIRO:
Publicar o presente acordo no taboleiro de edictos do Concello.
E para que conste, expido a presente orde e co visto e prace do Sr. Alcalde, e coa salvedade prevista no artigo 206 do Regulamento de Organización Funcionamento e Réxime Xurídico das Entidades Locais, aprobado polo R.D.2568/1986, de 28 de novembro, en Burela, a un de setembro de dous mil dez.
Vº e Prace, o Alcalde, Alfredo Llano García.