Revision. Convenio Colectivo de Sector de COMERCIO DE LA PIEL (32000135011981) de Ourense

Unha vez visto o texto da acta da Comisión Paritaria do Convenio colectivo do sector de comercio da pel da provincia de Ourense (código de convenio núm. 3200135), publicado no BOP n.º 128, do 7 de xuño de 2005, na que se acorda a actualización da táboa salarial do ano 2005, que foi subscrita o día 1 de febreiro de 2006, polos integrantes da mencionada Comisión Paritaria constituída en representación da parte económica pola Asociación Empresarial de Comercio de Calzados e Bolsos de Ourense e en representación dos traballadores do sector pola central sindical Comisións Obreiras, e de conformidade co disposto no artigo 90.2 e 3 do Estatuto dos traballadores, texto refundido aprobado polo Real decreto 1/1995, do 24 de marzo, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servizos da administración do Estado á Comunidade Autónoma de Galicia, en materia de traballo e demais normas aplicables de dereito común, esta delegación provincial

Acorda:

Ordenala súa inscrición no libro de rexistro de convenios colectivos de traballo, que consta nesta delegación provincial, e notificación ás representacións económica e social da comisión negociadora.

Ordenalo seu depósito no Servizo de Relacións Laborais, Unidade de Mediación, Arbitraxe e Conciliación (UMAC).

Dispoñela súa publicación no Boletín Oficial da Provincia.

Ourense, 24 de febreiro de 2006. A delegada provincial. Asdo.: Carmen Rodríguez Dacosta.

Reunida a Comisión Paritaria do Convenio colectivo provincial de comercio da pel de Ourense, sendo as 20: 00 horas do día 1 de febreiro de 2006, acordan proceder ó estipulado na disposición adicional segunda do texto vixente, unha vez constatado o IPC oficial do ano 2005, procedendo a actualizalas táboas salariais na contía do 1,2 % de diferenza entre o 2,5 % e o IPC real a 31.12.2005 que foi do 3,7 %.

Para os efectos establecidos de aboamentos de atrasos, acórdase o pagamento dos salarios producidos entre os meses de outubro a decembro do ano 2005, ambos inclusive, toda vez que o IPC superou a cifra do 2,5 % no referido mes de outubro, para aboar nunha soa paga antes do 28 de febreiro do 2006, máis o estipulado no artigo 11 que actualiza a paga extra de Nadal.

Seguidamente actualízanse as táboas salariais que servirán de base para o ano 2006 segundo as contías que se reflicten no anexo I desta acta, enviando á delegación correspondente as copias para a súa homologación e posterior publicación nos boletíns pertinentes.

E non habendo máis asuntos que tratar, levántase a sesión, asinando a presente acta da data reflectida.

Asociación Empresarios do Comercio da Pel. CCOO.

Táboa salarial

Categoría; salario

Xefe de división; 824,49 €

Encargado xeral e xefe de compras; 794,22 €

Xefe de sucursal ou almacén; 794,22 €

Xefe de sección mercantil; 764,40 €

Encargado; 749,39 €

Viaxante; 749,39 €

Dependente maior; 719,36 €

Dependente; 679,55 €

Axudante; 670,60 €

Mozo; 670,60 €

Xefe administrativo; 795,12 €

Contable; 750,17 €

Oficial administrativo; 719,36 €

Auxiliar administrativo; 670,60 €

Auxiliar de caixa maior; 679,55 €

Auxiliar de caixa; 519,35 €

Escaparatista; 785,45 €

Persoal de limpeza; 4,72 €